السلام عليكم
ناوى على حاجة جديدة بالقسط
و محتار بين كذا نوع زى فيرنا و لوجان او سانديرو او حتى افيو
انا عاوز حاجة شبابى و تريحنى و دى هتكون اول عربية ليا و هتعلم عليها
ياريت اسمع اراء الخبراء
عرض للطباعة
السلام عليكم
ناوى على حاجة جديدة بالقسط
و محتار بين كذا نوع زى فيرنا و لوجان او سانديرو او حتى افيو
انا عاوز حاجة شبابى و تريحنى و دى هتكون اول عربية ليا و هتعلم عليها
ياريت اسمع اراء الخبراء
والله انا شايف ان حرام مبلغ زى ده يندفع فى العربيات دى .. شوفلك حاجه تكون اعلى وحالتها نضيفه او تكون كسر زيرو عندك اوبترا او لانسر او صنى الشكل القديم او النترا الشكل القديم كل ده افضل بمراحل من العربيات اللى انت ذكرتها دى .
طب ما تحاول تزود شوية وتجيب البيجو 301 او الستروين سى الاليزيه
هات اوبل كورسا عربيه شبابى وهتبقى موديل حديث
بص يا أستاذي الفاضل
الرينج ده للأسف رينج حرج في سوق السيارات الجديدة في مصر الأيام دي وبالتالي لازم تبقى مقتنع انك مش هتجيب احسن حاجة في الدنيا ولكن هتجيب حاجة تكون مناسبة ليك
هتلاقي كتير يقولولك زود شوية وجيب بيجو 301 أو سيتروين سي-اليزيه أو نيسان صني، وانا عارف ان ده امر مستحيل انتوا ببتكلموا في 30 ألف جنيه فرق، وفرق غير مبرر في الجودة على فكره
بالنسبة للحاجات المتاحة هتكون النقط المضيئة فيها الصيني سواء سبيرانزا أو بريليانس أو جيلي، ولكن هافندلك الاختيارات المتاحة كلها
- هيونداي فيرنا (هي أصلا أكسنت موديل 2004 ونزل بعدها جيلين بس مكملة بنفس الشكل ك "فيرنا")
مميزاتها الموتور أداءه قوي، بس قصاده الثبات ضعيف، غير انها منتشرة بكثافة وبالتالي قطع غيارها مرمية في كل مكان وكل ميكانيكية مصر بيفهموا فيها
سعرها من 77,000 الى 93,000
- شيفروليه لانوس (دايو لانوس بتاعة 1999)
العربية من أنجح العربيات في مصر ونفس فكرة الفيرنا عدا أداء الموتور
سعرها 79,000
- شيفروليه أفيو
هي تطوير شركة جينيرال موتورز بعد استحواذها على دايو، وتعتبر الموديل الأحدث لللانوس، سمعت كلام عن عيوب في التقفيل المحلى ولكن ماعنديش أي معلومات صريحة عنها
سعرها 95,000
- بروتون ساجا
العربية بموتور 1300 سي سي ولكن يقال ان اداءه جيد بالمقارنة، العربية عيبها كما أسمع ارتفاع أسعار قطع الغيار وعدم توفر بعضها، ده غير قلة انتشارها في الشوارع
سعرها 82,000 للمانيوال و 88,000 للأوتوماتك
- رينو لوجان والهاتشباك أختها السانديرو(مش رينو ولا حاجة، دي داتشيا الرومانية ومتصنعة في المغرب)
العربية نجحت الى حد كبير في السوق المصري وانتشرت الى حد يقارن بانتشار زملاءها في نفس الفئة، المحرك أداءه جيد جدا ولكن يعيبها العفشة واسترخاص التوكيل في الخامات والكماليات
سعراها 81,000 الى 93,000 للولجان، و87،000 الى 97،000 للسانديرو
- هيونداي i10
سيارة Subcompact او City Car من هيونداي، تطور للأتوس القديمة، موتورها 1100 سي سي ولكن أداءه جيد
سعرها 82,000 الى 95,000
- كيا بيكانتو
الأخت الشقيقة لل i10 من انتاج كيا، موتورها 1200 سي سي والمفروض انه أقوى من الi10، ولكن يقال ان ثباتها اقل منها والله أعلم
سعرها 82,000 الى 100,000
- جيلي امجراند اي سي 7 (صينية توكيل غبور)
العربية بدأت تنتشر بشدة في شوارع القاهارة وبدأ بظهر منها تاكسي أبيض، يقال عنها الكثير من الأقويل سواء عن مميزات أو عيوب، ولكن للأمانة ظهر في بعض من السيارات صدأ ولكن التوكير يقوم بتدارك الموضوع، السيارة فخمة وواسعة ويقال ان اداءها جيد جدا كمحرك او عفشة، مع وجود غبور وراها فهي مرشحة انها تحل محل الفيرنا في الانتشار
سعرها 83,000
- جيلي اكس باندينو (صينية توكيل غبور)
سيارة صغيرة كروس تشبه البيكانتو في الشكل قليلا ولكن مبيعاتها محبطة، محرك 1500 سي سي أوتوماتك ولكن يقال ان أداءه مخيب بعض الشيء وكمان صوته عالى
سعرها 80,000 الى 83,000 (السيارة أوتوماتك فقط)
- بريليانس FRV (صينية توكيل البافارية)
سيارة هاتش باك موجودة في السوق من 2008 على ما أتذكر، توكيل البافاية هو نفسه توكيل BMW والسيارة غامضة بعض الشيء، الكلام عنها محدود، ولكن من ملاحظتي الشخصية العربية في الشوارع حالتها جيدة جدا، وكلام الأعضاء ملاكها عن أداءها المفروض انها جيدة جدا، يعيبها ارتفاع أسعار قطع الغيار ويقال ان مؤخرا التوكيل بقى عليها ضغط شديد
سعرها 83,000 للمانيوال و 97,000 للأوتوماتك، وأختها الكروس 88,000 للمانيوال و102,000 للأوتوماتك
- بريليانس FSV (صينية توكيل البافارية)
هي السيدان من الFRV ونفس ظروفها بالملى
سعرها 84,000 الى 101,000
- سبيرانزا M11 والM12 (صينية توكيل أبو الفتوح - دايو سابقا)
سيارة من تصميم Pininfarina الايطالية، منها السيدان M11 والهاتشباك M12، اداءها طبقا لملاكها جيد جدا ولكن يعيبها بعض عيوب التقفيل، العربية انتشارها مش واسع ولكن مش قليلة
سعرها 82,000 للسيدان و83,000 للأوتوماتيك
- سبيرانزا Envy
الخليفة للسيارة A516 المنتشرة في مصر كتاكسي أبيض، مع فارق ان محركها وصالونها أصغر، لم تنتشر في السوق المصري بعكس منافستها الامجراند
سعرها 80,000 الى 84,000 الفول اوبشنز
كده وفينا كل العربيات في السوق المصري فى الفئة دي، اللي هتلاحظة في العربيات الصيني كلها ان فيها كماليات اكتر وفرامل ABS وكمان Airbags في العديد منهم
بالنسبة لكونك عايز عربية شبابي واول عربية ليك واكيد هتمرمطها معاك كام سنة، ماعتقدش ان اعادة البيع هتكون ازمة، ولكن في انهاية ده شيء يرجعلك
احقاقا للحق، اكتر عربيات شبابي هتكون البريليانس FRV والسبيرانزا M11 وM12 ويليهم السانديرو والبيكانتو، وان كان البيكانتو اداءها هيكون متواضع مقارنة بيهم
في الأربعة دول هتلاقي شريحة كبيرة من أصحاب رهاب الصيني هيقولوا سانديرو من غير اي تفكير لمجرد ان عليها علامة رينو، اي حد هيقولك انا بافضل كذا اسأله ليه، لأن الاجابات الغير مبرره دي مابتأكلش عيش... اما الsafe side هيكون اختيار الفيرنا او اللانوس لمجرد عدم المخاطرة
أنصحك تلف على الأقسام الخاصة بالعربيات دي وتاخد أراء ملاكها وتقرا تقاريرهم عنها، وبعدين تنزل بنفسك للمعارض وتشوف كل واحدة منهم وتحس خاماتها وتقعد فيها وتحس الكيميا معاها وان شاء الله ربنا يوفقك للأختيار الأصلح
بلاش قسط
هات بالى معاك العربية مستعملة وهيا هيا الزيرو مش هتفرق كتير
يعنى لانوس مثلا 2003 ب 40 الف هيا هيا لانوس 2013 ب 80 الف
فرق ان العربية لسا متبهدلتش بس انت الى هتتبهدل فى الاقساط
ممكن byd اتوماتيك او مانيوال
معلش رأى ممكن ما يعجبكش ,, ولكن بما انك سوف تتعلم عليها السواقه ,, فانى افضل سيارة شاهين او دوجان او 128 او اى سياره فيات قديمه بحوالى 20000 جنيه لمدة 6 شهور سواقه وتعليم ومن ثم تفكر فى الزيرو اللى اى خبطه به تكلف مبالغ كبيره
اولا رينا يوفقك في عربية كويسة تريحك و مبروك مقدما
ثانيا قصة مستعمل او جديد انتا اللي تحددها بناء علي انك ممكن تتعب شوية مع الميكانيكية في شوية اصلاحات مبدئية بس تركب عربية بمواصفات اعلى او انك مش عايز وجع دماغ و عربية ما تشتغلش فيها خالص دولقتي و لمدة سنتين تلات سنين و ساعتها عليك و على الزيرو
بالنسبة للمستعمل في حاجات كتيرة قوي بالمبلغ ده و كلها اختيارات مريحة
اما لو ناوي على جديد يبقى بالترتيب
١ اللوجان و السانديرو
٢ Byd f3
٣ فيرنا
٤ m11 او m12
بالنسبة للباقي ( الافيو-الاميجراند_ البريليانس _الانفي) فنصيحة ابعد عنهم
فيرنا اوتوماتيك