لو حتجيب حاجة زيرو من دول حتختار ايه وليه؟ عايز اجيب عربية زيرو ومحتاج رأيكو

السلام عليكم انا عايز اجيب عربية زيرو حتبقى اول عربية اجيبها إن شاء الله وعايز اجيب حاجة من دول بس معرفش مين احسن في وسائل الامان عشان وسائل الامان بالنسبالي حاجة اساسية وكمان استهلاك البنزين وبالنسبة لقطع الغيار متفرقش معايا لإني حبقى في التوكيل بإستمرار لو حصل حاجة لقدر الله
ايه رأيكو اجيب ايه من دول؟
1- سيراتو تاني فئة اوتوماتيك
2- رينو فلوينس تاني فئة اوتواتيك
3- كروز هايلاين
4- فورد فييستا
5- كيا ريو

انا معنديش خلفية عن وسائل الامان بس سمعت في موقع ان الفورد فييستا فيها 6 ايرباج و توازن الكتروني بس محتاج تأكيد من حضراتكم إن شاء الله

فلوانس من دون تفكير (اعادة البيع زفت الزفت)

اقتباس:

---

المشاركة الأصلية كتبت بواسطة merooxx

فلوانس من دون تفكير (اعادة البيع زفت الزفت)

---

مش واخد بالي يعني ايه فلوينس من دون تفكير وزفت الزفت ؟ يعني وحشة ولا حلوة وايه اخبار الامان ؟

رينو فلوينس

خامات داخليه كويسه جداً

وسائل امان كثيره من اول فئه

الريو والفيستا يعتبروا فئه اقل من الفئات اللى فى المقارنه
كما ان الريو والفيستا فى الاتساع الداخلى اقل من باقى العربيات اللى فى المقارنه

ايه ميزانيتك ومدى استعمالك وعدد افراد اسرتك وبناء على ذلك نساعدك

فييستا امان اكتر

اقتباس:

---

المشاركة الأصلية كتبت بواسطة amr011111

رينو فلوينس

خامات داخليه كويسه جداً

وسائل امان كثيره من اول فئه

الريو والفيستا يعتبروا فئه اقل من الفئات اللى فى المقارنه
كما ان الريو والفيستا فى الاتساع الداخلى اقل من باقى العربيات اللى فى المقارنه

---

طيب وسائل الامان الكتيرة دي كتيرة فعلاً في الفئة التانية ؟ وايه هي يعني كام ايرباج وهل يوجد esc وحساسات ركن ؟

اقتباس:

---

المشاركة الأصلية كتبت بواسطة george yousef

ايه ميزانيتك ومدى استعمالك وعدد افراد اسرتك وبناء على ذلك نساعدك

---

العربية للاستخدام الشخصي مش العائلي والاستعمال حيكون يومياً تقريباً ظروف جامعة او شغل يعني الوسع مش شئ اساسي اهم حاجة الامان والميزانية بحد اقصى 170 الف

اقتباس:

---

المشاركة الأصلية كتبت بواسطة برنس الليالي

فييستا امان اكتر

---

وضح

الفييستا هي الملائمة لاحتياجات حضرتك بالنسبة لوسائل الامان فيها 6 ايرباج و esp وحساسات والحاجات دي مش موجودة في باقي المذكور

كيا ريو هاي ﻻين هاتبقى مناسبه لك ﻻن الكورى ميتركبش اﻻ اعلى فئه اما الفورد فتوكيلها مش ثابت والعربيه مش منتشره حتى ذى الفوكاس

لو بنتكلم عن الامان فقط ؟
طبعا الفيستا ,, no question about it

الفلونس والسيراتو وخرج الباقى مش عشان وحشين لاكن لانهم فئة اقل من وجة نظرى
الفلونس تانى فئة عاملة 168000 ومتوفرة عند اغلب المعارض ودة يعتبر اقل من السعر الرسمى ب2000 وممكن تنزل اكثر
السيراتو الفئة اللى بتقابلها عاملة 158 الف وايضا موجودة عند اغلب المعارض ولو خليجى بالسعر دة هتاخذ معها فتحت سقف
وبالتوفيق ان شاء الله

انا شايف ان اغلب الناس مفهمتش سؤال الاخ اللي عايز مساعدة ... عمالين تقولو سيراتو وفلوينس وسعرها واعادة بيعها وصاحب الوضوع متكلمش عن الحاجات دي اصلا دا بيقول انهي أأمنهم

طيب بما ان الميزانية وصلت 170 .. حط الفورد فوكس والسوبارو امبريزا في المقارنة .. هيكسبو باأكتساح

الفيستا أأمن عربيه

أأمن عربية الفييستا بدون منازع و شكلها كويس و شبابي بس موضوع الوكيل مش عارف هيرساله على ايه

و في اختيار تاني و اعتقد انها اقل في الامان من الفييستا الا و هى الكروز عربية جميلة من ناحية الشكل الهجومي و بالذات الشكل الجديد و فيها نفس موتور الاوبل استرا و فتيسها .

نصيحة وعن تجربة كل هذه العربيات وتجربة جميع الفئات أولاً الرينو فلوانس رووووعة ثم الفورد فوكاس ثم الكروز وابعد تماماً عن السيراتو هذه عربية فاااااااااشلة بمعنى الكلمة حتى لو ببلاش ، ولا يجب ان نضع الريو في مقارنة لأن الريو تختلف تماماً عن العربيات المذكورة سابقاً، ولكن عربية جيدة، ونحن في القاهرة وفي المحافظات لا نحتاج إلى وسائل أمان كثيرة يكفي 2 اير باج ، وكثرة الايرباج غير جيد في السيارة، والرينو عربية فخمة جداً ومع كثرة الكماليات فيها تزيد جودتها

الفلوانس ممتازه

السلام عليكم
انا رايى الفلوانس العربيه محترمه جدا وامان جدا وعن تجربه ناس صحابى عاملين بيها حوادث قبل كدة ودول من النوعيه الطايشه كمان ولما بشوف منظر العربييه بقول مينفعش حد يطلع سليم منها ومبيحصلهمش حاجة
انا بس عايز اقول حاجة ان مش وسائل الامان بس هى الى بتخلى العربيه تمام
يعنى تصميم العربيه نفسه ليه عامل كبير فى الامان
ممكن عربيه ميكنش فيها eps مثالا وعمرها متعوم ولا تتزحلق
فى عربيات فيها ايرباج واحده بس فى فولاذ محوط العربيه كلها
الى عايز اقوله ان فى عوامل احنا مش بنبص عليها لكن بنبص على مسميات بس
وبالتوفيق

بفضل الكروز

يا جماعة الراجل عايز افضل عربية في وسائل الأمان واحنا عمالين نقوله الفلوانس عربية روعة ومش عارف ايه؟؟ ما احنا عارفين ان الفلوانس حلوة والكروز كمان احلى بالنسبة لي كل ده جميل... انما كوسائل امان الفييستا لا تضاهى في الاختيارات اعلاه ولذلك اخترتها بناء على معايير صاحب الموضوع... العربية ألماني فيها 6 ايرباجز و esp يبقى بديهي جدا انها أكثرهم امانا...

انا غلبان وبركب لادا ههههههههههههههه
لكن لو هشترى من القائمه هيبقي الفلوانس
شكل جميل وعاجبنى وملفت
عربيه مميزة - تحسسك انك مميز - بس فى المقابل هتخسر جامد فى اعادة البيع -
اوروبى

الرينو

الكروز يعيبها فقط التوكيل لكن كعربية ممتازة و حتى اقرا عليها هنا و ممكن تجيبها من بورسعيد على انها دايو هتبقى افضل من التوكيل و هتبقى تقفيل كوري

صوتى للرينو....

اقتباس:

---

المشاركة الأصلية كتبت بواسطة Omar2017

الكروز يعيبها فقط التوكيل لكن كعربية ممتازة و حتى اقرا عليها هنا و ممكن تجيبها من بورسعيد على انها دايو هتبقى افضل من التوكيل و هتبقى تقفيل كوري

---

معدش حد بيجيبها خلاص بس لما كانت بتيجى الكلام ده 2011 كانت وهم بمعنى الكلمة و كان اسمها دايو لاسيتى 145000 مكانش فيها حاجه مش موجوده فتحة سقف مثبت بلوتوث شاشه عريضه وكانت بموتور و فتيس و عفشة الاسترا الجديده فيه منها دلوقت مستعمل وحالته كويسه اخر حاجه شفتها كان مطلوب فيها 100 الف

Sent from my GT-S5282 using Forum Runner

انا كنت فنفس حيرتك لكن فألفورد مع الكورولا مع الاسترا
ولم أنظر الى سيراتو ولا كروز نهائيا
والاختيار كان فلوانس فتحة سقف
وعاوز أقولك هتستمتع وهتحس انك راكب جهاز كمبيوتر مش عربية
عدادات ديجيتال وإضاءه من كل ناحية من عتب لصالون
الوسع والرحابة الداخلية أكثر من رائع
موتور وفتيس وتكييف من نيسان يعني إلاعتمادية مع ألاوبشنز وفخامة التقفيل ألاوربي
مش هقولك غير إنزل اقعد فالعربيات وشوف انت هتستريح لمين
ياراجل يكفي أقولك اقفل الباب فالفلوانس وشوف الصاج محمل إزاي
تحياتي