-
فيات 127 فيورا
• الموديل 1984
• عدد الكيلومترات 84000 كيلو متر
• الحاله العامة او التقييم العام للسيارة ( ممتاز )
• لون أبيض - ثاني يد - حالة نادره - حالة الموتور ممتازه - عفشه مجدده حديثاً
• دهان خارجي جديد - صالون فابريقه ( فرش كراسي، فرش ابواب ، سقف، تابلوه، ارضيه، رف خلفي، فرش الشنطه)
• فرش جلد اصلي بيج - تابلوه بيج - عدادات شغاله - RPM - ساعة DIGITAL
• الكماليات ( كاسيت JVC "بتاع الماتريكس" - سماعات SONY - مسند ذراع ابنوس X جلد بلون الفرش )
• كاوتش ممتاز - البطارية كالجديده - رادياتير سليم - مرايات الفابريقه - اكصدامات الفابريقه
• مكان المعاينة / المعادي
• السعر 19000 جنيه
• سبب البيع: شراء سياره اكبر
محمود يسري
محمول : 0122363778
md@alqabashouse.com
-
انا شارى على 14000 و كاش
لو حضرتك موافق انا جاهز للمعاينة و الرفع فى البنزينة فى اقرب وقت
و شكرا.
-
اخي الكريم (جداً)
ارجو عدم التسرع بالرد و خذ وقتاً كافياً من التفكير قبل ارسال اية عروض شراء مستقبلاً ، كما ان بخس ثمن اي من معروضات رواد المنتدى يعد شيئاً غير موضع ترحيب ، و ان كنت لست جاداً في الشراء فعفواً لا تضيع وقتك بكتابة ردود من هذه النوعية التي تؤثر بالسلب اتجاه قارئي العرض من رواد هذا المنتدى المحترم.
5000 جنيه ...........!!!!!!
-
انا مش قصدى حاجة والله تسيء للعرض بتاع حضرتك و بجد انا جاهز والله
و احب اوجة لحضرتك ان السعر الى انا عارضة هو الاخر فى هذا الموديل
و شكرا ..
-
عزيزي حسام
معلش هوا الموضوع مش بتاعي عشان اتكلم فيه بس فيه نقطة مهمة جدا
السعر اللى انت كاتبه ده يجيب فعلا فيورا
بس تقريبا حالتها هتكون ضايعة
يعني عايزة مصاريف وشغل والذي منه
لو عربية سليمة ومافيهاش مصروف جنيه واحد ممكن تتكلم في السعر اللى زميلنا العزيز طالبه
ارجو تقبل تعليقي بصدر رحب
وشكرا
رامي (ابو احمد و يوسف)
-
بس يا استاذ رامى لو حضرتك نزلت السوق الى فى مدينة نصر صدقنى هناك والله ممكن كمان محدش يقولو عن السعر الى انا كاتبة دة و كمان يا جماعة دى عربية بقالها 24 سنة على الارض هى اة حالتها باين حلوة لكن برضو لكل حاجة سعر محدد
انا عندى واحد صاحبى لسة بايع 28 موديل 89 و والله مركونة فى جراج خاص بتعهم يجى 10 سنوات او اكتر و لسة بايعها الاجازة دى والله و بالمانة بــ 19000
و حالتها يمكن ماتلاقيش زييها و نضيفة جدا
و انا بقولك بس ان لكل حاجة حدود فى السعر بغض النظر عن سنة الموديل او الحالة و لكل حاجة سعر
و شكرا.
-
يا عزيزي
انا اعتبر ساكن اصلا جوه السوق
من اكتر من 10 سنين بانزله بصفة دورية (جمعة وحد)
وعارف القصص والحوارات وكل الحكاوي اللي فيه
للاسف السوق ده مبقاش مقياس للسعر والحالة
كله بالفهلوة وشغل التلت ورقات
خد بالك من نقطة مهمة جدا ..... كل بيعه وليها ظروفها
ارجو ان يكون كلامي خفيف ووصلت وجهة نظري
رامي (ابو احمد و يوسف)
-
طيب فين رد صاحب الموضوع................؟؟؟؟؟؟؟؟؟؟ ؟؟؟؟؟؟؟؟؟؟؟
-
قبلت اعتذارك يا اخي العزيز ، و استميحك عذرا ان كان ردي قد اسائك ، ولكني مللت من ما في اساليب البيع و الشراء لدى البعض من بخس و فصال بالاسعار و خصوصاً السيارات.
و اشكر الاخ الفاضل الاستاذ رامي على مداخلته الهادفه مع العلم بانه لا يعرفني و لكنه اراد ان يحق الحق اتجاه ما صدر.
اما بخصوص السعر فقد عرضته لثلاث اسباب:
اولا
ان هذه السياره قد اشتريتها من حوالي سنتين من جارة لي تقطن بالعقار المقابل لمنزلي و هي المالكة الاولى لها ، وما معناه ان هذه السيارة كانت امامي دائما منذ نعومة اظافري ولم الحظ عليها اي سوء استعمال او حوادث ، كما انها كانت تعمل بوظيفة بنفس المنطقة لذا فالسيارة لم تكن تسير الا لذهابها الى العمل او لتوصيل ابنائها للمدرسه ، فما بالك بحالة اساسيات هذه السيارة.
ثانيا
بعدما اشتريت هذه السيارة قمت بتغيير الكثير من الاشياء بها من عفشه كامله ، طنابير (لاول مره) ، اطارات ، دهان كامل ، فوانيس ، عمرة موتور كامله (لاول مره)، ناهيك عن الكماليات الاخرى من كاسيت و سماعات ثمنهم تعدى ال 1300 جنيه.
ثالثا
اسعار السيارات المماثلة لحالة سيارتي يطلبون اسعارا تبدا من 20000 و تصل الى 23000 ولقد رايت سيارة موديل 86 بهذا السعر مع العلم بان الموديل ليس مقياسا للسعر ، حالة السياره هي الفيصل ..........
و اخيرا ااسف ان كنت اطلت عليكم و لكني وددت ان اوضح للاخ الفاضل
-
ربنا يحسنلك سوقها و يبارك للى هيشتريها و يعوضك احسن منها
Content Relevant URLs by
vBSEO 3.6.0 PL2