الطريق الزراعي و الكوبري الدائري ( وجهان لعملة واحدة )

**M I D O** · 31-12-2013 12:22 AM

بسم الله الرحمن الرحيم

طبعا زي ما واضح من العنوان الطريقين دول اوسخ طريقين الواحد ممكن يمشي عليهم في حياتة ..
الزراعي طبعا وكلنا عارفين البلاوي بتاعتة و القرف و الزحمة بتاعتة لاكن الجديد بقي الدائري الي تفوق علية بمراحل
يعني اية ابقي ماشي علي سرعة 90 مثلا والاقي قدامي مرتفع بسيط في الاسفلت واقول ومالة مش مرصوف كويس لاكن اما اقرب الاقيها حفرة

اة وربنا حفرة في الطريق عمقها تقريبا 30 سنتي ووسعها تقريبا 50 سنتي يعني حضرتك داخل فيها لابس لابس وانت ونصيبك العربية تطلع سليمة او بخسائر ..
ومش كدة وبس لا الفواصل الي بين الكوبري مش موجودة وحضرتك ماشي تلاقي نفسك زي ميكون مطب في الارض محفور زي المطبات الغبية الي بنقابلها في الشوارع دي او بمعني اصح حفر في الارض او مطب لجوة الارض
الطريق مش مرصوف و طول منتا ماشي العجل بيعمل صوت و حفر كتيييييييييير في الطريق اة والله حفر بجد وممكن لو عربية علي سرعة ممكن تتقلب
النهاردة ماشي الاقي الحفرة دي في وشي لبستها كانت بسيطة مش كبيرة بس طبعا العربية اتهبدت فيها بحكم السرعة 90
بعد شوية الاقي الحفرة الغبية الكبيييييييرة الي اتكلمت عليها في الاول يادوب احاول اهدي خاااالص و افاديها الكاوتش في الاول عمل صوت وبعدين ال abs اشتغل واخدتها بعجلة واحدة من العربية من الجمب العربية بقت فوووووووووووق وبعدييييين اتهبدت في الارض ودة علي سرعة 60 تقريبا بعد الفرامل من 90
الخلاصة مادام مش هنعرف نغير حاجة في ام البلد دي و الاستهتار مش هيتصلح ...
نصيحة لكل واحد يمشي علي الدائري ميعديش سرعة 60 عشان لو لاقي بلوة من بلاوي الطريق دي يعرف يلم نفسة ويفاديها وربنا يسترها علينا جميعا ...

**أبو آسر** · 31-12-2013 12:31 AM

مش ممكن يكونوا هما قاصدين كده إنهم يسيبوا الحفر دي أو حتى يعملوها متعمدين علشان كل الناس تشتكي زي حضرتك وتسلم بالأمر الواقع وتقول نمشي على سرعة 60 أحسن بدل ما اتقلب ولا العربية تتبهدل ؟
صدقني ممكن يكون هو ده المنطق اللي بيفكروا بيه في بلدنا أهو يقولك بدل رادارات وكماين ووجع دماغ أنا أقعد متسلطن في مكتبي وأجبر كل الناس إنها تمشي على 60 واللي مش هيسمع الكلام ياكله حفرة من دول يروح فيها في ستين داهية أهي البلد تبقى 83 مليون و999 ألف و999 بني آدم

**M I D O** · 31-12-2013 12:51 AM

المشاركة الأصلية كتبت بواسطة أبو آسر

مش ممكن يكونوا هما قاصدين كده إنهم يسيبوا الحفر دي أو حتى يعملوها متعمدين علشان كل الناس تشتكي زي حضرتك وتسلم بالأمر الواقع وتقول نمشي على سرعة 60 أحسن بدل ما اتقلب ولا العربية تتبهدل ؟
صدقني ممكن يكون هو ده المنطق اللي بيفكروا بيه في بلدنا أهو يقولك بدل رادارات وكماين ووجع دماغ أنا أقعد متسلطن في مكتبي وأجبر كل الناس إنها تمشي على 60 واللي مش هيسمع الكلام ياكله حفرة من دول يروح فيها في ستين داهية أهي البلد تبقى 83 مليون و999 ألف و999 بني آدم

عالم ولاد ****** خسارة ان الشتيمة ممنوعة هنا وفعلا ممكن يكون دة المنطق بتاعهم بس ولاد المرة دول مش غرمانين من جيب ابوهم حاجة احنا الي بنشيل اوبح في النهاية

**M I D O** · 31-12-2013 12:52 AM

المشاركة الأصلية كتبت بواسطة ahmed_adham

الزراعي أرحم من الدائري بكتير لأن أخره ان الاسفلت يكون فيه نقر بسيطه أن الاسفلت خشن انما الدائري فيه هضاب ومرتفعات ومنخفضات وممكن فجأه متلاقي أرض تحتك وتشوف العربيات اللي ماشيه في الدور الارضي لو تحتك طريق بالعرض.

الزراعي فعلا ارحم بس برضو زبالة و انا ما شاء الله كل يوم واخد الطريقين دول قياسة عشان الكلية كل يوم رايح جاي عليهم مرتين :w_022::w_022:

**M I D O** · 31-12-2013 12:54 AM

المشاركة الأصلية كتبت بواسطة amr011111

تلاقيك تقصد الحفر اللى قبل نزلة ميدان الرمايه

الغريب ان مش معقوله الساده المسؤولين محدش فيهم بيعدى عليه وهوه مروح بيته او مسافر
ورغم ذلك مش بيشوفوا شغلهم

الكوميديا بقى ان كوبرى الساحل الاضاءه فيه منعدمه فى المنطقه اللى فوق النيل وكانت واحده ست ابنها وقع منها من فتحه فى الكوبرى ووقع فى النيل

اجابة السادة المسئولين ان كوبرى الساحل يفصل بين محافظتى القاهره والجيزة فمنزله من ناحية القاهره تبع محافظة القاهره
ومنزله من ناجية الجيزة تبع محافظة الجيزة
انما المنطقه اللى فوق النيل مش تبع اى من المحافظتين
مش عارف ممكن يكون تبع السمك ولا ايه

ههههههههههههههههههههههه انت فكرتني بمسلسل محمد صبحي لما كان عايش في مكان واقع بين محافظتين ومكانش حد فيهم راضي يعترف بالمكان دة ...
وبالنسبة للمسئولين في مصر احب اقلهم ******** طبعا حضراتكم عارفين انا عاوز اعمل انهي حركة