بس الواد ده معلم .. انا بحييه على شجاعته
بس الواد ده معلم .. انا بحييه على شجاعته
انا رأيييى تستنى النتيجة ولو نجح خير وبركة
ولو سقط روح شوف ورقة الامتحان ونت اكيد عارف خط ابنك عامل ازاى وهتعرف ورقته هيا ده صح ولا لأ
بس معلش انا فى حاجه محيرانى ازاى مدرسة اجنبيه وتكون شديدة وتسمح بالتسيب ده يعنى الفصول الامتحانات مش زى ايامنا 20 واحد ف الفصل اكيد الامور هتختلف وهيبقى الفصل كمية اقل والمشرفين مش هيسمحوا بكدته
والأهم من كدته انه فى اولى ابتدائى وممكن يعنى يكون بيقول اى كلام فى اى كلام ... هو لسه طفل برضه وممكن يكون حد صاحبه حكاله كدته فجه وقال كدته ... انا بتخيييل يعنى
فى الاول والله العظيم مكنتش مصدق وقلت الواد بيألف قصص وحكايات
لكن اللى اكد الموضوع والدة زميل ابنى فى المدرسة هى اللى اتصلت بمراتى وحكتلها الحكاية كمان وقالت ان ورقة الواد ابنى اخدها منة اثناء ما كان متعاقب فى الامتحان على النوتى شير والواد رجع لقا ابنى مغير اسمة على ورقتة من غير ما يحس !!!
احنا كلنا فى البيت مندهشين جدا من اللى حصل زازاى فكرة وصل الى المستوى دة !!
هارسوح !!!!!!!!اولى ابتدائى ويعمل كدة
هل يعقل ان طفل الصف الأول الابتدائي يمكن ان يقوم بعملية غش احترافية زي دي ؟!
لا اعتقد .... والسبب أن لو كل واحد سأل نفسه هل كنت اجرا او حتى افكرفي هذه الفعلة وانا في سنه ...حتى لو أختلفت الأجيال
واعتقد ان إحنا مجحفين في حق ابنك .... ليه :-
لأن الطفل في السن دا لا يفهم معنى غش
ولا معنى نجاح بتفوق وإن يكون الأول
ولا معنى سرقة ولا معنى كذب
ولا يستطيع تدبير أو التخطيط لكدا
لكن ممكن يتمنى الحصول على شئ ليس عنده ( ويسمى في عالمنا سرقة )
أو يختلق وقائع لم تحدث بالفعل أو تحريف الحقيقة أو الإختلاط بين الواقع والخيال أو ما شابه
( ويسمى في عالمنا كدب )
لكن هو في الحقيقة غير كداب أو سارق أو غشاش
وممكن يكون بالمواصفات دي لو فهمها أو كل شوية تطلق عليه
وعليك فعل الآتي والله أعلم :-
أولاً : مدرسة أبنك مدرسة خاصة ، وعليهم متابعة كل الأطفال في الحصص وأيضاً في فترات راحتهم ( لسنهم الصغير ) ، ولمنع أي طفل يضرب الآخر أو يلحق به أذى ، ودي مسئولية المدرسة في فترة الدراسة
فأرى أنك تروح المدرسة توبخ مدرسة الفصل ( بذووووق !! ) – يعني أيه طفل يعمل كدة ومتخديش بالك وتوجهها بالإهتمام بالموضوع .
ثانياً : صادق أبنك وعرفه إن الغش حرام دنياً وسلوك غلط أخلاقياً وإجتماعياً زيه زي السرقة بحكايات وقصص وليس بشكل مباشر .
ثالثاً : تجنب وصفه بالغشاش
رابعاً : لا تقبل فضحه في المدرسة ، ولفت نظر مدرسة المادة بذلك ولو حتى بالهزار .
خامساً : لا تخاف من نجاح أو رسوب أبنك لأن هذه السنة ليس بها نجاح وسقوط .
يعني أيه الولد عرف ، ويعني أيه من غير ما يحس !!!!اقتباس:
المشاركة الأصلية كتبت بواسطة الفجر
دا ممكن يكون الموضوع كله من تأليف صديق أبنك وأبنك صدقه
وأحنا كمان كنا قربنا نصدقهم :new:
الموضوع كله موضوع عيال وعايز حنكة لعدم تكراره من جميع الأطراف
والطرف الأول مدرسة الفصل
ومتكبرش الموضوع علشان ما يكبرش مع الولد ( خلق وسمعه ) - ((((( ولو بالهزار )))))
صديقي المواطن
قولا واحدا دي مهزلة وأنا زعلان منك ومحدش خرب حياتنا غير بعدنا عن المباديء والقيم والتنازلات
قولا واحدا اللي عمله إبنك ده النهارده وإنت حتعديهاله فده دليل ضعفك في الحق وفشلك في تربيته وحتكون مثل سيء وقدوة لن يحتذي بها وسيفقد إحترامه لك مدى الحياة ﻷنك سترت عليه في أذية بشر آخر مهما صغر سنه وأيضا غضيت بصرك عن تقويمه وسنة إيه اللي تعيدها مقابل أسقط في نظر إبني وبديه إشارة إنه بكره يبقه محترف قلة أدب وصياعة وغش وتدليس وتعدي عاﻵخرين ومش حتقدر توقف في وشه عارف ليه ﻷنه هو عارف تمامك إيه وإنك تعينه على الغلط والباطل
قولا واحدا لو إبنك عاد السنة وكرهك أشرفلك وأحسنلك من إنك تربيه على باطل وبطريقة سلك نفسك وكمان متنساش التعليم في الصغر كالنقش عالحجر يعني أنا وإنت ممكن نفهم افتكاسات والتلاعب ﻷخذ حقنا من المرور وغيره لكن ده طفل لو متعلمش تمييز الحق من الباطل والصح والخطأ من صغره فإقرا عليه السلام
صديقي المواطن إبني يكرهني لكن يحترمني وكبير في نظره أحسن من إبني يحبني ولكن صغير في عينه
اللي مزعلني بجد إنك مش مقدر مستوى الجريمة وإياك إياك تسمع كلام أمه ﻷنها بطبعها عندها غريزة الدفاع عن إبنها مهما عمل وبكره يكبر ويشرب سجائر وطبعا أول من يغطي عليه أمه
غدا تذهب للمدرسة وتطلب رؤية ورقتين اﻹمتحان وترجع الحق ﻷصحابه وهم حيعدوها وترجع البيت والولد يتحرم من كل حاجة وتغير معاملتك معاه وتضربه ضرب خفيف وإياك تسامحه ويتحرم هو وأمه من التلفزيون أثناء أيان الدراسة وممنوع يمسك تلفونك وتلفون أمه وكمان يتحرم من الحاجات اللي يحبها لمدة شهر وتنزل تشتري شوية قصص للأطفال عن مكارم اﻷخلاق والصدق وغيرها
أنا حزين لحالك وأنت في مصيبة لو ملحقتش نفسك وبصراحة إحساسي بيقول إنك مش حتلحق نفسك وأرجو يخيب إحساسي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
انا بس عايز اسال سؤال
فين رقم الجلوس من القصة دي كلها
انا فاكر زمان كان المراقب قبل ما نبدأ حل في الامتحان بيقول كله يكتب اسمه ورقم جلوسه ويراجع بنفسه كل طالب كتب ايه
وبعدين ايه هو النوتي شير دي ؟ سامحني على الجهل
كرسى النوتى شير هو كرسى العقاب فى المدارس زى ما كنا بنتعاقب زمان اننا نتذنب ونرفع ايدينا ووشنا فى الحيط الموضة الايام دى هو كرسى النوتى شير لما حد يشتم زميلة مثلا او يشربة او يحاول يغش او يرد بطريقة غير مهذبة وهكذااقتباس:
المشاركة الأصلية كتبت بواسطة أبو صلاح
احنا نظام عائلتنا ان التعليم اهم من الاكل والشرب وكل شئ يعنى انان مرتبى كحيان وبستلف وبدين وبعمل جمعيات عشان ادبر حق مصاريف المدرسة والله مش خوف من الحسد بس انا لازم اعمل كدة لان المدارس الحكومية بيهينوا الاطفال فيها جامد زالحمامات فيها تجيب السل والدرناقتباس:
المشاركة الأصلية كتبت بواسطة dodge2013
يعنى من الاخر فوائد المدارس الاجنبية حمام نظيف + شراء كرامة ابنك فقط لا غير