عرض للطباعة
السلام عليكم
أخوكم عضو جديد في المنتدي و دي اول مشاركاتي . و محتاج رأيكم لان دماغي وقفت من التفكير
:untitled:
أنا رحت اتفرج علي لوجان 2014 اوتو و هي عربيه جميله خصوصا امكانيتها مقابل سعرها. لكن متردد اشتري رغم ان دلوقت ب 93000 و السبب ان الشكل الجديد نازل السنه دي.
قالولي في المعرض انها هتنزل بعد سنه و نص او سنتين اوتو لكن في الأول هتنزل مانيوال.
فهل الكلام ده حقيقي و اشتري 2014 اوتو الشكل الموجود ولا الشيب الجديد هاينزل اوتو مع المانيوال علي طول ؟؟؟
اقتباس:
المشاركة الأصلية كتبت بواسطة sharawy77
والله يا باشا انا لسه من شهر شاري 2014 بس مانيوال ب 84000
وبصراحه حاسس بندم اني جبتها عشان حوار الشكل الجديد
مش عارف بصراحه حينزل امتي بالظبط
بس في حاجه
حاول تعرف سعر الشكل الجديد حيكون كام بالظبط
هل في نفس الحدود ولا حيغلي اكتر
لو نفس السعر كده استني
لو اكتر بفرق كبير والسعر الجديد مش مناسب ليك اشتري القديم وخلاص
ومعلش استفسار
هما قالولك الشكل الجديد المانيوال حينزل بعد سنه ونص او سنتين
ولا تقصد ان المانيوال السنه دي والاوتو بعد سنه ونص ؟؟
اصلي مش عارف ليييه جابوا دفعات جديده من الشكل القديم "لسه واصله" موديل 2014 والشكل الجديد نازل 2014 برضو !!!!!!!
اولا شكرا لسرعه الرد
ثانيا : اللي اتقاللي من المعرض ان (مش الوكيل) ان الشكل الجديد نازل السنه دي بس مانوال بس . وحتاخدله سنه ونص سنتين علبال ما تنزل اوتو . زيها زي الشكل القديم . بس انا شايف ان مثلا البيجو 301 نزلت اوتوماتيك مع المانيوال . مش من مصلحه الوكيل انه يأخر الاوتوماتيك كل ده خصوصا انها عملت مبيعات عاليه . علشان كده شاكك انها ممكن تنزل اوتو السنه دي و يكون كلام المعرض علشان اشتري دلوقت
و متزعلش يا أستاذ محمد لان عندي احساس ان القديمه حتبقي اعتماديه اكتر من الجديده بس مستني اما اشوف بعنيه . حاسس ان سيناريو الصني ممكن يتكرر وارجع ادور علي الشيب القديم من اللوجن حتي بعد نزول الجديد. وربنا يباركلك فيها هي عربيه جميله
مالها الصني الجديده ؟؟اقتباس:
المشاركة الأصلية كتبت بواسطة sharawy77
انا مش عارف بصراحه بس شكل اللوجان الجديده كشكل من بره وجوه افضل بكتير
Nouvelle Logan– Gamme Dacia - Dacia Maroc
دي صور ليها من المغرب لو حابب تتفرج
بس اللي اسمعه ان الماتور مش حيكون 1600
وبالنسبه للسعر حاسس انه مش حيزيد كتير "مجرد 4000" والله اعلم
بس هو فعلا اللوجان نزلت مانيوال بس الاول بعدها الاوتو
وحتي الان السانديرو ستيب واي منزلش منها اوتو
عموما انا رأيي استني كده شهر شوف ايه الوضع
في كلام عن الجديد ولا لآ
وشوف السعر ايه نظامه
لو عجبك استني
لو السعر غالي حتلحق تاخد من القديم ان شاء الله :)
يا جماعة الاشكال الجديدة بتنزل مصر بإسم سامبيول او تعديل الفلوانس لكن اللوجان و السانديرو على ما اظن حيبقوا زي اللانوس و الفيرنا قدامهم 10 سنين على الاقل نفس الشكل خصوصا ان العربية ما شاء الله لاقية نجاح و انتشار و قبول
ياريت بصراحه تنزل باسم مختلف :d :dاقتباس:
المشاركة الأصلية كتبت بواسطة علاء سليمان
بس برضو مش حتفرق كتير لو الفئه السعريه واحده
بس هي نزلت بالفعل في اكتر من دوله باسم لوجان
معتقدش يكون نفس الشكل في المغرب لوجان وفي مصر اسم تاني !
بس هي في المغرب نازله باسم داتشيا مش عارف بقي ايه النظام :d
متهيألي الشكل الجديد هينزل في فئة الصني والأكسنت تحت اسم "سيمبول"
اشمعن سيمبول !؟!؟اقتباس:
المشاركة الأصلية كتبت بواسطة m.radwan
ومش غريبه ان عربيه في كل الدول يكون اسمها لوجان وتنزل باسم سيمبول في مصر بس ؟!
شغل تسويق..أنا شفتها على النت باسم سيمبول فعلا..ولكن كلامي بالنسبة لمصر مجرد تخمين،اقتباس:
المشاركة الأصلية كتبت بواسطة muhamad hesham
[youtube]http://www.youtube.com/watch?v=rQYgkA03sSc[/youtube]
ياريت والله تنزل باسم سيمبول :)
كان في موضوع من فتره هنا علي انها نزلت في تركيا باسم سيمبول
واعتقد الفرق مش اقل من 10 الاف شوف فرق السعر بين اي موديل قديم وجديد
طيب مفيش اي "تسريبات" من التوكيل :new:
تستنى مين ياعمنا العربية الجديدة معدية 110 ألف بالراحة و على فكرة فى أحتمال أنها تكون داتشيا مش رينو ومافيش أي حاجة تدل على أنهم حيصنعوا أوتوماتيك منها دلوقتى و على فكرة العربية مش حتنزل فى مصر ألا بموتور البنزين 75 حصان 1.2 لتر 16 صباب هى تمنها فى المغرب 107 ألف درهم تمن القديمة كان 90 ألف درهم ضيف اليهم قيمة نولون الشحن +مكسب الوكيل ما أعرفش بقى أحسبوها أنتوا ما تشغلوش دماغكوا بالجديدة أشترى القديمة أوتوماتيك ور يح بالك و سيب الجديد للي عايز يجرب أنا شايف القديمة أوتوماتيك أحسن حاجة و العربية دى بشكلها الحالى و أمكانياتها الحالية و سعرها نجاح لن يتكرر لأى سيارة رينو فى مصر
استاذ عادل المعلومات دي تخمين و لا معلومات من حد ؟اقتباس:
المشاركة الأصلية كتبت بواسطة adel_edrees
Nouvelle Logan– Gamme Dacia - Dacia Maroc
الموقع الرسمى لداتشيا المغرب و اللى بيتصنع فيها العربية و هتلاقى كل الكلام اللى أنا قلته موجود على الصفحة و أكتر منه كمان و ده منقول من أحد الأعضاء الأفاضل اللى ردوا على حضرتك فى هذا الشأن و المعلومات دى أكيدة من الموقع بتاعهم هما فى المغرب بيفصلوا لكل وكيل العربية اللى هو بيطلبها بالمواصفات و الأسعار التى تناسبه لكن الأكيد أنه فى حاجتين مهمين جدا أن العربية حتنزل بموتورين الأول بنزين cc 1200 75حصان والتانى ديزل 1500 cc
85 حصان و أن الموتورين ناقل الحركة مانيوال