Cdcm.... كان نفسي أقول برافو

أنا حاجز بيجو 301 مانيوال يوم 31-10-2013
و زي ناس كتير التسليم إتاخر و أدينا صابرين
رحت للتوكيل-عباد الرحمن-سابا باشا الأسكندرية يوم الأحد 29-12-2013 عشان أشوف ايه آخر الأخبار
كان في واحدة بتحجز و مرضيتش أتكلم عن تأخير الإستلام قدامها عشان مبوظش البيعة و قلت بالمرة أشوف المندوب هيقولها ايه
نفس الكلام اللي قالهولي من شهرين (متبعش عربيتك غير لما أقولك) مع إختلاف إنه قالها التسليم في خلال 3 شهور (مش من شهر و نص لشهرين زي ما حصل معايا)
بعد مخلص معاها-إستقبلني أنا و اللي معايا (أخويا) إستقبال شيك جدا و أصر نشرب حاجة
و لقيته هو و عامل المعرض فاكرين كل التفاصيل (أنت بتاع ال206)
راجع الحجز بتاعي من الداتا بيز قدامه
و قالي الحجز كان في اليوم الفلاني و بنعتذر عن التأخير و موضوع حجوزات الجيش و هكذا
قالي إستلامك إن شاء الله فشهر يناير
و التسليم بعد دخول المركب بيوم أو 2 مفيش إجراءات لأن العربيات متباعه و جمركها مدفوع من قبل متدخل
طلبت منه ميعاد تقريبي (أول الشهر-نص الشهر-آخر الشهر)
قالي هرد عليك بكره (الأثنين 30-12) من الساعة 1 ل2 الظهر
لحد هنا كله تمام
لدرجة أخويا عشان برضه شغال فالمبيعات أثنى على المندوب و إستقباله و ردوده
و فعلا كان نفسي أقول برافو توكيل بيجو
لكن للأسف المندوب طنش و متصلش
كنت مستني إهتمام أكتر من كده و خصوصا إننا لسه في مرحلة المبيعات مش خدمة ما بعد البيع
حتى لو كان مقدرش يجيب المعلومة و يحدد ميعاد تقريبي للتسليم كان على الأقل يتصل لإظهار الإهتمام
منتظرين أكتر من بيجو لتشجيع المستهلك على العودة للأوروبي

متستناش حد يتصل يا ابو هند معلش اعمل اللي عليك وزن علي دماغهم لحد ما تستلم علشان لو طنشت محدش هيسال فيك

أعتقد إن المندوب مطنش عمداً, أنت حتي قلت بنفسك أنهم فاكرينك كويس وقالو لك أنت بتاع ال 206
يعني فيه أهتمام وأخوك كمان أثني علي معاملتهم معاكم,, لو كان كلامنجي وبيقول أي كلام مكنش أفتكر حاجة عنك لأنه مكنش هيبقي مهتم بيك.

زي ما أتكلمنا في الموضوع دا قبل كدا أكتر من مرة وأنت كنت مشارك معانا في المواضيع دي,
إن العربية لسه لحد دلوقتي كمية الأنتاج منها مش مكفية الطلب اللي عليها,, سواء في مصر أو برة مصر.

المندوب في التوكيل بيقولو له يقول للناس 3 شهور زي ما بيتقال لأي حد بيحجز جديد عشان ال waiting list بتزيد كل يوم عن التاني,, يعني دي حاجة مش بأيد المندوب ولا تلومه عليها.!!
وكلامك حتي قدام اللي كانت بتحجز مكنش هيزود ولا هينقص عشان لو هيا مستخيرة ربنا وناوية علي ربنا وعارفة إن فيه أنتظار وإن دي أحسن عربية في الفئة السعرية دي مكنش هيفرق معاها كلامك يعني وكانت هتستني زي ما ناس كتير مستنية.

أنا ساعات بيكون ناس مستنية مني تليفون عشان أديها معاد تستلم فيه شغل أنا لسه مستلمتوش,,
فمش بقدر أتصل بيهم عشان مش بيكون فيه رد عندي أقوله لهم.

أنت بتقول "كنت مستني إهتمام أكتر من كده حتى لو كان مقدرش يجيب المعلومة و يحدد ميعاد تقريبي للتسليم كان على الأقل يتصل لإظهار الإهتمام"
بس أنا بقولك أنك بتقول الكلام دا عشان مستني رد بس,,
لكن لو أنا اللي حد مستني مني رد,, وكلمته عشان أقوله الحاجة لسه موصلتش أو هتتأخر هيضايق أكتر,,

وخصوصاً أنها حاجة مش بأيد المندوب, ولا بأيد التوكيل,,

وزي ما أتكلمنا في المواضيع التانية مع بعض أنو علي أول السنة لما المصنع يزود الطاقة الأنتاجية بتاعته إن شاء الله الوضع يتحسن عن كدا. وفترة الأنتظار تقل ويبقي فيه تسليم فوري,
أحب أفكرك إن فيه ناس معانا زي عمرو السقا أستلم في 15 يوم بس !!!

لكن دلوقتي وكل ما العربية الناس بتشوفها ويتعجبها وبيلاقو سعرها معقول كدا وبيقتنعو بيها أكتر وبيفكرو يشتروها,, دا بيزود ال Waiting list لحد ما المصنع يعمل extension ويغطي أحتياج السوق أكتر.

هى ممكن البعض يقول عادى او شئ مش مهم..

لكن انا اتفق معاك بشده.. انه كان من باب اولى انه يكلمك و لو حتى مش معاه لسه اى معلومه اكيده.. لانه بكدهبيسيب نطباع جيد و ثقه.. كده فى الاغلب.. الثقه تكسرت شويتين..

واضح اننا هنستنى كتييييير..

ربنا يصبرك يا باشا..

تقبل مرورى..

تفألوا خيرا تجده خيرا

اقتباس:

---

المشاركة الأصلية كتبت بواسطة ebrahim mayalo

متستناش حد يتصل يا ابو هند معلش اعمل اللي عليك وزن علي دماغهم لحد ما تستلم علشان لو طنشت محدش هيسال فيك

---

مانا وراهم أهو يا أبراهيم
إتصالات
و زيارات
لحد ربنا ميسهل
لكن أنا عامل الموضوع كنوع من التقييم للتوكيل في مرحلة البيع
و إن شاء الله بعد الإستلام و الصيانات برضه هعمل مواضيع كتقييم للتوكيل و مراكز الخدمة
و في الآخر هو تقييم شخصي بس هيساعد الناس إنها تاخد قرارها

شكرا لمرورك

اقتباس:

---

المشاركة الأصلية كتبت بواسطة abohend

مانا وراهم أهو يا أبراهيم
إتصالات
و زيارات
لحد ربنا ميسهل
لكن أنا عامل الموضوع كنوع من التقييم للتوكيل في مرحلة البيع
و إن شاء الله بعد الإستلام و الصيانات برضه هعمل مواضيع كتقييم للتوكيل و مراكز الخدمة
و في الآخر هو تقييم شخصي بس هيساعد الناس إنها تاخد قرارها

شكرا لمرورك

---

انا عارف والله انك عامل ده عشان كده طب انت عارف انا شاريها من من المصرية واستلمت بعد ما حجزتها بشهر وطول الشهر ده كنت يوميا اتصل بيهم ونفس الكلام يقولولي لو في جديد هنكلمك وبرضوا اتصل بيهم وومعلش الصبر حلو برضوا
ولعله خير ان شاءالله

ربنا معاك ومعانا يا ابوهند انا خلاص هتجنن بقى فى 3 عربيات مشكلين مانيوال واتو وهاى جنب البيت مع انى اول واحد فكر فى العربية وحجزها فيهم بس هما جابوها اوفر برايس المانيوال وصلت عند سمير ريان ب 118000 والأوتو 136000 والهاى 142000

حاجز 28/9/2013 و لسة يمكن استلم 15/1/2014 يعني 3.5 شهر و يمكن يزيدوا و فيه ناس حاجزة قبلي من 20/9/2013 و لسة لم يستلموا و ربنا يسهل

نقلا عن موضوع تاني ان العربيات وصلت و بتخرج النهاردة من الميناء ... و حضرتك فى اسكندرية كمان ... يبقي متوقع ان حضرتك تستلم قبل يوم 10 ... يعني ممكن اخر الاسبوع اللي جاي بالكتير ان شاء الله :)

ربنا يكرمك و يباركلك فيها و يحفظك

اقتباس:

---

المشاركة الأصلية كتبت بواسطة maxx

نقلا عن موضوع تاني ان العربيات وصلت و بتخرج النهاردة من الميناء ... و حضرتك فى اسكندرية كمان ... يبقي متوقع ان حضرتك تستلم قبل يوم 10 ... يعني ممكن اخر الاسبوع اللي جاي بالكتير ان شاء الله :)

ربنا يكرمك و يباركلك فيها و يحفظك

---

شكرا لمرورك
و جزاك الله خير على الدعاء
بس لو الكلام مضبوط يبقى المفروض المندوب يكلمني عشان ألحق أبيع العربية
بس حتى اﻵن محدش كلمني!!!!!!!

انا بعت عربيتى من ساعة ربنا يستر لغاية ما استلم قالى اخر يناير

اقتباس:

---

المشاركة الأصلية كتبت بواسطة maxx

نقلا عن موضوع تاني ان العربيات وصلت و بتخرج النهاردة من الميناء ... و حضرتك فى اسكندرية كمان ... يبقي متوقع ان حضرتك تستلم قبل يوم 10 ... يعني ممكن اخر الاسبوع اللي جاي بالكتير ان شاء الله :)

ربنا يكرمك و يباركلك فيها و يحفظك

---

شكراً علي الخبر الحلو دا,,

لنك الموضوع التاني
http://www.nilemotors.net/Nile/397967-301.html

اقتباس:

---

المشاركة الأصلية كتبت بواسطة smsm2004w

انا بعت عربيتى من ساعة ربنا يستر لغاية ما استلم قالى اخر يناير

---

تستلم علي خير يا سمسم باشا. :tumb:

ربنا يسمع منك و عقبال كل الحاجزين:B4_007::B4_007::Copy of majd(4)::Copy of majd(4)::Copy of majd(4):

انا متفق مع السيد احمد امين في ان المندوب مطنش عمدا وده اما لان العملاء كتير ومش معقول هيتصل وبواحد واحد علشان يقوله , بالاضافة الي اشغالة الكتير من متابعات وعملاء جداد وحجوزات , فممكن يكون اتصاله بيك وقع منه
اخيرا الافضل انك انت الي تتابع وخصوصا انه عرفك وقدر يميزك لما روحتله ولو اتصلت بيه واعتذرلك عن عدم الاتصال لعدم توافر معلومات او بضغط الشغل فان ده يغفرله
وان شاء الله معاملة التوكيل وده عن تجربة تتحسن وتبقي افضل لانها بتدي راحة للعميل ومصداقية

تحياتي

اقتباس:

---

المشاركة الأصلية كتبت بواسطة ramy hazem

انا متفق مع السيد احمد امين في ان المندوب مطنش عمدا وده اما لان العملاء كتير ومش معقول هيتصل وبواحد واحد علشان يقوله , بالاضافة الي اشغالة الكتير من متابعات وعملاء جداد وحجوزات , فممكن يكون اتصاله بيك وقع منه
اخيرا الافضل انك انت الي تتابع وخصوصا انه عرفك وقدر يميزك لما روحتله ولو اتصلت بيه واعتذرلك عن عدم الاتصال لعدم توافر معلومات او بضغط الشغل فان ده يغفرله
وان شاء الله معاملة التوكيل وده عن تجربة تتحسن وتبقي افضل لانها بتدي راحة للعميل ومصداقية

تحياتي

---

لو شغله كتير و مش هيقدر يتصل كان قال كده من اﻷول
ببساطة ممكن يقول (كلمنا كمان أسبوع و إحنا نقولك)
لكن يوعد بشئ مش هينفذه فده غير مقبول و مفيش أي عذر يخليني أتقبل إن واحد يديني ميعاد و يطنشني أو يوعد باتصال و يسقع
على العموم أنا نقلت التجربة و كل واحد يحللها بالشكل اللي يريحه
و يا رب نستلم قريب و ننتقل من مرحلة تقييم إدارة المبيعات
تقبلوا تحياتي

اقتباس:

---

المشاركة الأصلية كتبت بواسطة ahmed amin

تستلم علي خير يا سمسم باشا. :tumb:

---

ربنا يخليك يا احمد بيه