بليه شداد الكتينه...هل لازم التوكيل لتغييرها

**gadieb** · 15-01-2014 11:50 AM

بص ياباشا
بليه الشداد مهمه جدا جدا وبتتغير كل مرتين تغير فيهم سير كاتينه
وثمنها زى الساده الاعضاء ما افادوك بحوالى 180 الى 250 جنيه من شارع دمشق
ولو لقدر الله قفشت هاتقطعلك سير الكاتينه والماكينه هاتجيب صبابات اكيد وفيها فتح موتور وتكلفه اكثر من 1500 جنيه اقل واجب غير البهدله الى هاتشوفها
نصيحه ما تستهترش بالموضوع سير الكاتينه والبيليه والزيوت ودوره التبريد كمان من اهم الامور فى العربيه ومهما صرفت فيهم مش خساره بس طبعا بره التوكيل المخروب ده

**RedBull_30** · 15-01-2014 09:11 PM

من كلا م صاحب الموضوع فهمت ان عربيته ماشية 59 الف ك ,, والتوكيل بيقول تغير السير مع البلية على 60 الف .. حضرتك اتعب شوية وافتح جدول الصيانات بتاع العربية وهتعرف ان سير الكاتينة بيتغير على 80 الف .
وبصراحة لما كانت معايا البروتون غيرته على 60 زي ما حضرتك هتعمل بس مكنتش اعرف انه بيتغير على 80 بس انا برضو مغيرتش البلية ..
ولعلم حضرتك لما حصل و غيرت السير طلبت منهم انهم يبصو على السير اذا كان محتاج تغيير ولا لأ .. وطبعا اسغفلني وقالي لازم يتغير بس انا اصريت انه ميغيرش البلية لان مكنتش سامع صوت يقلقني و بيعت العربية وهي ماشية 116 الف كيلو ومكنتش بيطلع منها صوت .
ولعلم حضرتك انا غيرت السير في مركز معتمد لبروتون الاعضاء هنا شايفين انه مفيش زيه , بس بصراحة ركب السير مش بالشكل الصحيح والعربية اتخنقت اوي بعد التركيب .

لو سواقتك هادية اصبر شوية لغاية ما توصل ل 80 الف زي ما كتاب عربيتك بيقول ومتغيرش البلية واستنضف ميكانيكي من اللي دماغه بتشر زيت وغيره عنده .

**eng.m7md.ali** · 16-01-2014 01:31 AM

انا جبت بلية الكاتينة ب 180 جنيه .. اعتقد في التوكيل ب 400

**a7mad_mo7amad6** · 17-01-2014 10:58 AM

تغيرهم في هصام صفا اصليين باركيبهم حوالي 1500..السير والبليه..
اعملهم هناك اضمن..
انا استرخصت واشترتهم من بره وركبتهم عنده..بس طول الوقت ماشي قلقان

**EmadMohiy** · 18-01-2014 12:21 PM

المشاركة الأصلية كتبت بواسطة gadieb

بص ياباشا
بليه الشداد مهمه جدا جدا وبتتغير كل مرتين تغير فيهم سير كاتينه
وثمنها زى الساده الاعضاء ما افادوك بحوالى 180 الى 250 جنيه من شارع دمشق
ولو لقدر الله قفشت هاتقطعلك سير الكاتينه والماكينه هاتجيب صبابات اكيد وفيها فتح موتور وتكلفه اكثر من 1500 جنيه اقل واجب غير البهدله الى هاتشوفها
نصيحه ما تستهترش بالموضوع سير الكاتينه والبيليه والزيوت ودوره التبريد كمان من اهم الامور فى العربيه ومهما صرفت فيهم مش خساره بس طبعا بره التوكيل المخروب ده

شكرا جدا للإهتمام و الرد على فائدة البلية دى

**draboeyad** · 19-01-2014 12:20 PM

ياجماعه انا قصدى على بليه الشداد مش بليه الكاتينه لان بليه الكاتينه كده كده بتتغير مع سير الكاتينه فى صيانه ال 60 الف.......................اسف لو كان حصل لبس فى الموضوع

**zego** · 01-03-2014 07:07 PM

المشاركة الأصلية كتبت بواسطة draboeyad

سالت عليها النهارده في محل متخصص قطع غيار بروتون بالمنصوره قالي حوالي 350 جنيه وفتح الكبوت وبص عليها وقالي كبر دماغك متغيرهاش....

لو سمحت ممكن أعرف فين المحل ده وأسمه أيه لان عندي نفس المشكلة

**abdoumahros** · 03-03-2014 01:17 PM

المشاركة الأصلية كتبت بواسطة zego

لو سمحت ممكن أعرف فين المحل ده وأسمه أيه لان عندي نفس المشكلة

اذا كنتم تقصدوا بليه شداد سير المجموعه فدي بليه عاديه انا غيرتها في الساجا واعتقد الجين 2 والبرسونا نفس البليه
البليه رقمها 6202 ( بوش ربر ) ودي تمنها 25 جنيه فقط . انا جبتها skf وفي منها فاج وانواع كتير وموجوده عند اي حد بتاع رولمان بلي في شارع الجمهوريه او محلات العدد والورش وركبتها عند ميكانيكي ب 20 جنيه يعني التكلفه علي بعضها 45 جنيه وعلي فكره مهم انها تكون بوش ربر علشان بيمنع التراب والمياه والنوع ده متوفر بوفره وموش محتاج محلات قطع غيار السيارات ويالمناسبه انا كنت سالت علي الشداد كامل لقيته صيني ب 500 جنيه

**abdoumahros** · 03-03-2014 01:22 PM

المشاركة الأصلية كتبت بواسطة draboeyad

يعنى اللى بيتغير الشداد كله ولا ممكن البليه بس

البليه بس ورقمها 6202 بوش ربر وموجوده عند محلات بيع رولمان البلي موش محلات قطع الغيار ومتوفر منها انواع كتير افضلهم اس كي اف
وسعرها 25 جنيه واي ميكانيكي يغيرها سهله جدا انا غيرتها ب 20 جنيه