لو سمحتم.....
بليه شداد الكتينه.....هل ممكن اطنشها او اشحمها بس ولا لازم تتغير. وايه هي مضاعفاتها......وهل موجوده بره التوكيل وبكام.....اصلها غاليه اوي اوي بصراحه....
انا 2009 اوتو وعامل 58 الف كم
عرض للطباعة
لو سمحتم.....
بليه شداد الكتينه.....هل ممكن اطنشها او اشحمها بس ولا لازم تتغير. وايه هي مضاعفاتها......وهل موجوده بره التوكيل وبكام.....اصلها غاليه اوي اوي بصراحه....
انا 2009 اوتو وعامل 58 الف كم
صديقي المواطن
قولا واحدا ومن غير فصال موضوعك بسيط جدا ولا يستوجب التوكيل نهائيا وبره تغيرها بثلث الثمن وكفائتها جيدة والحاجات دي مينفعش فيها تشحيم والكلام ده ﻷنها مغلقة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
الموضوع ده حصل معايا وردهم الطبيعي الاول ان مفيش عندهم في المخازن والرد التاني عيب استخدام ازاي مش عارف وفي الاخر قالي ممكن نشحمها وتشتغل وهذا ما تم عمله وحتي الان تعمل منه لله توكيل عز العرب وربنا معانا
تمن البليه للاسف 1250 جنيه فى التوكيل .............ليه انا مش عارف هو احنا راكبين بورش
اسال عليها خارج التوكيل حتلقيها اقل من كده بكتير
زى ما قالوا الساده الأعضاء بالضبط . البليه دى تغيرها بره هى والسير وتشترى دماغك
أعتقد هى أرخص من كده بكتيييييير بره التوكيل
سالت عليها النهارده في محل متخصص قطع غيار بروتون بالمنصوره قالي حوالي 350 جنيه وفتح الكبوت وبص عليها وقالي كبر دماغك متغيرهاش....
يا باشا البليه عند محل مكه ب 180 جنيه وشغاله معايا زي الفل
يعنى اللى بيتغير الشداد كله ولا ممكن البليه بس
سؤال ساذج جدا من فضلكوا محدش يضحك
إيه هى بلية الشداد دى و بتعمل إيه عشان انا معايا جين 2012 أوتو
و لو فيها مشكلة إيه أعراضها؟
مع الشكر.
بص ياباشا
بليه الشداد مهمه جدا جدا وبتتغير كل مرتين تغير فيهم سير كاتينه
وثمنها زى الساده الاعضاء ما افادوك بحوالى 180 الى 250 جنيه من شارع دمشق
ولو لقدر الله قفشت هاتقطعلك سير الكاتينه والماكينه هاتجيب صبابات اكيد وفيها فتح موتور وتكلفه اكثر من 1500 جنيه اقل واجب غير البهدله الى هاتشوفها
نصيحه ما تستهترش بالموضوع سير الكاتينه والبيليه والزيوت ودوره التبريد كمان من اهم الامور فى العربيه ومهما صرفت فيهم مش خساره بس طبعا بره التوكيل المخروب ده
من كلا م صاحب الموضوع فهمت ان عربيته ماشية 59 الف ك ,, والتوكيل بيقول تغير السير مع البلية على 60 الف .. حضرتك اتعب شوية وافتح جدول الصيانات بتاع العربية وهتعرف ان سير الكاتينة بيتغير على 80 الف .
وبصراحة لما كانت معايا البروتون غيرته على 60 زي ما حضرتك هتعمل بس مكنتش اعرف انه بيتغير على 80 بس انا برضو مغيرتش البلية ..
ولعلم حضرتك لما حصل و غيرت السير طلبت منهم انهم يبصو على السير اذا كان محتاج تغيير ولا لأ .. وطبعا اسغفلني وقالي لازم يتغير بس انا اصريت انه ميغيرش البلية لان مكنتش سامع صوت يقلقني و بيعت العربية وهي ماشية 116 الف كيلو ومكنتش بيطلع منها صوت .
ولعلم حضرتك انا غيرت السير في مركز معتمد لبروتون الاعضاء هنا شايفين انه مفيش زيه , بس بصراحة ركب السير مش بالشكل الصحيح والعربية اتخنقت اوي بعد التركيب .
لو سواقتك هادية اصبر شوية لغاية ما توصل ل 80 الف زي ما كتاب عربيتك بيقول ومتغيرش البلية واستنضف ميكانيكي من اللي دماغه بتشر زيت وغيره عنده .
انا جبت بلية الكاتينة ب 180 جنيه .. اعتقد في التوكيل ب 400
تغيرهم في هصام صفا اصليين باركيبهم حوالي 1500..السير والبليه..
اعملهم هناك اضمن..
انا استرخصت واشترتهم من بره وركبتهم عنده..بس طول الوقت ماشي قلقان
ياجماعه انا قصدى على بليه الشداد مش بليه الكاتينه لان بليه الكاتينه كده كده بتتغير مع سير الكاتينه فى صيانه ال 60 الف.......................اسف لو كان حصل لبس فى الموضوع
اذا كنتم تقصدوا بليه شداد سير المجموعه فدي بليه عاديه انا غيرتها في الساجا واعتقد الجين 2 والبرسونا نفس البليه
البليه رقمها 6202 ( بوش ربر ) ودي تمنها 25 جنيه فقط . انا جبتها skf وفي منها فاج وانواع كتير وموجوده عند اي حد بتاع رولمان بلي في شارع الجمهوريه او محلات العدد والورش وركبتها عند ميكانيكي ب 20 جنيه يعني التكلفه علي بعضها 45 جنيه وعلي فكره مهم انها تكون بوش ربر علشان بيمنع التراب والمياه والنوع ده متوفر بوفره وموش محتاج محلات قطع غيار السيارات ويالمناسبه انا كنت سالت علي الشداد كامل لقيته صيني ب 500 جنيه