أصحــاب الماروتي عندي إستشارة

**alcomando** · 22-09-2008 10:16 PM

السلام عليكم

إلى أصحــاب الماروتي عندي إستشارة

أنا إن شاء الله حجيب عربية خلاص الشهر الجاي أنا معايا حاليا حوالي20 ألف جنيه كل اللي طالبه حد يفتيني هل أشتري عربية قديمة زي الفولكس 1300سي سي و عربية كويسة ولا أجيب جديد بالقسط وخلاص بس حجيب الماروتي 800 لأن قسطها على أدي يعني أنا عارف أن محدش أشتكى منها بس حاسس أنها مش حتستحمل أه و عامة أنا طالب في الكلية يعني معيش عيلة ومش حتفرق معايا في الحجم المهم أيهم عملية أكتر و ليه ؟ أرجوكم بجد حد يفدني الحيرة حتموتني نفسي في حاجة نضيفة وفي نفس الوقت تستحمل ومتتعبنيش شكرا مقدما لكل حد حيفدني ولو بجملة

السلام عليكم ورحمه الله وبركاته

أخوكم : عمـــــر

**hfekry** · 23-09-2008 03:10 AM

والله ان رأى انك تجيب الماروتى أحسن . عربية زيرو يعنى هتمشى معاك كويس واقتصادية فى كل حاجة بنزين وقطع غيار . برضه الزيرو زيرو يا بيه . وربنا يوفقك للأختيار الصح

**blazer** · 23-09-2008 04:41 AM

المشاركة الأصلية كتبت بواسطة hfekry

والله ان رأى انك تجيب الماروتى أحسن . عربية زيرو يعنى هتمشى معاك كويس واقتصادية فى كل حاجة بنزين وقطع غيار . برضه الزيرو زيرو يا بيه . وربنا يوفقك للأختيار الصح

متجبش حاجه جديده
لان كل القديم فى الشريحه السعريه دى اصحابها قبل اما بيبيعوها ب 4 5 سنين مبيغيروش فيها حاجه حتى تيل الفرامل
فغالبا بتكون متبهدله اوى

**alcomando** · 23-09-2008 08:32 PM

ميرسي جدا على الرد أشكركم وأنا شكلي أن شاء الله حتكل على الله وأشوف الماروتي أو الألتو ربنا ييسر ويبعدني عن تعب المستعمل بس تفتكروا فرق القوة بينها وبين اي عربية قديمة بيبقى واضح اوي