لو سمحتوا يا جماعه انا سمعت كتير وقليل عن موضوع تعديل الفوانيس للعربيه لكن قررت واني اشتري جديد بس يكون معدل بلينس واكزينون فياريت الي يعرف حد يكون كويس واسعاره كويسه يقولي.
عرض للطباعة
لو سمحتوا يا جماعه انا سمعت كتير وقليل عن موضوع تعديل الفوانيس للعربيه لكن قررت واني اشتري جديد بس يكون معدل بلينس واكزينون فياريت الي يعرف حد يكون كويس واسعاره كويسه يقولي.
ممكن حضرتك تشوف في شارع دمشق لو قريب منك غير كده قليل لما تلاقي جاهز معدل وياريت حد يكون عنده معلومه وممكن يفيدك
طيب الاسعار بتبقا بكام للفوانيس الي قدام وللفوانيس الي ورا...يعني يكلفوا كام كده؟
بص يا باشا الكلام طبعا بيرجع تبعا للشغل اللي حضرتك ناوي تعمله
بس انا حديك مثال برده عشان تعرف الدنيا رايحة فين
بالنسبة للفوانيس اللي قدام لو حتركب فيهم طقم زينون مع عدسات عالي وواطي
فحيبقوا في حدود 650 جنيه (عدسات عادية )
http://i02.i.aliimg.com/img/pb/587/4...-web4_2606.jpg
لو حتركب عدسات Evil Eye وحوليها Ring يبقي المبلغ حيزيد ويبقي 700 - 750 جنيه
http://i01.i.aliimg.com/wsphoto/v5/9...Devil-eyes.jpg
لو حتعمل حولين العدسة Double Ring يبقي حتزود 50 جنيه كمان
http://i01.i.aliimg.com/wsphoto/v0/4...b-double-b.jpg
فزي مقولتلك الموضوع بيختلف علي حسب الشغل اللي حتعمله
والآسعار دي بتبقي شاملة تنضيف الفانوس وعمله سموك
مع بعض الآضافات البسيطة لتحسين شكله
اتمني اكون أفادتك
والشغل بيتعمل فين لو حد متجرب قبل كده
في أكتر من واحد معروفين بيعملوا الشغل ده
زي باسم طه من المنصورة ومعانة في المنتدي ( ممكن تخش علي الـ you tube واكتب Bassem taha )
حتشوف فيديوهات كتير لشغله
و حسام نبوي من اسكندرية بس هو بطل الموضوع ده علي ما أعتقد
وعلي فكرة الموضوع مش صعب جدا وممكن تعمله بنفسك
شوف فيديوهات وأقري شوية عن طريقة الفك والتركيب ولو انت من النوع اللي ايدك في العربية يبقي حتلاقي الموضوع سهل جدا
سواء حتركب عدسات قدام او حتعمل ليدات ورا
طيب لو هاعمل ليدات ورا تكلف كام ؟
لو عايز جايز انزل شارع دمشق هتلاقي الفوانيس الي قدام والي ورا جاهزين (تايواني )
وفي واحد اسمو مينا عالفيس بوك هتلاقية ديما في صفحة Every thing for sale عمال ينزل مواضيع
بس نصيحة لوجهة الله .. الفانوس الاصلي ميتعوضش
ايوة طبعا أوعي تعدل في فانوس أصلي
التعديل يتم في الفوانيس التايواني او اي نوع أخر غير أصلي
يا أما لو مش عايز تتكلف شراء فانوس أخر فممكن تعدل في الآصلي بس ساعتها تركب عدسات بالشاسيه بتاعها
فبالتالي بتركب علطول منغير قطع ووقت متعوز تشيلها عادي متأثرش في الفانوس والكلام ده للآمامي فقط أما الخلفي فلازم يحصل فيه قطع عشان يتفك ويتعدل