| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 13

الموضوع: خطوات فتح شركة

  1. #1

    الصورة الرمزية egyboy

    رقم العضوية : 103161

    تاريخ التسجيل : 11Jun2011

    المشاركات : 596

    النوع : ذكر

    الاقامة : egypt

    السيارة: sunny

    السيارة[2]: hunday

    دراجة بخارية: no

    الحالة : egyboy غير متواجد حالياً

    افتراضي خطوات فتح شركة - Facebook Twitter whatsapp انشر الموضوع فى :

    hasad">

    السلام عليكم

    اصدقاء لى يريدون فتح شركة برمجيات

    وكنت عايز اعرف لو حد عنده خبرات سابقة فى مثل هذه الامور

    زى مثلا :-

    ايه الخطوات القانونية

    المكان لازم يكون كبير او صغير

    الاجهزة لازم الوندوز والبرامج مرخصة ولا لأ

    ايه عدد الاشخاص الللى هيحتاجهم ( محاسبين - قانونين - ...ايه تانى وعددهم كام )

    الاهم كمان ازاى يحاسب الناس دى

    اكيد الشغل مش من اول يوم !!

    هيبقى فى مبرمجين صغيرين وباقى الناس يحاسبهم ازاى وعلى اساس ايه

    كمان ازاى يقدر يجيب العملاء (دعاية واعلان ولا يبقى فيه شخص مبيعات يلف على الشركات )


    كمان حاجة اخيرة بس سخيفة :)

    المفترض ان اللى هيعمل الشركة شخصين فالوروق والملكية بتبقى لمين فيهم ؟؟
    كمان المفترض انهم هيكونوا الاتنين ceo للشركة فهل ينفع اتنين مؤسسين ولا امور الشراكة بتمشى ازاى

    ياريت لو حد يعرف التفاصيل والتكلفة المالية ويرغى بشكل ممل :) يامسهل


  2. #2

    الصورة الرمزية egyboy

    رقم العضوية : 103161

    تاريخ التسجيل : 11Jun2011

    المشاركات : 596

    النوع : ذكر

    الاقامة : egypt

    السيارة: sunny

    السيارة[2]: hunday

    دراجة بخارية: no

    الحالة : egyboy غير متواجد حالياً

    افتراضي -

    ايه يا شباب

    اى معلومة هتساعد مش لازم تجاوبوا كل الاسئلة :)


  3. #3

    الصورة الرمزية Secret-Man

    رقم العضوية : 146621

    تاريخ التسجيل : 27Jul2013

    المشاركات : 1,357

    النوع : ذكر

    الاقامة : Dubai

    السيارة: Porsche Cayenne Turbo S

    السيارة[2]: Range Rover SPort

    دراجة بخارية: No

    الحالة : Secret-Man غير متواجد حالياً

    افتراضي -

    طبعا اساسى سجل تجارى - بطاقه ضريبيه - رخصه مزاوله نشاط البرمجيات وغيرها

    المكان حبس مانت تختار مكتب ليك وتزبط على اساسه عنوان السجل والبطاقه الضريبيه

    ولازم تكون عارف هل هى شركه فرديه ام شركه ذات مسئوليه محدوده ؟ لانها بتفرق فى عقد الشراكه او لا

    Take it Or Leave it.


  4. #4

    الصورة الرمزية egyboy

    رقم العضوية : 103161

    تاريخ التسجيل : 11Jun2011

    المشاركات : 596

    النوع : ذكر

    الاقامة : egypt

    السيارة: sunny

    السيارة[2]: hunday

    دراجة بخارية: no

    الحالة : egyboy غير متواجد حالياً

    افتراضي -

    تمام

    بس ايه الفرق الجوهرى بين النوعين فى الشركات

    كمان ازاى اقدر احاسب الموظفين هل بديهم مرتب لمدة سنة مثلا مقدما ولا ايه الوضع

    موضوع اكثر من شخص ceo ده وضعه ايه ؟؟ علشان يقدروا يبنوا الهيكل الادارى صح


  5. #5

    الصورة الرمزية Ahmed_Rahem

    رقم العضوية : 94339

    تاريخ التسجيل : 12Apr2011

    المشاركات : 1,125

    النوع : ذكر

    الاقامة : Cairo

    السيارة: Lanos

    السيارة[2]: Nissan Sunny

    دراجة بخارية: لا

    الحالة : Ahmed_Rahem غير متواجد حالياً

    افتراضي -

    هتروح لمحامى وتعمل عقد تأسيس شركة تضامن (شركاء) وتكون انت وشريك متفقين على جميع بنود العقد قبل الكتابة، المحامى دورة الصياغة القانونية. نقاط الاتفاق، 1- راس المال، 2- اسم الشركة، 3- النشاط، 4- المقر، 5- الادارة (كل واحد من الشركاء مسئول عن اية، ومينفع اتنين ceo في الشركة) ممكن واحد مسئول عن التشغيل والتانى البيع والادارة الخ... ولكن ينفع اثنين مديرين ، 6- ودى اهم نقطة توزيع الارباح.
    بعدين بتعمل سجل تجارى وبطاقة ضريبية وبكدة الشركة اتأسست.
    هتحتاج مكتب محاسبة يمسك الدفاتر ( وتوفر محاسب اول سنتين تلاتة مثلاً - ممكن اعرفك على واحد كويس) وسكرتارية وموظف ادارى.
    الموظفين بمرتبات شهرية فعلشان كدة لازم تخطط للسيول من اول يوم علشان متتعبش قدام (الشركة بتقفل لما ميكونش فية سيولة مش لما بتخسر)
    الاتفاق ثم الاتفاق مع شركائك على كل شئ كتابةً علشان محدش يقول اصل انا كنت فاكر او كان قصدى الخ...

    والسلام ختام

    [marq="3;right;2;alternate"]
    انظر موضوع "خـــريطـة قــسـم نيـــسان .. طريـقنا نحـــو الافـضل"
    [/marq]


  6. #6

    الصورة الرمزية Secret-Man

    رقم العضوية : 146621

    تاريخ التسجيل : 27Jul2013

    المشاركات : 1,357

    النوع : ذكر

    الاقامة : Dubai

    السيارة: Porsche Cayenne Turbo S

    السيارة[2]: Range Rover SPort

    دراجة بخارية: No

    الحالة : Secret-Man غير متواجد حالياً

    افتراضي -

    ممكن فى البدايه تشغل الناس بارت تايم للبروجكت مش لازم يكون موظف ثايت علشان الكوست عليك

    لان لسه انت مبنتش قاعده عملاء تسندك فحاول كل ننقطه فكر فيها كويس قبل الدخول فيها

    وثانيا انا من رايى قبل تاسيس الشركه ادرس السوق الاول كويس واسال ناس ذو خبره فى المجال لان واضح ان راس المال مش كبير والموضوع حماسى شويه ديه وجه نظرى والسوق مليان حيتان فى البرمجه وشركات ذات ثقه عند العملاء

    Take it Or Leave it.


  7. #7

    الصورة الرمزية Shocky

    رقم العضوية : 2422

    تاريخ التسجيل : 01Oct2007

    المشاركات : 428

    النوع : ذكر

    الاقامة : Cairo

    السيارة: لا يوجد

    السيارة[2]: Honda Civic 92

    دراجة بخارية: No

    الحالة : Shocky غير متواجد حالياً

    افتراضي -

    بسم الله الرحمن الرحيم

    أولاً: التراخيص:
    1- تأجير مكان (شقة) ويكون الغرض فى العقد واضح وهو نشاط الشركة
    2- البطاقة الضريبية ودى سهلة وبتخلص بسرعة وممكن معاينة وممكن لا
    3- رخصة مزاولة النشاط (نشاط الشركة)
    4- السجل التجارى ودة ممكن ياخد شوية وقت على حسب لإن كان فى موافقات أمنية

    ثانياً: تجهيز المكان:
    1- يفضل على الأقل يكون غرفتين و رسيبشن (إحتمال إن عميل ييجى مقر الشركة إحتمال ضغيف)
    2- التجهيزات الطبيعية من مكاتب وديكورات (وممكن متبدأش كدة)
    3- الأجهزة: يفضل تكون أوريجينال جديدة لو ناوى تستمر إن شاء الله ويفضل كمان Printer و Bar code Printer و Bar code Scanner و Receipt Printer و Printer All in one
    4- الويندوز والبرامج الإنتاجية SQL Server, Visual Studio, Microsoft Office ... إلخ (على حسب هتبدأ إزاى)
    5- خط إنترنت

    ثالثاً: Brand
    دى أهم خطوة وهى خطوة إدارية و Technical فى نفس الوقت
    1- Domain and Web Hosting .. ممكن يكون .com.eg لو خلصتوا التراخيص أو .eg ودة أغلاهم
    2- E-mails ودى فى الغالب هتكون مع الDomain و الـ Hosting وتكون sales, support, info ... إلخ
    3- طباعة الكروت الشخصية
    4- طباعة ID للموظفين ويفضل يكون بـ Barcode على الأقل عشان الحضور
    5- بعض المطبوعات الخاصة بالشركة Folders للعقود ..

    وطبعاً فى حاجات تانية كتير
    لكن لسة كل دة متكلمناش عن منتجات الشركة وطريقة التسويق

    هنفترض إن عندنا منتج إسمة S
    1- أولاً لازم يكون الألوان المستخدمة فى S هى نفس ألوان مطبوعات الدعاية لـ S
    2- عمل عقود بيع وإستخدام وأحياناً تأجير لـ S
    3- عمل Database تسويقية لـ S
    4- المسوقين لازم يكونوا خبرة بسيطة أو مجهود بدون خبرة
    5- لاب لكل مسوق لـ S
    6- إمكانية تشغيل نسخة Demo لـ S لفترة من 7 إلى 15 يوم لأى عميل يطلب دة ودى أفضل دعاية
    7- عمل قناة على يوتيوب للشركة ويكون فى شرح مبسط لأهم خصائص S
    8- عمل Page على Facebook للشركة ويكون فيها إعلانات لـ S
    9- التسويق المباشر للعملاء فى أماكن عملهم
    10- التسويق الإلكترونى على Facebook مدفوع
    11- لازم يكون فى خطة تسويقية من الأول وTarget محدد لـ S شهرياً
    12- لازم يكون فى Timeline إنت ماشى علية وتراجع كل فترة ما تم

    فى تفاصيل كتير جداً .. ولو فى سؤال إتفضل


  8. #8

    الصورة الرمزية damasry

    رقم العضوية : 4434

    تاريخ التسجيل : 18Jan2008

    المشاركات : 6,965

    النوع : ذكر

    الاقامة : Cairo

    السيارة: Volvo 144

    السيارة[2]: Opel Corsa 1.6

    دراجة بخارية: ..

    الحالة : damasry غير متواجد حالياً

    افتراضي -

    انا ممكن اقولك من حيث الشكل القانونى

    الاول حدد نوع المنشأة:
    فردية: ودى على الورق وقصاد الدولة ليها مالك واحد فقط (حلها انكم تعملوا عقد شركة محاصة بينكم لضمان الحقوق)
    مسئولية محدودة: ودى انتم مسئولين عن ديون الشركة بقدر مساهمتكم فى رأس مال الشركة فقط
    تضامن: المسئولية بتمتد لجميع اموال الشركاء

    1- عملت الشكل القانونى للمنشأة

    2- تأجر مقر للنشاط وتعمل عقد ايجار موثق من الشهر العقارى باسم المنشأة

    3- تروح الضرائب اللى تابع ليها مقر النشاط وتطلع بطاقة ضريبية (مهم جدا لو ها تتأخر شوية فى بدء النشاط تقولهم يكتبوا ان النشاط لن يبدأ إلا بعد ما تخطرهم)

    4- البطاقة ها تتطلع بعد 40 يوم وها يدوك إفادة للسجل التجارى انك طلعت بطاقة ضريبية.

    5- تروح الغرفة التجارية اللى مقر النشاط تابع ليها تتطلع شهادة مزاولة مهنة (شركة برمجيات)

    6- تاخد الشهادة دى وتطلع على السجل التجارى (فى اغلب الاوقات السجل التجارى بيكون ليه فرع داخل الغرفة التجارية) وتطلب انك تطلع سجل تجارى ويكون معاك عقد الشركة (لو منشأة فردية مش محتاج) + إفادة البطاقة الضريبة + اصل عقد ايجار المقر + صور من كل ما سبق.

    7- تحدد رأس مال المنشأة (على اساسه بيحدد الرسوم)

    8- بتقدم على رخصة نهائية لمزاولة النشاط من مديرية الاسكان ودى اجرائتها بتختلف حسب طبيعة نشاطك.



  9. #9

    الصورة الرمزية egyboy

    رقم العضوية : 103161

    تاريخ التسجيل : 11Jun2011

    المشاركات : 596

    النوع : ذكر

    الاقامة : egypt

    السيارة: sunny

    السيارة[2]: hunday

    دراجة بخارية: no

    الحالة : egyboy غير متواجد حالياً

    افتراضي -

    اقتباس المشاركة الأصلية كتبت بواسطة ahmed_rahem مشاهدة المشاركة
    هتروح لمحامى وتعمل عقد تأسيس شركة تضامن (شركاء) وتكون انت وشريك متفقين على جميع بنود العقد قبل الكتابة، المحامى دورة الصياغة القانونية. نقاط الاتفاق، 1- راس المال، 2- اسم الشركة، 3- النشاط، 4- المقر، 5- الادارة (كل واحد من الشركاء مسئول عن اية، ومينفع اتنين ceo في الشركة) ممكن واحد مسئول عن التشغيل والتانى البيع والادارة الخ... ولكن ينفع اثنين مديرين ، 6- ودى اهم نقطة توزيع الارباح.
    بعدين بتعمل سجل تجارى وبطاقة ضريبية وبكدة الشركة اتأسست.
    هتحتاج مكتب محاسبة يمسك الدفاتر ( وتوفر محاسب اول سنتين تلاتة مثلاً - ممكن اعرفك على واحد كويس) وسكرتارية وموظف ادارى.
    الموظفين بمرتبات شهرية فعلشان كدة لازم تخطط للسيول من اول يوم علشان متتعبش قدام (الشركة بتقفل لما ميكونش فية سيولة مش لما بتخسر)
    الاتفاق ثم الاتفاق مع شركائك على كل شئ كتابةً علشان محدش يقول اصل انا كنت فاكر او كان قصدى الخ...

    والسلام ختام
    جزاك الله خيرااا
    على التوضيح
    طيب حضرتك مبدئيا تتوقع لازم راس المال الاولى يكون كام ويغطى كل التكاليف دى


  10. #10

    الصورة الرمزية egyboy

    رقم العضوية : 103161

    تاريخ التسجيل : 11Jun2011

    المشاركات : 596

    النوع : ذكر

    الاقامة : egypt

    السيارة: sunny

    السيارة[2]: hunday

    دراجة بخارية: no

    الحالة : egyboy غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة secret-man مشاهدة المشاركة
    ممكن فى البدايه تشغل الناس بارت تايم للبروجكت مش لازم يكون موظف ثايت علشان الكوست عليك

    لان لسه انت مبنتش قاعده عملاء تسندك فحاول كل ننقطه فكر فيها كويس قبل الدخول فيها

    وثانيا انا من رايى قبل تاسيس الشركه ادرس السوق الاول كويس واسال ناس ذو خبره فى المجال لان واضح ان راس المال مش كبير والموضوع حماسى شويه ديه وجه نظرى والسوق مليان حيتان فى البرمجه وشركات ذات ثقه عند العملاء
    تمام قووى موضوع البارت تايم كنت ناسيه :)
    هو راس المال ممكن يكبر او يصغر على حسب الدراسة الفعلية للتكلفة + الربح المتوقع علشان الواحد ميجازفش بكل حاجة مرة واحدة

    وانت كلامك صح السوق مليان حيتان بس ميزة البرمجة ان المبرمج الشاطر برامجه هتجيب الناس والعملاء لغاية عنده والنقطة دى ان شاء الله هتكون نقطة قوة وليس ضعف ..
    برضه هسئلك من تجاربك ..راس المال لمشروع زى ده يكون فى حدود كام علشان يقوم على رجله
    وخلى بالك هم اتنين مبرمجين بس ..وممكن يقوموا الشركة ويستعينوا بفترات على ناس بارت تايم لغاية لما الشركة تكبر ..اقصد ايه اللى هيستهلك الفلوس

    هم مبرمجين + اجهزة معاهم يبقى ايه اللى هيسحب الفلوس (ايجار المكان ولا التراخيص ولا ..)

    اقتباس المشاركة الأصلية كتبت بواسطة shocky مشاهدة المشاركة
    بسم الله الرحمن الرحيم

    أولاً: التراخيص:
    1- تأجير مكان (شقة) ويكون الغرض فى العقد واضح وهو نشاط الشركة
    2- البطاقة الضريبية ودى سهلة وبتخلص بسرعة وممكن معاينة وممكن لا
    3- رخصة مزاولة النشاط (نشاط الشركة)
    4- السجل التجارى ودة ممكن ياخد شوية وقت على حسب لإن كان فى موافقات أمنية

    ثانياً: تجهيز المكان:
    1- يفضل على الأقل يكون غرفتين و رسيبشن (إحتمال إن عميل ييجى مقر الشركة إحتمال ضغيف)
    2- التجهيزات الطبيعية من مكاتب وديكورات (وممكن متبدأش كدة)
    3- الأجهزة: يفضل تكون أوريجينال جديدة لو ناوى تستمر إن شاء الله ويفضل كمان printer و bar code printer و bar code scanner و receipt printer و printer all in one
    4- الويندوز والبرامج الإنتاجية sql server, visual studio, microsoft office ... إلخ (على حسب هتبدأ إزاى)
    5- خط إنترنت

    ثالثاً: Brand
    دى أهم خطوة وهى خطوة إدارية و technical فى نفس الوقت
    1- domain and web hosting .. ممكن يكون .com.eg لو خلصتوا التراخيص أو .eg ودة أغلاهم
    2- e-mails ودى فى الغالب هتكون مع الdomain و الـ hosting وتكون sales, support, info ... إلخ
    3- طباعة الكروت الشخصية
    4- طباعة id للموظفين ويفضل يكون بـ barcode على الأقل عشان الحضور
    5- بعض المطبوعات الخاصة بالشركة folders للعقود ..

    وطبعاً فى حاجات تانية كتير
    لكن لسة كل دة متكلمناش عن منتجات الشركة وطريقة التسويق

    هنفترض إن عندنا منتج إسمة s
    1- أولاً لازم يكون الألوان المستخدمة فى s هى نفس ألوان مطبوعات الدعاية لـ s
    2- عمل عقود بيع وإستخدام وأحياناً تأجير لـ s
    3- عمل database تسويقية لـ s
    4- المسوقين لازم يكونوا خبرة بسيطة أو مجهود بدون خبرة
    5- لاب لكل مسوق لـ s
    6- إمكانية تشغيل نسخة demo لـ s لفترة من 7 إلى 15 يوم لأى عميل يطلب دة ودى أفضل دعاية
    7- عمل قناة على يوتيوب للشركة ويكون فى شرح مبسط لأهم خصائص s
    8- عمل page على facebook للشركة ويكون فيها إعلانات لـ s
    9- التسويق المباشر للعملاء فى أماكن عملهم
    10- التسويق الإلكترونى على facebook مدفوع
    11- لازم يكون فى خطة تسويقية من الأول وtarget محدد لـ s شهرياً
    12- لازم يكون فى timeline إنت ماشى علية وتراجع كل فترة ما تم

    فى تفاصيل كتير جداً .. ولو فى سؤال إتفضل
    جزاك الله خيرا على التفصيل
    كلامك مميز وهرجع اقراه اكتر من مرة كمان
    خلينا نفكر سوا كده
    ايه اللى هيجذب العميل ليك ؟؟ قوة البرنامج ولا النظام الادارة والمعاملة وخدمة ما بعد البيع
    يعنى باختصار العميل رقم 1 وضعه ازاى ؟؟ اكيد كل شركة فى العالم كان ليها عميل رقم واحد وبالتالى مفيش سابقة عملاء علشان تقدر تسوق صح

    كمان لو افترضنا اننا مكن نكتفى بالموقع والدومين ...الخ ونستغنى عن المقر كنوع من التوفير فى البداية ...لان مفيش عملاء هيجوا احنا اللى هنروح نسوق + نعرض
    هيبقى حرام ان الواحد ياخد شقة بمبلغ قد كده وتقريبا محدش بيروحها ..وهم كمبرمجين هيشتغلوا فى اى مكان
    ده نقطة ضعف مؤثرة على العملاء ام لا ..

    التراخيص كمان هل ممكن تتاجل فترة لغاية لما الشركة تقف شوية على رجلها

    حضرتك عارف ان شركات كتير مقرها على الانترنت فقط وشغالة زى الفل
    انا مبتراجعش او بقلل من الموضوع على قد ما انا بفكر بصوت عالى بس




    اقتباس المشاركة الأصلية كتبت بواسطة damasry مشاهدة المشاركة
    انا ممكن اقولك من حيث الشكل القانونى

    الاول حدد نوع المنشأة:
    فردية: ودى على الورق وقصاد الدولة ليها مالك واحد فقط (حلها انكم تعملوا عقد شركة محاصة بينكم لضمان الحقوق)
    مسئولية محدودة: ودى انتم مسئولين عن ديون الشركة بقدر مساهمتكم فى رأس مال الشركة فقط
    تضامن: المسئولية بتمتد لجميع اموال الشركاء

    1- عملت الشكل القانونى للمنشأة

    2- تأجر مقر للنشاط وتعمل عقد ايجار موثق من الشهر العقارى باسم المنشأة

    3- تروح الضرائب اللى تابع ليها مقر النشاط وتطلع بطاقة ضريبية (مهم جدا لو ها تتأخر شوية فى بدء النشاط تقولهم يكتبوا ان النشاط لن يبدأ إلا بعد ما تخطرهم)

    4- البطاقة ها تتطلع بعد 40 يوم وها يدوك إفادة للسجل التجارى انك طلعت بطاقة ضريبية.

    5- تروح الغرفة التجارية اللى مقر النشاط تابع ليها تتطلع شهادة مزاولة مهنة (شركة برمجيات)

    6- تاخد الشهادة دى وتطلع على السجل التجارى (فى اغلب الاوقات السجل التجارى بيكون ليه فرع داخل الغرفة التجارية) وتطلب انك تطلع سجل تجارى ويكون معاك عقد الشركة (لو منشأة فردية مش محتاج) + إفادة البطاقة الضريبة + اصل عقد ايجار المقر + صور من كل ما سبق.

    7- تحدد رأس مال المنشأة (على اساسه بيحدد الرسوم)

    8- بتقدم على رخصة نهائية لمزاولة النشاط من مديرية الاسكان ودى اجرائتها بتختلف حسب طبيعة نشاطك.

    تمام اللى فهمته منك ان فردية لازم وشخص واحد فقط هو اللى فى الصورة وفى الباطن بيكون فيه عقد شراكة

    اما مسؤلية محدودة : بيكون الاتنين فى الصورة ..صح كده

    معلشى مفهمتش ديون الشركة بمعنى ايه

    يعنى لو هى تضامن ممكن تتاخد من فلوسنا الاصلية الخاصة

    اما لو مسؤلية محدودة هياخدوا من راس مال الشركة فقط ؟؟ طيب يبقى على كده مسؤلية محدودة افضل طبعااا

    كمان خلى بالك ان شركة البرمجة هتبقى اول شركة

    بمعنى قدام هيكون فى شركة ام وتحتها مجموعة شركات من ضمنها البرمجة

    هل ده هيختلف فى حاجة من دلوقتى



 
صفحة 1 من 2 1 2 الأخيرةالأخيرة

المواضيع المتشابهه

  1. بي ام دبليو تشارك مع شركة سيارات صينية لفتح شركة فرعية مشتركة
    بواسطة YahiaAshraf في المنتدى بـى إم دابـــليو
    مشاركات: 1
    آخر مشاركة: 29-07-2013, 07:01 PM
  2. شركة مصر للتأمين ليست مجرد شركة تأمين ولكنها اكبر شركة تأمين فى مصر وشمال أفريقيا
    بواسطة eman2011 في المنتدى ساحة المرور وموضوعات التأمين في مصر
    مشاركات: 2
    آخر مشاركة: 30-04-2011, 03:22 PM
  3. خطوات تصنيع السيارات في شركة فولكس فاجن بالصور اتفرجوا و قولوا رايكم
    بواسطة Mohamed_Rashad في المنتدى مقــاطـع الفيــديـو و الكليبات و صـور للسيارات
    مشاركات: 15
    آخر مشاركة: 12-07-2010, 08:16 PM
  4. شركة فولكس فاجن تستحوذ على شركة تويوتا لتصبح أكبر شركة صناعة سيارات على مستوى العالم
    بواسطة nemo82 في المنتدى المنتــــــدى العـــــــــــام للسيــارات
    مشاركات: 27
    آخر مشاركة: 14-11-2009, 03:58 PM
  5. مشاركات: 4
    آخر مشاركة: 02-05-2009, 04:03 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2