موقف حصل معايا. عايز رأيكم

**Mohamed_Hamid** · 01-01-2014 04:53 PM

السلام عليكم ورحمة الله وبركاته

كنت من كام يوم فى كارفور ومعايا المدام بنجيب شوية طلبات. واحنا جوه حبيت اشرب سبرايت وخدتها من الثلاجة اللى جوه وفتحت الكانز وشربت منها. ثوانى كدة لقيت شاب من الأمن جوه الماركت جالى وطلب منى بأدب شديد انى احاسب على الكانز. طبعا انا اتفاجئت واول مرة يحصل معايا الموقف ده واتضايقت وقلتله انا طبيعى كنت هحاسب عليها عند الكاشير. قاللى انا عارف طبعا ان حضرتك كنت هتحاسب عليها بس هو التعليمات ان المشروب لازم يتحاسب عليه الأول. فى الظروف الطبيعية انا كنت هقفش علشان حسيت انه طلعنى مشبوه :) بس لميت الدور علشان مراتى معايا ورحت معاه للكاشير راح الولد واخد الكانز واديته الفلوس وحاسب هو الصراحة وجابلى الباقى والكانز لحد عندى بكل احترام بس حسيت ساعتها باحراج خصوصا ان كان فيه ناس واقفة ادام الكاشير وحسيت انهم بيبصولى على اساس انى كنت هضرب على الكنزاية وسوبر مان لحقنى قبل ما اهرب :).
السؤال بقى هل ده تصرف سليم من بتاع الأمن وانا اتصرفت صح ولا تصرفه كان غلط وانا برضه كان المفروض اقوله مش دافع الا عند الكاشير؟ رأيكم ايه...

**friendship7897** · 01-01-2014 05:27 PM

لأ عادي
طبيعي أن الأمن يعمل كدة
والحمد لله انك ما أتنفزتش على الفاضي ولا تطاولت عليه لأن دا حقه
أنا كنت أفتح لأبني عصير أو مياة خلال فترة الشراء
وعند الحساب أحاسب العلبة الفاضية
لكن لما الأمن بياخد باله بيلفت نظرك
بس واضح إنهم بيوجهوا أول بأول دلوقتي
لأن فيه ناس معندهاش ضمير بترمي العلبة على جنب
ودا أنا شوفته أكتر من مرة برضوا
عموماً ولا يهمك
وعدت على خير وبالهنا والشفا
المهم أخبار العروض أيه في كارفور
كويسة ولا لسة معملوش ومستنيين عيد ميلاد كارفور يوم 2 يناير ؟!

**DODGE2013** · 01-01-2014 05:34 PM

انت الي غلطان

دلوقتي كله بقى يشك في بعضه للأسف

**saddam** · 01-01-2014 05:44 PM

صديقي المواطن
عادي جدا وبرضو حصلت معايه في نفس الكارفور من سنة تقريبا وأنا من عادتي بجيب حاجة البيت مرة في الشهر فبقعد ساعتين داخل كارفور السوبر ماركت فبجوع أحيانا فباكل سنيكرس أو مارس وبحاسب عليها وأنا خارج في الباسكت ومرة واحد قال لي روح إدفع طبعا أنا مدفعتش وبكل هدوء قلتله على فكره إبن الناس باين ولو إنت مش حتثق بيا أنا حثق بيك وقلتله خد آدي 200 جنيه حطها في جيبك لما تشوفني رايح أحاسب عالشوكولاتة أم 4 جنيه إبقه رجعهالي طبعا الرجل إعتذر ورجعلي الفلوس وقال لي ولاد الحرام مخلوش لولاد الحلال حاجة ولا يحدث إلا في مصر
وكويس إنك دفعت وده حقهم عشان للأسف كل تجربة جميلة وناجحة في مصر لازم نخربها بكل الطرق ونجيب ضرفها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**أحمد كمال** · 01-01-2014 06:14 PM

قواعد المكان كده ..... و هو مطلوب منه يحمي فلوس المكان

هو كفرد امن مش هيعمل كشف هيئة لكل واحد عشان يعرف هو هيدفع و لا هيرميها على جنب ........ و لو المشرف بتاعه شاف انه سكت عالموقف ممكن يجازيه او يرفده

حضرتك محترم بس انا ياما شفت ناس سايبة علب مفتوحة و شوكالاتات و كيك و بلاوي سودة ...... بيفتحها و ياكل او يشرب و يرميها في اي ركن

**Mohamed_Hamid** · 01-01-2014 08:27 PM

شكرا لكم جميعا وعندكم حق انا مقدر موقفه برضه

**Mohamed_Hamid** · 01-01-2014 08:41 PM

المشاركة الأصلية كتبت بواسطة friendship7897

لأ عادي
طبيعي أن الأمن يعمل كدة
والحمد لله انك ما أتنفزتش على الفاضي ولا تطاولت عليه لأن دا حقه
أنا كنت أفتح لأبني عصير أو مياة خلال فترة الشراء
وعند الحساب أحاسب العلبة الفاضية
لكن لما الأمن بياخد باله بيلفت نظرك
بس واضح إنهم بيوجهوا أول بأول دلوقتي
لأن فيه ناس معندهاش ضمير بترمي العلبة على جنب
ودا أنا شوفته أكتر من مرة برضوا
عموماً ولا يهمك
وعدت على خير وبالهنا والشفا
المهم أخبار العروض أيه في كارفور
كويسة ولا لسة معملوش ومستنيين عيد ميلاد كارفور يوم 2 يناير ؟!

لا للأسف لسه مفيش عروض العيد السنوى منزلتش لغاية لما كنت هناك السبت اللى فات بس مش عارف فى جديد ولا لأ

**reda elgohary** · 01-01-2014 08:43 PM

الموقف بسيط ولا تعطيه أكبر من حجمه وياما بيحصل متاخدش ف بالك ، تخيل أنك كان معاك حد غير المدام مجموعة عمل أو قريب من الدرجة الثالثة كنت هتعمل ايه ؟؟! .
خد الآمور ببساطة وربنا ييسر لك.
المهم عملت حسابى ف ربع رومى ولا نسيتنى ؟.

**أبو آسر** · 01-01-2014 09:01 PM

أنا عن نفسي علطول الأولاد بياكلوا شيبسي أو بيشربوا عصاير وبسيب الفوارغ مع باقي المشتريات وبحاسب عليهم ومحدش في يوم كلمني بس مش عارف يمكن علشان لسة محدش قفشني ولا إيه ^_^
بس أنا الموقف اللي شفته كان قريب : جروب شباب مع بعض كانوا عمالين ياكلوا شيبسي وبتاع الأمن قالهم ممنوع الأكل داخل الماركت لكن مأجبرهمش إنهم يدفعوا يمكن دي تعليمات جديدة ويمكن اليومين دول بس علشان زحمة رأس السنة

بخصوص عروض كارفور أعتقد العروض هتبقى يوم 3 يناير يوم الجمعة لأني سألت على تليفزيون lg فلقيته بنفس سعره على مواقع البيع أونلاين فلما قلت للكاشير كده قالي خلاص استنى يوم 3 هتنزل عروض على التليفزيونات وممكن التليفزيون أبو 4000 جنيه يبقى ب3600 وكده

الموضوع: موقف حصل معايا. عايز رأيكم

LinkBack

أدوات الموضوع

عرض

موقف حصل معايا. عايز رأيكم - انشر الموضوع فى :

-

-

-

-

-

-

المواضيع المتشابهه

موقف حصل معايا-مشكلة فى الدوارة سيفيكSi

اول موقف وحش للكورسا معايا

حصل معايا موقف غريب ارجو المساعده

حصل معايا موقف ومتضايق شوية !!!

موقف حصل معايا فعلا وبحكيه للفائدة

الكلمات الدلالية لهذا الموضوع

المفضلات

المفضلات

ضوابط المشاركة