سؤال بخصوص السيارات اللي عليها حظر فيدوني افادكم الله

**mohandelboshy** · 01-01-2014 07:49 PM

المشاركة الأصلية كتبت بواسطة mtc_46

بص يا باشا .. انا معايا عربية كان عليها حظر .. كنت شاريها فاضل فى الحظر 5 شهور .. و لما خلص فكيت انا حظرها بنفسى
اولا: العربية لو مفيش فيها رخص اصلا يبقى المعاق فى الحالة دى مش عارفين يطلعولوا رخص عشان يرخصوا العربية اصلا و العربية هتفضل كده مدى الحياة و الراجل ده نصاب و بيستهبل
ثانيا: لو العربية فيها رخصة بس منتهية او لسه عليها حظر .. يبقى لسه فى موال كبير وهو عبارة عن مشوار او اتنين للجمارك عند سونستا فى شارع الطيران .. ثم متابعة لوصول الورق لمرور السيارة (ودول مش هتحتاج فيهم المعاق مادام معاك توكيل) .. ثم ترخيص العربية بدون حظر على الرخصة (و دى لاااازم المعاق يكون موجود حتى لو معاك توكيل) .. ثالثا نقل الملكية بناءا على الرخصة الجديدة اللى مفيش فيها حظر
ثالثا : الافضل تاخدها مترخصة باسم المعاق و بدون حظر .. عدا ذلك هتتبهدل و لو المعاق عنده مشكلة فى الترخيص او لو هو لوع و ليه فلوس عند الراجل الدنيا كلها هتقف

بصراحة اللي رماك علي المر لان العربية اللي شفتها دي علي اد فلوسي يعني 41 الف بس انا كده هصرف نظر
شكرا يا باشا علي الشرح الوافي بس فعلا العربية دي شكلها فيها حوار لان اللي هيبيع لي قالي معاك ربنا انت والمعاق وانا اصلا لا اعرف ده ولا ده

**أحمد كمال** · 01-01-2014 07:51 PM

المشاركة الأصلية كتبت بواسطة mohandelboshy

بصراحة اللي رماك علي المر لان العربية اللي شفتها دي علي اد فلوسي يعني 41 الف بس انا كده هصرف نظر
شكرا يا باشا علي الشرح الوافي بس فعلا العربية دي شكلها فيها حوار لان اللي هيبيع لي قالي معاك ربنا انت والمعاق وانا اصلا لا اعرف ده ولا ده

ابني على حجري اروح ادور عليه ؟

لو زي ما بتقول فلوسك على قدك ....... ممكن العربية دي تصرفك اضعاف مضاعفة في الورق و القرف

ممكن ما تعرفش ترخصها اساسا

و الاهم ان ممكن المعاق يقاولك على فلوس تاني عشان ييجي معاك

و الاهم كمان ان التوكيل مش معناه انها مش عربيته ! يقدر يلبسك في الحيط

اشتري العربية مرخصة بدون حظر و انقلها عادي جدا ليك غير كده تبقى بتخاطر

**mohandelboshy** · 01-01-2014 08:05 PM

المشاركة الأصلية كتبت بواسطة أحمد كمال

ابني على حجري اروح ادور عليه ؟

لو زي ما بتقول فلوسك على قدك ....... ممكن العربية دي تصرفك اضعاف مضاعفة في الورق و القرف

ممكن ما تعرفش ترخصها اساسا

و الاهم ان ممكن المعاق يقاولك على فلوس تاني عشان ييجي معاك

و الاهم كمان ان التوكيل مش معناه انها مش عربيته ! يقدر يلبسك في الحيط

اشتري العربية مرخصة بدون حظر و انقلها عادي جدا ليك غير كده تبقى بتخاطر

كلامك منطقي جدا بس انا بقالي 8 شهور ماشي علي رجلي بعد ما بعت الابيزا اللي كانت معايا وتعبت جدا وعمال ادور يمين وشمال واسافر هنا وهناك لما استويت المبلغ اللي كان معايا 45 صرفت 5 علي اللف والمشاوير ورفع العربيات في التوكيل واروح اشوف عربية اكشف عليها لما مسكت علي ال 40 اللي معايا وخايف اصرف فعشان كده قلت اخلص في دي وخلاص
عموما اشكرك جدا جدا علي النصيحة دي وان شاء الله هصبر وربنا يعطرني في عربية بنت حلال لان الله وحده يعلم بنتعب في الفلوس ازاي

**mohandelboshy** · 01-01-2014 08:14 PM

معلش يا جماعة انا اتصلت بصاحبها دلوقتي بيقولي ان ورق الافراج الجمركي اللي بيفيد بنهاية الحظر معاه من 5 شهور وواقفة علي الترخيص فهو لما عرف انه هيبيع قال يستني يمكن اللي هيرخص ينقلها باسمه بدل ما يدفع مصاريف
عموما هو قالي ارخصها باسمك علي طول لو تحب فهل ده ينفع وكمان معاه توكيل من المعاق بالبيع والشراء والترخيص في المرور وكل ده فايه رايكم في الكلام ده

**mtc_46** · 01-01-2014 10:48 PM

المشاركة الأصلية كتبت بواسطة mohandelboshy

معلش يا جماعة انا اتصلت بصاحبها دلوقتي بيقولي ان ورق الافراج الجمركي اللي بيفيد بنهاية الحظر معاه من 5 شهور وواقفة علي الترخيص فهو لما عرف انه هيبيع قال يستني يمكن اللي هيرخص ينقلها باسمه بدل ما يدفع مصاريف
عموما هو قالي ارخصها باسمك علي طول لو تحب فهل ده ينفع وكمان معاه توكيل من المعاق بالبيع والشراء والترخيص في المرور وكل ده فايه رايكم في الكلام ده

يا باشا و الله اللى هو عايزه ده بقى منطقى لو العربية اصلا مترخصة بس الرخصة لسه ما اتجددتش من غير كلمة الحظر
لكن مفيش رخصة اصلا؟!!! .. انا اعرف ناس العربية فكت و مش عارفين يفكوا حظرها عشان مش عارفين يطلعوا رخصة سواقة للمعاق و بالتالى مش عارفين يطلعوا رخصة للعربية .. الموضوع اعقد مما يصور لك هو
قول له جدد الرخصة من غير حظر باسمك او اسم المعاق و انا هشترى منك .. و ادفعله يا عم فلوس الرخصة كمان لو عايز