عاوزين نعرف كام واحد مركب زينون في عربيته ومركب فين في العالي ولا الواطي ولا في الفوج لايت وهل عنده مشكلة وايه النوع الي مركبة ولو عنده تجريبة مفيدة ممكن يفيدنا بيها
عرض للطباعة
عاوزين نعرف كام واحد مركب زينون في عربيته ومركب فين في العالي ولا الواطي ولا في الفوج لايت وهل عنده مشكلة وايه النوع الي مركبة ولو عنده تجريبة مفيدة ممكن يفيدنا بيها
اللي مركب زينزن بدون ميكون الفنوس عدسه ... اناني جدا
بيشوف كويس و بيعمي كل الناس
ما هو علشان كدة انا مركب في الفوجات بس علشان اشوف الحفر والمطبات في في الطريق الدائري والمحور لانهم زفت دا طبعا بعد ما لبست كام حفرة ومطب وفي نفس الوقت علشان مضايقش الي قدامي
السلام عليكم
انا مركب في كيا كارينز 3 اطقم زينون كلهم 75 وات مركب في الفوجات والعالي والواطي وسريع جدا في انو يسخن من الاسكندريه من عند اولاد السيد جابر من سنه ونص كانو عامل الطقم الواحد وقتها 750 والاضاءه تحفه هو صراحه انا في وسط البلد مش هتستخدم غير لفوج لان النور الواطي اما بيشتغل اضاءه عاليه جدا والحمدلله مفيش اي مشاكل اي استفسار انا تحت امرك
انا مركب عالى و واطى و فوج 6000k و مش عندى عدسات بس علشان الميزانية بس :D
الزينون ال6000k 75w عامل كام ؟ و ضمان اد ايه ؟ لمبة H4
مركب الزينون الديجيتال الرفيع ولا العادي التخين؟ مركب حاجه زياده قبل الموديول زي كتاوت أو capacitor مثلا؟ ومركب ضفيره منفصله على البطاريه مباشره ولا موصلهم كلهم على ضفيره العربيه عادي؟
أنا مركب زينون 35 وات بلمبات 55 وات على الواطي بس من النوع التخين وكان بيخلي الفلاشه ترستر وركبتله capacitor والمشكله راحت وخفت أركب 55 وات أحسن يبوظ العدسه ولا الفانوس يسيح بس انت قلبك جريء انك تركب 75 وات ربنا يسترها عليك وعلينا.
لا انا مركب الجهاز العادي لان وقتها كان اللي مركب ٧٥ وات ده اعجاز والصراحه انا كنت جايبه عشان نوره قوي جدا بالزات في العالي وعلي الطرق النقل بيحس بيه جامد كانك عملت برق في المرايه عنده انا الكارينز اللي معايا اول فئه موديل ٢٠١١ اللي هيا الكاسيت بتاعه كينوود الصراحه العربيه كل حاجه سليمه والفانوس محصلوش حاجه ولا الفوج ومركبتش كابكيتور كل اللي اتركب هي الضفيره بتاعته وبس بالنسبه للزينون ال ٧٥ وات اتاكد ان اللمض بتاعته ٧٥ وات واي استفسار تحت امرك
شكرا للرد السريع. يعني مركب ضفيره منفصله للزينون من البطاريه مباشره ولا لاء؟ ياريت تأكيد على النقطه دي عشان لسه مش واضحه.
وهل الفوج كانت نازله بيه فابريكه وقتها ولا شاريه؟ وشاريه صيني ولا كوري؟ وشغال بمفتاح ولا غيرت دراع النور؟
معلشي أسألتي كتير بس أنا كنت مركب فوج صيني بيشتغل مع النور الواطي اجباري وبيودع من شهرين النور بقى أصفر بزياده وبدأ العاكس بتاعه يقشر فاشتريت واحد أصلي ودراع نور أصلي ولسه مركبتهمش بفكر أركب فيهم زينون ولا لاء وممكن أنزل فيهم الزينون ال 35 وات وأجيب 75 للنور الواطي ومش ضروري العالي عشان مش بفتحه كتير يادوب تقليب بس.
انا مركب زينون صيني في الواطي بس ورا عدسات
بس ال35 وات اقل في كثافة الاضائة من اللي كنت متوقعه مع انه احسن فعلا من الهالوجين و راكب من غير كتاوت خالص
طيب انت ركبت العدسات ازاي جوة الفنوس ياريت تحكلنا التجربه ولو تصورلهالنا كمان يبقى تمام
انا قلت افيد حضرتك من باب اني ركبت عدسه بس كانت علي فانوس ١٢٨ كانت بتاعتي وعدلتها جبت عدستين كنت طالبهم من برا تكلفتهم كانت ١٠٠٠ جنيه كانو جايين باللمض وناقص الجهاز انا في ال ١٢٨ سخنت الوش ب ال heater ولبست جوانتي وفصلته بعدين قابلتني مشكله ان العدسه ضخمه ده بالنسبه لفانوس ال ١٢٨ اما بالنسبه للعربيات الجديد بتركب مستريحه جدا انا قطعت في جزء من ضهر الفانوس بحيث اشد العدسه وتكون راكبه مظبوط وروحت وديت الوش الاصلي عشان يتعمل بلاستك شفاف زي العربيات الجديده وعملته وقفلت الوش علي الفانوس بسيلكون وسيبته يومين ينشف وخلص الموضوع في العربيات الجديده اعتقد ان العدسه بتدخل مستريحه جو الفانوس اما بالنسبه لطريقه فكه فهي باردو باستخدام heater او تحطه في الفرن علي ١٨٠ لمده ٥ دقايق وهطلعه طبعا تكون لابس جوانتي وتفصل الوش وتركب العدسه وتقفل تاني بس انا صراحه مجربتش موضوع الفرن انا اما فكيته عملتها باستخدام ال heater واي استفسار انا معاك
معتقدتش ان في حد ممكن يجيليه قلب يعمل كدة في فانوس عريبه جديدة
انا مركب فى الفوج وواطى بس عشان العالى بيعمل مشاكل فى العربية ( سيراتو )
نوعه Hella 55w الطقمين واطى و فوجات عامل 1750
مركب زينون فى الصنى
٣٥ وات للواطى و 55 للعالى ... بدون اى كتاوت ...
تحياتى ...
ممكن نصيحة يا جماعة لريو 2014 خليجى أفضل وأمن زينون ونوعة والتكلفة هتبقى فى حدود كام ؟
ولكم جزيل الشكر والتقدير