كنت بسال لو عايز اشترى طابعه بس عايز نوع ميكنش الحبر غالى اوى وتكون نوعها كويس
وهل اجبها الوان ولا عادى انا هستخدمها فى طباعه ورق ل بنتى فى المدرسه ( بقيت كل يوم والتانى اطبع ب 15 و 20 جنيه
الف شكر مقدما
عرض للطباعة
كنت بسال لو عايز اشترى طابعه بس عايز نوع ميكنش الحبر غالى اوى وتكون نوعها كويس
وهل اجبها الوان ولا عادى انا هستخدمها فى طباعه ورق ل بنتى فى المدرسه ( بقيت كل يوم والتانى اطبع ب 15 و 20 جنيه
الف شكر مقدما
لو مش هتطبعي الوان هاتي برنتر ليز وارشحللك hp 1018 دي بتكوم مستعملة ومفيش منها جديد
وفي حدود 400 الي 500ج حسب حالتها
لو االوان يبقي اي نوع deskjet hp برضة ولازم كل يوم تطبعي عشان الحبر مينشفش ومليها مش غالي ب 20ج تقريبا
هتجيب طابعه كانون بكسيما ام 300 جنيه و دي 3x1 طابعه و سكانر و مكنه تصوير
و ازايز الحبر بتاعتها سعرها 10 جنيه لكل لون يعني ملوها كلها يتكلف 40 جنيه و دول ان شاء الله يعملو معاك حوالي 2000 3000 ورقة
او اكتر بكتير جدا كمان
نصيحة .
سييييييييييييبك من اى طابعة ألوان .. خليك فى الليز أسود.
وبلااااااااااااااش تشترى حاجة مستعملة .لأنها مش هتعمر معاك وهتطلع عينك صيانة.
أشترى واحدة ليزر وجديدة وارشحلك ال hp ماركة محترمة .
ربنا يوفقك
أنا عندى كانون بكسيما ... شغالة كويس كفاكس وسكانر .... لكن كطابعة الحبر ضعيف جدا ومش بيكمل معايا وفعلا بيشنف (لكن أعتقد مش بينشف بسبب استخدام السكانر)
وعموما فيه طباعات محترمة ليزر أسود وفيها بردو سكانر وتصوير وفاكس كمان لكن هتكون غالية شوية
لا استخدام السكانر ملوش أي علاقة بالحبر
يعني حتي لو الطابعة باظت و بطلت تطبع ورق ممكن تشغلها سكانر بس
و هقولك سر علي نشفان الحبر دا
لما الحبر ينشف هجيب طبق صغير و فيه ميه بتغلي و تحط الكارتدج فيه نص دقيقه بس من غير ما يغطس كله يعني يادوب نصه يبقي ف الميه كدا و بعدها تمسحه بمنديل و هيشتغل معاك ولا الحلاوة
و لو عصلج ممكن تسيب نقطه ميه سخنه تنزل فيه و دي هتروقه من جوا و هتخلي الحبر الناشف يسيل من تاني
شكرا ل كل الردود فعلا هفكر فى الكانون
لو طباعه بس يبقى طبعه ليزر احسن كتير واسرع فى الاداء .
فعلاً ليزر أحسن كام قال الجميع
و ملوها بـ 25 جنيه وهاتطبع أكتر من الف ورقه وسريعه جداً عن الإنك جيت
ويستحن تجيب لأى طابعه ورق 80 جرام لإنه بيحافظ على السخانات و على الطابعه عامة من حيث تحشير الورق
كانون 2060 منتشره ورخيصه ومسمعه جدا فى السوق
لو بتفكر في ليزر وعايز حاجات تعيش معاك ممكن تاخد HP P1102
http://www.egprices.com/images/large/hp_lj_p1102.jpg
دي سعرها بين 630 -700 على حسب المكان اللي هتشتري منه
سرعتها في طباعة الورق معقولة ماكسيمم 18 ورقة في الدقيقة
والحبارة تقدر تطبع 2000 ورقة او اكتر شوية بدون اعادة ملئ ...... تكلفة اعادة الملئ بين 40 - 50 جنيه
لو بتفكر في حاجة الوان تجيب كانون في عندك اختيارين الأول canon pixma MP230 All in one
سعرها 300 جنيه او اقل شوية
دي فيها برنتر و كوبير وسكانر وتقدر تملى حباراتها بنفسك عادي خالص بدون مشكلة او لو مش عايز بتتملي بـ 15- 20 جنيه على حسب المكان
http://www.egprices.com/images/large...ixma_MP230.jpg
الاختيار الثاني canon mx320 all in one
دي سعرها بين 420 - 450 على حسب المكان اللي هتشتري منه بس قايلة شوية في السوق (في اعلى منها)
http://www.egprices.com/images/large...ixma_mx320.jpg
دي بتختلف عن الأولي ان دي (برنتر - كوبير - سكانر - فاكس) وفيها فيدر ممكن تحط فيها مجموعة ورق لغاية 35 ورقة وعي تسحبها وتعملهم كوبي او سكان حسب رغبتك .
ولو محتاج اى حاجة انا في الخدمة
عندى ال اتش بي 1132
طابعه وتصوير واسكانر
كويسه جدا مع الحبر الاصلى ومشاكل كتير لما تملأ الحبر
عندنا فى الشغل طابعه 1320 اتش بي
صراحة شغالة تحت اى ظرف وباى عبوة اصلية او كوبي وبتستحمل شغل جبار وتخبيط
لو لقيتها مستعملة ومن مضمون هتبقي ممتازه معاك وعلى فكرة هو الارخض
فى الشغل بنجيب لها الهاى كوبي ب 170 الى 190
لكن ال 1132 بجيب الهاى كوبي 230/250
عندى ال اتش بي 1132
طابعه وتصوير واسكانر
كويسه جدا مع الحبر الاصلى ومشاكل كتير لما تملأ الحبر
عندنا فى الشغل طابعه 1320 اتش بي
صراحة شغالة تحت اى ظرف وباى عبوة اصلية او كوبي وبتستحمل شغل جبار وتخبيط
لو لقيتها مستعملة ومن مضمون هتبقي ممتازه معاك وعلى فكرة هو الارخض
فى الشغل بنجيب لها الهاى كوبي ب 170 الى 190
لكن ال 1132 بجيب الهاى كوبي 230/250