الموضوع: الحمد لله فهمت اغلب العربية نظري

برجاء توضيح اخر جزء نظري فاضلي في العربية الا وهو الكتاوت

اللي كنت اعرفه سابقا عنها انها منظمات للتيار اللي طالع من البطارية وبتوزعه لكل مكونات السيارة الكهربية حسب الفولت والامبير اللي محتجاهم

لكن بالتتبع طلع الموضوع مختلف طلعت جايه من cutouts وبتتحط علي الدينامو عشان تحافظ علي دخل البطارية من الزيادة

وده لخبطني طب لو هيا علي الدينامو اومال ايه اللي بيدي الانوار والتكيف والذي منه كهربا

هل هما شغالين من البطارية عالطول ولا في وسيط في الدايرة

ولو كدا ازاي اجيب كتاوت تعليه والكلام ده عشان اعلي الكهربا او الاضاءة؟؟؟؟

مش فاااااااااااااااااااااااه م

اولا !!!!!!!! فيه كتاوت كتير فى العربيه مش واحده بس انما لوبتتكلم على كتاوت الدينامو فدى كتاوت بتظبط خرج الدينامو اللى رايح على البطاريه بحيث الشحن مايبقاش عالى ويبوظ البطاريه (ودى اسمها كتاوت خفض) لانها بتخفض التيار العالى ........اما كتاوت النور اسمها (كتاوت رفع ) لانها بتعلى التيار المنخفض عشان تقوى الاضائه ........
بالنسبه للنقطه التانيه :::::: البطاريه مهمتها الوحيده هى حفظ الكهرباء طول ما العربيه مبطله عشان تحرك المارش وتشغل الكهرباء اللازمه لتدوير العربيه والكاسيت والذى منه اثناء التبطيل........وطول مالعربيه دايرة البطاريه ملهاش اى علاقه باى حاجه فى العربيه وكل وظيفتها فقط انها بتتشحن........


بالنسبه للنقطه الثالثه ::: كل اللى انت قولته بالنسبه للصبابات صحيح تماما ....... وعلاقتها بالسى سى بتحسن اداءه واستهالاكه ليس الا .........وكترتها طبعا كويسه لانها بتدى عزم للعربيه وحريق مثالى والاستفاده المثلى لكل نقطه بنزين بتدخل العربيه........ لان العربيات ال 8 صباب بيكون لكل سليندر 2 صباب واحد بنزين وهواء وواحد عادم........انما فى ال 16 صباب بيكون لكل سليندر 4 صباب 2بنزين وهواء و2 عادم .....فالبتالى نسبه الانضغاط والحريق داخل السليندر بتبقى اعلى من 8 صباب فالبتالى الاداء اقوى والاستهلاك برده بيبقى نسبيا اعلى بحاجات بسيطه بس فى المقابل بتاخد اداء مميز .....