اول تقرير بعد حوالى 900 كيلو عن كيا سبورتاج 2014 اول فئه
السلام عليكم
انا كان معايا تريوس 2011
وتم بحمد الله انى غيرت وجبت كيا اسبورتاج 2014 اول فئه هى عمله دلوقتى 900 كيلو
المزايا
1- عزل العربيه 85% يعتبر جيد جدا
2-الصالون واسع
3-سحب العربيه يعتبر جيد ..... نأخذ فى الأعتبار انى فى مرحله التلين اول 1000 كيلو
4-الأستجابه ل Kick-Down جيد
5-العفشه نعمه بالتسبه للتريوس
6-اناره الفوانيس الأماميه جيد جدا
7-تقفيل العربيه من الداخل ممكن ياخذ 7.5 من 10
8-نظام احزمه الأمان عاجبنى جدا ... معلومه يوجد سينسور فى الكرسى الى جانب السواق بحيث يقدر يحس فى حد راكب ولا لأ علشان يشغل تنبيه حزام الأمام بجانب اشاره فى الكونسول
العيوب
1- استهلاك البنزين عالى المعدل 9.1 لتر الى 9.5 لتر فى 100 كيلو فى الظروف الأتيه داخل المدينه 65 فى الميه من المسافه على الدائرى ولم اشغل التكييف
2-الأبواب علشان تقفل لازم تقفل بضغط سنه بسيطه باب السواق عادى
3-فى الطرق الوعره زى طريق مكسر بسمع اصوات بس مش فى العفشه كما لو كان بلاستيك بيزيق المعظم الصوت جى من ناحيه الشنطه وفى المطبات الصناعيه لما العجل الخلفى ينزل من على المطب بسرعه بسمع صوت من ناحيه الشنطه كما لو كان حاطت حاجه بلاستيك فى الشنطه واتحركت مع العلم انى شيال اى حاجه تعمل صوت مشيت ورا هذا الموضوع ولم اجد حل
نقاط لم استطع التقييم
1-الفرامل مش عارف اقيمها بس حاسس انها مش الممتازه بس نخلى تقيمها بعدين
2-ليس مجربتهاش على السريع
3-استخدمت التكييف فى مشور صغير بعد استلامها يوم 7-12-2013 لاحظت انه جيد بس مين ينفعش يتقيم دلوقتى
التقييم العام
1- ما شاء الله حاسس بفرق عن التريوس
2-الحمد لله وما شاء الله مبسوط بيها ولكن صوت التزيق فى الطرق الوعره ونقطه المطب المذكوره اعى خنقانى شويه غير كده الحمد لله
أخوكم احمد الفقى