السلام عليكم
معايا أوكتافيا a5 موديل 2006 ؛ غيرتلها جوان وش السيلندر مرتين في أسبوع والعربية برضوا بتاكل ميه.
حد عنده فكرة ممكن يكون أيه السبب
أرجوا المساعدة
عرض للطباعة
السلام عليكم
معايا أوكتافيا a5 موديل 2006 ؛ غيرتلها جوان وش السيلندر مرتين في أسبوع والعربية برضوا بتاكل ميه.
حد عنده فكرة ممكن يكون أيه السبب
أرجوا المساعدة
عندك تسريب فى مكان تانى اكبس دوره التبريد عشان تعرف مكان التسريب
وكان فى موضوع http://www.nilemotors.net/Nile/395890-25.html
طيب لو التسريب في قلب المحرك هيبان في الكبس ؟؟
اللي بيحصل اني بدور العربية علي السلانسية وازود اخلي ال rpm علي 3000 مثلا وبعد 5 دقائق الاقي المية نقصت في القربة والاقي ميه كتير تحت الشكمان !!!
وبلاقي نقط طحينة بسيطة خالص علي غطا الزيت !!!
وهل المانيفولد ده هو اللي بيقول عليه الصنايعية الفرن ؟؟
مع العلم اني كان في تسريب من الكوعه قبل كده وغيرناها وبطل تماماً ومش بلاقي أي مية تحت المحرك دلوقتي.
وشكراً
طيب انت كده عارف مكان التسريب تحت الشكمان
لا المانفولد غير الفرن الفرن اللى هو بيطلع منه العادم
لو محتار ممكن تحط ميه حمرا لانها بتسيب لون احمر من مكان التسريب لتحديده بالظبط(ده لو بره الموتور)
لا ياباشا اقصد ان الميه طالعة من الشكمان كتير لكن مش هوه ده مكان التسريب الرئيسي
السؤال برضوا زي ماهوه لو النسريب في قلب الموتور هيبان ازاي في الكبس؟؟
ياباشا واضحة جدا جدا الماية بتخش على وش البستم وبالتالى هو بيعتها على الشكمان مش متاجة فكاكة والميكانيكى اللى عاملك الشغل دة اكيد لما فتح عارف ان المكنة عاندك بتودع وعايزة تغير بلوك من غير ما تلف وتعجن كتير على الفاضى
من الاخر غير بلوك
فعلا كلام أستاذ / معتز صح وأؤيده بشدة
الموضوع كده من جوة الموتور
فممكن يكون جوان وش السلندر لتاني مرة راكب غلط او الجوان مش مظبوط وفيه عيب او وش السلندر عندك قفع وكان فيه عالي وواطي وانت مودتهوش للخراط عشان يساويه
فالموضوع في الاول والاخر بداخل الموتور ولازم ميكانيكي محترم وفاهم عشان يفيدك
الجوان اصلي وبيتباع عندنا في اسيوط ب 275 جنيه
كمان في المرة التانية انا اخدت وش السيلندر واستعدلته علي المكشطة
وبرضوا لازال السؤال بيطرح نفسه إزاي أتأكد أن الميه من البلوك ومش من أي مكان تاني ؟
ياباشا انت بتقول الشكمان بيطلع مياة معناة ان الماية بتيجى على وش البستم ...والبستم طالع بيطرد العادم بيطرد الماية معاة على الشكمان ...ثانيا الطحينة اللى عاندك فى غطاء الزيت
الموضوع منهى
بص قدر اللة وماشاء فعل
البلوكة بتعمل حوالى من 5000 الى 5500 غير المصناعية فى حدود 400 او 500
حصل عندى نفس الحوار فى a4
و غيرت الجوان 3 مرات كمان و ساوييت و عملت كل حاجه مفيش فايدة
المشكلة كانت من جوه الموتور
غيرت بلوك من شهر واحد السنة الى فاتت و لحد دلوقتى مفتحتش قربة الميه