عرض للطباعة
طلعت لقيت عربيتي وهي راكنة في المطار مخبوطة من ورا جامد..الرفرف والاكصدام والشنطة والفوانيس!!!
العربية اصلا لسة مارخصتش وماشي بجواب المعرض.. انا شاريها من البنك تقسيط ومضيت كل الاوراق وشامل تامين 100% بس لسة ماكلمونيش عشان اروح المرور.
السؤال هنا: عربيتي كده في التامين والضمان وللا لازم ارخص عشان يسري التامين?
وبعدين هي بالحالة دي مش هيرضوا تترخص من غير ماتتصلح..وبصراحة مش هودي عربية زيرو لسمكري..ومش هاقدر علي فلوس التوكيل.
المشورة يا رجااااال. :untitled:
كل الاسف على الى حصل لك ...
للاسف مش حتقدر تأمن بدون ترخيص ...
و ممكن مينفعشى ترخص لو مهندس الفحص الفنى فى المرور شاف الخبطه ...
و لو عرفت ترخص ... مندوب التأمين لازم ييجى ويعاين كويس العربيه ...
و على فكره انت بكده اضريت المعرض الى شارى منه ... لانه مش حيعرف ياخد فلوسه من البنك !!! الا بالرخصه و التامين ...
و راى انك تعملها فى التوكيل علشان هى زيرو ... حرام تعملها بره ...
تحياتى ...
اكيد انت راجعت على دورة المياة عندك ، وغير ضرورى غطا قربة المياة وقولى هتعمل معاك ايه بعد تغيير الغطا
واضح انك دخلت على مشكلة تانيةاقتباس:
المشاركة الأصلية كتبت بواسطة ahmed_moeaz
تحياتي
التأمين اعتقد انه مالوش دعوه بالترخيص عشان بتعمله في المعرض قبل تعليق النمر و بيكون برقم الشاسيه و الله اعلم
يا باشا العربيه طالما هى زيرو و بالقسط يبقى فى تامين اجبارى على العربية من اول محضرتك اشتريت العربيه لان انت داف للبنك مش للمعرض
و على فكره انا عربيتى مامن عليها قبل الترخيص مجرد جواب الملكيه و جواب المرور
فعربيتك كدا متامن عليها شوف البنك متعاقد مع مين و تعامل معاه
خلاصة الكلام
التأمين اصلا بيسرى من ساعة شراء العربيه واقرا تاريخ الوثيقه هتلاقيها طالعه قبل الترخيص
الحاجه التانيه انت ممكن ترخص من غير ما توديها التأمين اللى هتعمله انك هتشوف مندوب المعروض تخليه يخلصلك كل الاوراوق ومتروحش بالعربيه للفحص هوه هناك بيمشى اموره فى الاخر هيجى العامل لما تروح بالعربيه يرفع رقم الشاسيه والموتور ويعلق النمر
التأمين شغال عادي، صلح العربية وبعدين رخص، هتلاقي في وثيقة التأمين : السيارة بدون نمر، كلم شركة التأمين وشوف الاجراءات ايه
الف سلامة عليك هذا هو الاهم
ولكن مليون في المائه العربية عليها تامين وانت لا تدري
وبالتوفيق دائماً
انا آسف رديت على موضوعك بالغلط ، ربنا يكفيك شرها وتحل المشكلة بتاعتك وبعتذر مرة اخرىاقتباس:
المشاركة الأصلية كتبت بواسطة ahmed_moeaz
وثيقة التأمين بتتعمل فعلا قبل الترخيص ولكن لو قرأت الشروط الواردة بوثيقة التأمين ستجد أن شركة التأمين لن تغطى أى حادث نشأ نتيجة مخالفة قوانين المرور من طرف قائد السيارة المؤمن عليها .
بمعنى ممكن شركة التأمين تتلكك لقيادة السيارة بدون رخصة بإعتبارها مخالفة لقانون المرور .. والله أعلم .
حاول تتصل بشركة التأمين وتستفسر عن هذه النقطة
مع احترامى للجميع ...
قولا واحدا >>> التأمين لا يعرفك لو العربيه مش مترخصه فى المرور ....... حتى لو فيه وثيقه و مؤرخه بتاريخ سابق عن الحادثه ...
ايضا فى حاله التقسيط البنكى ... صاحب المعرض مش حياخد فلوسه من البنك ... لان من شروط البنك لصرف الفلوس هو الترخيص و صوره الرخصه ساريه ...
و اغلب المعارض وقعوا فى المطب ده ... لذلك فى حاله التقسيط .. لا يسلموا العربيه لصاحبها الا يوم الذهاب للترخيص .... او بعض التجار بيكتبوا صاحبها ايصال امانه بكامل القيمه ...
تحياتى ...
كان الله فى عونك يااخى وربنا يفك كربك
قلبى معاك
وثيقة التأمين فيها بند بيقول ان التأمين لا يسرى الا بعد الترخيص فى المرور
ممكن تتحل
هقول لحضرتك ازاى
انك كده كده هيجيلك واحد من المعرض علشان يساعدك فى الترخيص - يبقى الراجل ده ب50 جنيه يضبط العامل اللى هييجى ياخد رقم الشاسية وما يعلقشى على موضوع الخبطه دى - ومندوب المعرض ده هيدخل يخلصلك الورق كله - ويطلعلك الرخصة والنمر
بعدها يبقى التأمين سارى - يومين وبلغ حادثة واعمل محضر انك كنت واقف بتاريخ بعد الترخيص فى مكان قدام ما وان العربية لقيتها مخبوطة واطلع بيه على شركة التأمين
وربنا يكون فى عونك
هو اصلا المعرض سلمهالك ازاى بدون ما يطلعلك الرخصه مع المندوب
الحمد والشكر لله .. عملت بنصيحتكم وفعلا رخصت وركبت النمرة اللي قدام.. وطلعت ع القسم بلغت ان العربية بعد مارخصتها وركنتها قدام البيت طلعت اعمل بيها مشوار لقيتها مخبوطة..وعملت محضر واخدت صورة كمان وبكرة باذن المولي هاطلع ع البنك عشان السيارة حظر بيع لصالح البنك...دعواتكم بقي.
ربنا يوفقك ان شاء الله
بالتوفيق ان شاء الله
عربيتك نبيتي يا باشا مش كده
شوفتك امبارح عند مرور الشروق
عموماً كويس انك عرفت تتصرف
ايوة يااستاذ محمد كريم...ودعواتكم بقي عشان بتوع البنك بيقولولي دانت لسة مافعلتش التامين عشان اول قسط لسة ماتسحبش!! عموما انا رايح آخد صورة من وثيقة التامين وربنا المعين بقي..دعواتكم وشكرا لكل من افادني بتعليقه.
أيه علاقة البنك بالتأميناقتباس:
المشاركة الأصلية كتبت بواسطة hanytoto12
اولا الوثيقة سارية بين تاريخين مذكورين فيها ومفيش اى شروطه فيها بتقول انك لازم تدفع اول قسط للعربية - دى حاجه
انت تطلع على قسم الشرطة اللى جنبك تعمل محضر
وبعدها تاخد صورة من المحضر ويكون مختوم (لاغى امين الشرطة ب 50 جنيه علشان يختمهولك بدل ما يطلع عينك فى النيابة على ما تجيب عليه ختم نسر) وتروح شركة التأمين بلغ حادثة
وقولهم على مكان التوكيل اللى انت هتصلح فيه
وروح بعربيتك التوكيل والمهندس هيعمل معاك معاينه وقوله ان عربيتك تأمين وهوا هيذكر كده فى المقايسة وهيحددلك ميعاد المقايسة فيه تخلص وبلغ مهندس التأمين بالميعاد ده وهوا هيروح يعاين ويقيم المقايسة - نسيت اقولك خللى مهندس التوكيل يبعتلك صورة من المقايسة على الايميل او الفاكس
هيروح يعاين ويقول ايه اللى يتصلح - وانت تابع من التوكيل لحد ما عربيتك تتصلح - وتدفع وتروح لشركة التأمين تديهم الفاتورة وتصرف شيكك بعدها ان شاء الله
وربنا يباركلك فيها ويحيمك
وتطلع بعر
أنا مش فاهم ايه علاقه دفع القسط الاول بالتامين بس برضوا حاول تسأل أكتر عشان تبقى في الامان ولو على انك لازم تدفع القسط الاول بسيطه هتأجل موضوع البلاغ لحد سداد القسط الاول بس أنا مش فاهم ايه العلاقه بينهماقتباس:
المشاركة الأصلية كتبت بواسطة hanytoto12
ربنا يكون في عونك بصراحه الخبطه جامده اوي وربنا يسامحه بقى اللي عمل كده
ده اكيد نقل لانه لو ملاكي كنت هترجع تلاقيه راكن جنبك لانه اكيد كان هيحتاج ونش ينقل عليه العربيه