-
ازكتافيا a5 2008
السلام عليكم ورحمة الله وبركاته
محتاج راى الاخوه الكرام من اصحاب الخبره وملاك الاوكتافيا واعضاء المنتدى الكرام
كنت عايز اغير عربيتى فشفت كذا عربيه منهم اسكودا 2008 a5 العربيه دى عايز اعرف اشتريها والا لا هى مش رشه حاجه بس فيها تجريحات بره ممكن تحتاج تتحزم وعامله 70.000 كيلو فيها جميع الكماليات ما عدا فتحة السقف والتليفون وصاحبها عايز 115.000 الف السعر النهائى .عايز اعرف هل الموديل ده فى مشاكل ف الفتيس وهل العربيه عموما كويسه وهل السعر ده مناسب علما بان سيارتى الحاله نيسان صنى 2009 ارجو الافاده السريعه لاننى فى حيره .
جزاكم الله خيرا
-
-
الاكتافيا ممتازة بس لازم تكشف علي الفتيس في التوكيل
-
لو هى مجنطه تبقى الفئه الثانيه اسبورت
وطبعا هى عربيه ممتازه جدا جدا جدا
بس اهم شىء تتاكد من الفتيس وتتاكد انه عمل صيانه ال60 لان العربيه عامله 70 الف كيلو
اكشف على العربيه صح واتوكل على الله ولو عرفت تنزل اى حاجه مكسب لك
-
سيارة ممتازة ولا يتم الكشف عليها عند اي ميكانيكي ولكن بمراكز صيانه متخصصه سكودا وفولكس وزي ما قال استاذ طارق مهم في الكشف الكشف الجيد علي الفتيس والتأكد من صيانه ٦٠ ال كيلوا
-
لازم لازم لازم تتأكد علي فتيس العربيه وبالتالي لازم تكشف عليها في التوكيل...الكشف هيكلفك 250 جنيه علي كل العربيه...بس هتعرف بالظبط حاله العربيه....وأنصحك لو العربيه تمام ...أتوكل علي الله والف مبروك مقدما.
-
اهم حاجه الكشف على العربيه
-
الاخوه الكرام الف شكر على مروركم الكريم جزاكم الله خير ان شاء الله هشوف موضوع الفحص فى التوكيل ده لانى من المنيا وصاحب السياره من المنيا اعتقد هيرفض الله المستعان
-
هو متوسط سعر ال a5 كام يا رجالة ؟
Content Relevant URLs by
vBSEO 3.6.0 PL2