ايهما افضل و لماذا افيو ولا اسبيرانزا ؟

**Eng_Ahmed_Hamdy** · 23-09-2008 01:53 AM

السلام عليكم
ارجوكم عاوز مساعدة فى الشراء لانى بجد احتارت جدا جدا
شيفروليه افيو مانيوال العادية 74 الف
ولا اسبيرانزا 1600 جميع الكماليات 68 الف
فيه ناس كتير بيقولوا ان العربيتين حلوين و مفيهومش مشاكل
فارجو رجاء من كل الاخوة الاعضاء ان اللى يقول رأيه يقوله عن تجربة لانى بجد احترت جدا من موضوع سمعت و مش عارف ايه
و شكرا

**hazem_khidr** · 23-09-2008 06:49 AM

لو مكانك حجيب الافيو بصراحه

**Dream286** · 23-09-2008 01:43 PM

السلام عليكم
مش عارف اقول ايه يا جماعة بس رحبوا بيا الاول دي اول مشاركة ليا هنا بعد ما قرأت كتير اوي
يلا رحبوا بيا الاول

بص يا استاذ احمد
بدون الدخول في تفاصيل العربيات وامكانياتها
انا اعتقد لو مكانك اشتري الافيو
لأن انا يمكن اتأثر بالوسط المحيط
بمعنى ان الصيني تحس برضو ان الواحد بيخاف منه
هي العربية بصراحة جبارة وامكانيات رهيبة
بس تقفيلها مصري هتحسه في بعض الحاجات زي الباب والشنطة وكدة
كمان الافيو عليها شبه اجماع انها عربية كويسة جدا بالنسبة لفئتها

انت عارف الحاجات الصيني دي عجيبة
لو مسكت موبايل صيني هتلاقي فيه امكانيات مش هتلاقيها حتى في النوكيا N70
تليفزيون ودش وشريحتين ومش عارف ايه شوية تاني تلاقي فيه تلاجة
بس برضو الارتياح العام والثقة في الاساس اللي هو النوكيا والماركات العالمية عموما
هو في اتنين زمايلي واحد جاب افيو والتاني اسبرانزا ولحد دلوقتي صاحب الاسبرانزا مشتكاش من حاجة غير بس حاجات في التقفيل المصري
طبعا اعتقد ان كلامي ما اضافش كتير لانه غير علمي لكن دا رأي صغير كدة حبيت اساهم بيه
بالتوفيق