عرض للطباعة
السلام عليكم
ارجوكم عاوز مساعدة فى الشراء لانى بجد احتارت جدا جدا
شيفروليه افيو مانيوال هاف اوبشن 74 الف
ولا اسبيرانزا 1600 جميع الكماليات 68 الف
فيه ناس كتير بيقولوا ان العربيتين حلوين و مفيهومش مشاكل
فارجو رجاء من كل الاخوة الاعضاء ان اللى يقول رأيه يقوله عن تجربة لانى بجد احترت جدا من موضوع سمعت و مش عارف ايه
و شكرا
الافيو عشان
عمر افتراضى اكبر
اعطال اقل
افيو على الاقل فلوسك مضمونه لو حبيت تبيع
وانتشار جامد وقطع غيار متوافره ومشفناش حد بيشتكي من حجت جامده زي الماتور
او حجات كبيره في السياره شوية حجات وبتظبط في التوكيل
شكلها مودرن اكتر من التانيه الي عامله زي كأن ولا بلاش
وماخاب من استخار
انما لو بتحب بقى فوانيس رمضان واللعب الصيني اشتريها
سلام
شكرا على الردود ...
بس محدش يقدر يدينى مقارنة منطقية اللى اقدر بيها اخلص من حيرتى ديه
هوه بصوا انا عموما متطلباتى فى العربية يكون موتورها يستحمل لانى بشتغل فى العاشر من رمضان و بضرب مشوار جامد جدا و طويل اوى مش عارف كام كيلو الصراحة بس هوه اكتر من 100 كيلو فانا رقم واحد فى العربية الاداء بتاعها يكون جامد و كويس
ثانيا برده تكون اعتمادية يعنى مش كل شوية اروح بيها التوكيل عشان مش عارف فيها حدفة يمين ولا الار بى ام بيعلى ولا اى حاجة من المشاكل ديه
اما بالنسبة للشكل فهمه الاتنين كويسين يعنى
و بالنسبة للوسع فمش فارق معايا لان تقريبا انا اللى هبقه راكب بس
بالنسبة برده للاوبشن الكتير انا مش فارقة معايا اوى ... طلاما معايا مفتاح العربية ده اهم حاجة.
بالنسبة للناس اللى دخلوا صوتوا للاسبيرانزا مقالوش حتى همه اختاروها ليه ؟؟؟!!!!
و شكرا
انا اخترتها عشان هي انسب عربية ممكن تجيبها بالسعر ده و بعدين من ناحية الاداء انا باروح شغلي كل يوم من القاهرة للفيوم و ارجع تاني يعني حوالي 180 كم يوميا و ما شاء الله العربية زي الفل في ادائها و بعدين قطع غيارها ارخص من شيفروليه و متوفرة خارج التوكيل و علي فكرة انا كنت في نفس حيرتك بس بينها و بين الافيو فول اوبشن و كانت تقريبا ب79000 جم و بعدين قولت اوفر فلوسي حوالي 11000 انا اولي بيهم و عشان ابقي صريح معاك هو منصور كتوكيل و خدمة افضل من ابو الفتوح و لكن اغلي بمراحل و بصراحة انتشار العربية يطمن اي واحد ناوي يشتري
كنت هجيب الاسبرانزا دي
بس ربنا كرم ب صني
عموما انا بميل لاسبرانزا وطبعا متنتظرش اكتر من اللي دفعته فيها
والله بغض النظر عن اعتماديه الصينى اللى لسه فيها كلام بين مؤيد ومعارض
انا اخترت الافيو ودا لانها عربيه منتشره من ماركه معروفه باعتماديتها ومننساش انها بنت الانوس
byd f3 glxi كل اللى تتمناه
الافيو اعتماديتها اعلى والوكيل افضل بعدين ده كفايه علامه شيفروليه
..mokhtar..
انا شايف ان لسة العربيات الصينى تحت الاختبار
لو انتى بتحسبها فلوس حيكون الصينى و الفرق شيلة للاعطال فى المستقبل
لو بدور على اعتمادية حيكون الشفرلية
والله الموفق:wubclub:
انا متشكر جدا لارائكوا بس واضح ان فعلا الناس واثقة جدا فى اعتمادية الافيو و ده فعلا ممكن يخلينى اعيد النظر فى الموضوع مع انى كنت ميلت شوية للاسبيرانزا على اساس السعر و كده لكن فعلا الافيو معدل انتشارها اوسع بكتير من الاسبيرانزا و كمان التوكيل بتاع شيفروليه احسن و ده معروف بالنسبة للجميع .....
امممممم اعتقد ان الواحد لازم يتأنى شوية فى القرار
و شكرا على اهتمام الاخوة العضاء
افيو طبعا مفيش مقارنة
اشتري لانوس فول ابشن بدل من الافيو الهاف اوبشن لآن انا بحب اي حاجة فول ابشن ..
و طبعا لو تقدر تزود حبه و تجيب افيو فول ابشن يكون الافضل..
و مبرك عليك مقدما إن شاء الله..
أنا رأيي الأفيو ........ على فكرة هي مش شيفروليه و لا حاجة
هي هي أخت اللانوس
لو فتحت الكابوت ......... و فتحت كابوت لانوس جنبها
نفس الموتور .......... بنفس الأسم ........ و نفس مصنع الصناعة
و مكتوب عليه ......... دايو جي ام
أنا مستغلي العريبة جدا ..... ( الأفيو طبعا )
إنما في أختياراتك ....... الأسبرانزا حلوة بس لازم تتكلم مع أصحابها
لان و لا واحد من اللي اتكلموه عن الأسبرانزا اتكلم عن تجربة
كله أتكلم عن موضوع صيني بس
فأنا شايف ........ أنك معجب بالعربية
و العربية شكلها مش وحش شكلا
أوسع من الأفيو .......... أرخص من الأفيو ( مش عارف ليه يعني الأفيو واصله السعر ده )
فيها كماليات أكتر من الأفيو ........ و أثبت من الأفيو على الطريق
أسأل في قسم الأسبرانزا الناس اللي مجربها و شوف التجارب السلبية و الإيجابية لأصحابها و أنت اللي هاتقدر تحدد أختيارك إن شاء الله بناءا على كلام أصحابها اللي عايشين معاها مش اللي بيتكلموا عليها من غير تجربة
و في الأخر ......... هات اللي ترتحاله نفسيا و تلاقي نفسك قادر تصرف عليه ....... و قادر تبيعه لو فكرت تبيع قريب لو الموضوع فارق معاك
و السلام عليكم
المشكله فى الاسبرانزا ان محدش بيتكلم بحريته
او اللى بيحاول يتكلم تلاقى اكتر من واحد هاجموه
رغم انه مالك لاسبرانزا واللى بيهاجمه مالك ايضا لاسبرانزا
وقريت كلمه ان ملاك اسبرانزا لهم موقع خاص بيتكلموا فيه باستفاضه وبصراحه
يعنى فى ناس ومش كل الناس طبعا متحبش تقول انها كانت غلطانه لان فى ناس برضوا هتقول مش قلتلكم وتنزل فيهم شماته
اقتباس:
المشاركة الأصلية كتبت بواسطة M_HaFeZ
كلام مظبوط يا أستاذ م . حافظ
بس أحنا عايزين الناس تتكلم و تقول اللي هي جربته علشان الناس التانية تستفيد
و مش لازم التجارب كلها تكون إيجابية
علشان الموضوعية و الحياد
لأن مفيش عربية في الدنيا عجبت البشر 100 %
لازم تلاقي الناس مختلفة عليها
بس الأهم ميكونش الاختلاف في أساسيات العربية
و شكرا
ببساطة الاسبرانزا اوسع وافضل فى التسارع وكمالياتها اكتر
الأفيو اكثر اعتمادية لأن المشاكل والشكاوى اللى ظهرت منها اقل (وده عن متابعة مخلصة للاسبرانزا مع مجموعة اصدقاء، كلهم ظهرت عندهم بعض المشاكل منها ما هو ثانوى جدا(زجاج كهرباء، زرار الكاسيت...الخ) ومنها ما هو جوهرى مثل مشكلة تعليق دواسة الاكسراتير ودردرة علبة الديريكسيون وضعف التكييف
انا شاكر لاهتمامكوا بجد يا جماعة بالموضوع و لردودكوا اللى يمكن فعلا خلتنى الى حد كبير استقر عالعربية اللى واخدة بوينت اكتر فى الاستطلاع .... لان انا فعلا زى ما سبعاوى قال ... انا عايز عربية اعتمادية .
و اهو حتى الافيو 1.5 لتر يعنى هتبقه حنينة معايا فى البنزين برده :cool(1): ولا ايه !!
افيو طبعاً ...( مع ان سعرها مبالغ فيه حبتين .. اعتقد انه يوجد سيارات افضل بنفس الفئة السعرية للأفيو )
لا للصينى:
http://www.nilemotors.net/Nile/showthread.php?t=33220