السلام عليكم ورحمة الله
كيف الاحوال
يا تري هل ضمان يضمن العفشة بأجزائها ولا العفشة برة الضمان
طب لو لأ … الضمان بيشمل اية ؟
Sent from my C6903 using Forum Runner
عرض للطباعة
السلام عليكم ورحمة الله
كيف الاحوال
يا تري هل ضمان يضمن العفشة بأجزائها ولا العفشة برة الضمان
طب لو لأ … الضمان بيشمل اية ؟
Sent from my C6903 using Forum Runner
انا غيرت جوز مساعدين خلفي و قاعدة موتور في الضمان بدون نقاش
اكيد طالما عيب صناعه
للاسف مش كيا دي عربيه هوندا
بس هوا كل توكيل ليه نظام شكل ؟
هو توكيل كيا بوجه عام يصنف من التوكيلات الكويسة فى مصر ، و معاه رينو كمان ، بس الفطيم (هوندا) أعلى منه درجة أو درجتين لأنه بيقدم خدمة أفضل حاجة بسيطة و بنفس السعر العالى فحت....
العفشه في الضمان طالما مش عيب استخدام
يعني لو مقص اتكسر مثلا هو بيبص في خبطه من تحت و لا مفيش و بناء عليه يحدد عيب استخدام ولا لا
لو مش عيب استخدام حيتغير بدون نقاش و متنساش انك دافع ثمن الضمان في فاتوره العربيه يعني التوكيل مش بيبقشش
بص علي فاتوره الشراء و انت حتلاقي مبلغ محترم نظير الضمان
بس الواحد مقلق من حوار التكتكة دة
Sent from my C6903 using Forum Runner
بالفعل فى فاتورة شراء كيا سيراتو هاى لاين 13000 ضمان مش فاهم ازاى
الضمان طلع لا يشمل المستهلكات ومنها اجزاء في العفشة… يعني عندي جلب مقصات عايزة تتغير… التوكيل بيغير المقص كامل بينما العفشجي اللي تحت بيتنا بيقولي الجلب متسواش 50جنية
وبالفعل انا دافع 13000 جنية ضمان.
وطلع يشمل الكهربا و الموتور و الفتيس و التكييف و عيوب الصناعة لكن مستهلكات… لا يشملها.
مثال للمستهلاكات:
تيل الفرامل… الفلاتر…. الجلب… الكاوتشات اللي فوق الكبالن و المساعدين… الخ
المشكلة ان التوكيل بيشيل و يحط يعني مش حيغيرلي جلب
Sent from my C6903 using Forum Runner
انا كنت هقول موضوع المستهلكات بس الموبايل علق وده فى كل الشركات
بسيطه اعتقد الجلب ممكن تتعمل فى مركز خدمه معتمد يكون محترم بس السؤال هى الاسكترا تتغير فى الضمان و لا قطع استهلاكيه و الطنابير نفس الموضوع لان دول المفروض عمرهم الافتراضي طويل شويه
خلاص هو لو غير المقص بالكامل انت مش ختدفع مليم ... احنا بنتكلم علي مقص مش جلب!!!
المقص و المساعدين و الكبالن مش من الحجات المستهلكه
الحجات المستهلكه اللي هي بتتغير في الصيانات و انت بتدفع ثمنها ذي التيل و الفلاتر و السيور و .....
طالما انت بتعمل الصيانه الدوريه في الوكيل يبقي انت بتدفع ثمن الحجات المستهلكه بالفعل و اي حاجه مش موجوده في جدول الصيانه الدوريه يبقي يا اما سوء استخدام او عيب صناعه و مفروض يتغير في الضمان
الخلاصه مقص - مساعد - علبه دركسيون - كبالن - تتغير علي حساب التوكيل طالما مش سوء استخدام و انت بتعمل الصيانه الدوريه و لو الوكيل مغيرهاش رغم انها مش سوء استخدام يبقي توكيل حرامي و نصاب
بالضبط انا كل صياناتي في التوكيل دلوقتي انا قدامي اختيارين
يا اغير الجلب برة بالمصنعية ب 100جنية
يأما اقع تحت رحمة معركة التوكيل هل حتتصنف تحت سوء استخدام ولا في الضمان
اساسا الجلب نشفت من المطرة والسواقة في المياة.
Sent from my C6903 using Forum Runner
بص يا عن تجربة شخصية هما بيغيروا المساعدين فى الضمان , بس الموضوع ده عاوزك تبقى جامد معاهم شوية ومصمم على رايك وعلى فكرة هو مش بيديلك حاجة من عنده او شريها هوه لا تماما الحاجات دى جاية من كوريا لك انت شخصيا مكان اللى بايظة وانا عرفت الموضوع ده لما قلت له انى عاوز احتفظ بالقديم قالى لا ده هيتبعت كوريا مكان اللى بعتوهولك لان المساعدين اللى جاية دى باسمك ورقم شاسيه العربية فيبقى القديم ده عهدة لازم تتسلم
اما بخصوص الجلب والحاجات البسيطة الجلد الى زيها ما اظنش انه هيغيرها بس ميمنعش برضه انك تعمل محاولة قوية ومستميتة معاهم لتغيرها فى الضمان
اسف نسيت كلمة يا باشا (بص يا عن تجربة شخصية.....)
الحمد لله عملت العربية.
طبعا برة
الحمد لله طلع كلة تمام و سبب الطقطقة ان الاستابيليزر مفكوك تماما
والسبب ان عمرة ما اتربط و شفتة بعيني و شفت مكان الصمولة (لم تلمس)
المقصات محلولة (لم تلمس)
و اشكر صنايعية التوكيل اللي في ٧ صيانات (انا عامل ٣٥الف كيلو) ملمسوش العفشة وسايبنها بالمنظر دة و انا عمال ادفع بال ٥٠٠ مصنعيات.
Sent from my C6903 using Forum Runner
للافادة
بعد تربيط الاستابيليزر
وتربيط المقصات
وحقن شحم بين المقصات و الاستابيليزر و الاسكترا و تخشينهم
وظبط زوايا العجل
العربية رجعت بحمد الله زيرو و العفشة صامتة تماما وكأنها افضل من الزيرو.
وحسبي الله في اهمال التوكيلات اللي بتتعمد تعمل كدة عشان تبيع قطع غيار
التكلفة الكلية بالزوايا و المصنعيات و البقشيش 200 جنية
Sent from my C6903 using Forum Runner
انا عملتهم عندي في اسكندرية… راجل عفشجي محترف قدام بيتي معظم شغلة عربيات موديل حديث و عالي
دة مكنش تربيط بس… دة فك المساعد و نضف الكاوتشة اللي فوقية و شحمة و البيضات كذلك.. كان بقالها ٣سنين متلمستش.
الحمد لله اني لحقت اعمل الصيانة دي. لان لو كنت صبرت لحد التوكيل ما يتصرف كانت حتجيب بيضات و مقصات و ستابيليزر بسبب الاهمال… و اهو كلة قطع غيار علي حساب العميل.
والاجابة المعتادة… مستهلكات او سؤء استخدام.
Sent from my C6903 using Forum Runner
علي فكرة اللي عايز اوصلة ليكم… ان دي صيانات عادية بتتعمل للحفاظ علي عمر العربية مش حاجة بايظة و يتتغير
يعني الصوت دة كان واطي لدرجة ان محدش غيري بيحسة لما اتظبطت كلة اختفي. ممكن حد تاني كان يطنش او التوكيل يطنش كالمعتاد ويستني لما تبوظ ووقتها ندخل في مشاكل
Sent from my C6903 using Forum Runner
فين الورشة دى ؟؟؟
انا بروح اسكندرية كتير ممكن اعدى علية