الولادة بالخارج ... ومنح الجنسية

**mahmoudysf** · 03-01-2014 09:56 PM

65000 دولار * 7.5 جنية =487500جنية
ولو اعتبرنا ان الابن هيبدي حياتة بعد سن 18 سنة
ولو قولنا ان ال 487500 هيكسبو كل سنة 10000 الاف جنية على اقصى تقدير لو اشتغلو في اي حاجة
يبقى المجموع
10000 جنية * 18 سنة +487500جنية = 667500جنية
هل الابن بعد ما ياخد الجنسية ويكمل 18 سنة هيجيب المبلغ ده وفي اد ايه
كل الحسابات دي على رقم مفزع وهو اعتبار الولادة بتكلف 65000

**أحمد كمال** · 03-01-2014 10:15 PM

المشاركة الأصلية كتبت بواسطة mahmoudysf

65000 دولار * 7.5 جنية =487500جنية
ولو اعتبرنا ان الابن هيبدي حياتة بعد سن 18 سنة
ولو قولنا ان ال 487500 هيكسبو كل سنة 10000 الاف جنية على اقصى تقدير لو اشتغلو في اي حاجة
يبقى المجموع
10000 جنية * 18 سنة +487500جنية = 667500جنية
هل الابن بعد ما ياخد الجنسية ويكمل 18 سنة هيجيب المبلغ ده وفي اد ايه
كل الحسابات دي على رقم مفزع وهو اعتبار الولادة بتكلف 65000

ما بتتحسبش كده خالص

انا لو معايا الفلوس و اقدر اعملها هاعملها

**beshomilan** · 04-01-2014 08:16 PM

طب اشمعنى النظر والاسنان والحمل خارج التأمين الصحى؟؟
ايه الحكمه من كده؟؟

**egyptawy2010** · 04-01-2014 09:08 PM

المشاركة الأصلية كتبت بواسطة mustafavet

انا في استراليا والنظر - الاسنان - الحمل لا يغطي بالتامين الصحي العادي ولازم يتعملهم باكج تانية خارج التامين الصحي
الموضوع فعلا مكلف جدا

بعد اذن صاحب الموضوع

بما انى حضرتك فى استراليا انا كنت سالت على موضوع الهجرة وعرفت انه مشوار طويل ومكلف جدا

فهل استراليا تستاهل التعب ولا ايه

**Imhotep** · 04-01-2014 09:42 PM

أنا كنت نسيت متابعة الموضوع ده

و لاحظت ان فى ناس بتتساءل عن سر المبلغ الكبير اللى دفعته زميلتى
بس يمكن انا موضحتش شوية تفاصيل. . . زميلتى دى ولادتها دى كانت تانى ولادة فى امريكا
الولد الاول كان من 10 سنين و اتكلف حوالى عشرين الف دولار
لما راحت تولد الولد التانى من سنة ولدت عادى لكنها اتفاجأت بالمبلغ الغير عادى لما جالها الحساب. و لما استفسرت فهمت ان مبلغ الولادة بيتم حاليا معاملة الاجانب اللى رايحين يولدوا هناك غير معاملة الناس المقيمة فى البلد. لانهم هرشوا خلاص ليلة الناس اللى بتروح امريكا مخصوص للولادة هناك عشان يدوا اولادهم الجنسية و بالتالى بيعاملوا الناس دى بأسعار عالية تمثل الحد الاقصى للتكلفة فى القصة دى.

**أحمد كمال** · 04-01-2014 09:51 PM

المشاركة الأصلية كتبت بواسطة beshomilan

طب اشمعنى النظر والاسنان والحمل خارج التأمين الصحى؟؟
ايه الحكمه من كده؟؟

عشان النضارات و تركيبات الاسنان غالية ........ و الحمل كذلك ....... و احتمالات حدوث التلات حاجات دي عالية جدا فممكن شركة التامين تفلس ........ خلي بالك شركة التامين ليها هدف انها تصرف اقل من الاشتراكات اللي بتلمها ....... لو كل المشتركين صرفوا اكتر من الاشتراك المدفوع الشركة هتفلس

**dedi** · 05-01-2014 10:46 PM

المشاركة الأصلية كتبت بواسطة jackson_75

بالنسبة للفيزا ، أنا ممكن لو قدمت على طلبها فى السفارة تتقبل لأنى مرشد سياحى و الحمد لله معايا مبلغ كويس حطه فى حسابى بالدولار ، لكن أنا عاوز أعرف لو الطفل حصل على الجنسية الامريكية بتبقى أيه هى مميزاته اللى بيحصل عليها من أمريكا ، يعنى هل بعتبر من راعايا أمريكا بالخارج وبتتكفل الحكومة الامريكية بأعطائه مبالغ شهرية لاعانته تصرف من السفارة بالقاهرة ولا لاه ..وعاوز أعرف ليه بتبقى تكاليف الولادة غالية كده ، يعنى ليه بتوصل لمبلغ 65 ألف دولار ، طب فى حالة لو الواحد مش هيقدر يدفع المبلغ ده كله بيبقى أيه العمل ؟!!

ماعلش يا باشا انا اختلف معاك حضرتك بتتكلم فى حاجة صعب جدا جدا تحصل ودة من خلال اتنين قرايبى و اصدقاء كتير لى قدموا على الفيزا البيشتغل فى السياحة موش بياخذ فيزا لانهم عارفين الوضع هنا
كم الرفض كتير جدا هناك . دة واحد كانت امة فى امريكا بتعمل عملية وكان مسافر لوحدة وسايب مراتة هنا وهى حامل هل توجد اكتر من كدة روابط وشغل وحساب بنك و اترفض
معلومة تانية حضرتك لو افترضنا حصولك عليها هاتروح تشتغل اية
ماعلش اخوك بردة فى السياحة

**khaled_sabry** · 06-01-2014 08:51 AM

ابن عمى اتولد فى انجلترا و بالتالى معاك الجنسيه الانجليزيه لغايه الناهرده
و السنه اللى فاتت لما كنت بجيب سراميك شقتى فصاحب محل السيراميك لاقيته بيكلم صاحبه قدامى و فهمت منه انه بعت مراته و حماه ايطاليا علشان مراته لما تولد تولد هناك و المولود ياخد الجنسيه الايطاليه

الموضوع: الولادة بالخارج ... ومنح الجنسية

LinkBack

أدوات الموضوع

عرض

-

-

-

-

-

المواضيع المتشابهه

بخصوص شهادات الميلاد لحديثي الولادة

عمليات العيوب الخلقية للقلب لحديثي الولادة ما هو انسب مكان ؟

لأطباء الأطفال : صفراء حديثي الولادة

كرسي طفل للسيارة واشياء اخرى للحديثي الولادة

الكلمات الدلالية لهذا الموضوع

المفضلات

المفضلات

ضوابط المشاركة