سؤال للخبراء عن تغيير وش السلندر

**فارس داود** · 02-01-2014 08:30 PM

انا معايا لانوس 1 كنت ناوي اغير الماتور بعد فترة الي 1600 2 كامه ده كان هايحصل لما المكنه عندي تبوظ لاني الحمد لله الماكنه في التوكيل طالعه 80 في الميه وده معدل كويس بس كنت محتاج اغيرها علشان التكيف يبقي اقوي
سؤالي هل ينفع اغير وشد سلندر كامل بتاع 1600 او 1500 2 كامه بدل الي موجود دلوقتي في الماكينه ولا الماكينه الي عندي تختلف عن 2 كامه بمعني ان وش السلندر مش هاريكب
ولو نفع اغير الكمبيوتر ولا اسيب الي موجود بتاع 1 كامه وايه الي محتاج اغيرة لو نفع الموضوع ده لان انا قدامي وش سلندر كامل بتاع نوبيرا صاحبها كان لسه شاري المكنه وبقالها 10 ايام وربنا يعفيكم عمل حادثه الماكنه من تحت تقريبا راحت بس وش السلندر مافيش حاجه حصلت فيه وتقريبا مخلص معاه الوش علي 400 جنيه بس ماجله علشان اعرف الموضوع هاينفع ولا لا ارجو الافاده وشكرا

**Ahmed Nasser** · 02-01-2014 10:35 PM

بص ياباشا
انت دلوقتى لو ركبت وش 2 كامة هيركب عادى
وبما ان موتورك 1500 1 كامة فلازم تغير البساتم وتجيب بساتم بتاع الـ 2 كامة
وبعد كدة هتجيب كنترول a2 بالضفيرة عشان يبقى كل حاجة تمام
بعد الشغلانة دى كلها هتاخد 110 حصان و 145 نيوتن

بس هتتعب فى التقفيل خصوصا لو المكانيكى مش فاهم هيكرهك فى العربية

**aw2100** · 02-01-2014 10:38 PM

الوش ال 2 كامة بيركب على موتور نفس الموديل يعنى ماينفعش تركب الوش ال2 كامة على موتورك لازم تسقط موتور 2كامة بالوش بتاعه تحياتى !!

**دعبدالرحيم** · 03-01-2014 03:16 AM

متابع

**فارس داود** · 03-01-2014 03:32 AM

اشكركم للرد دلوقتي عندي 3 اراء 2 ينفع وراي واحد ماينفعش واعتقد ان الاختلاف ده علشان وش السلندر بتاع نوبيرا علي العموم متابع الموضوع ونشوف اراء الناس التانيه وشكرا علي الاهتمام