هل الفرق بين 768 و 1080 ريزولوشن يستاهل فرق 700 جنيه ؟!

السلام عليكم
بكرة إن شاء الله ناوي أشتري تليفزيون 32 بوصة علشان أشغله على جهاز الكمبيوتر الخاص بي وكنت ناوي على LG LN5400 بعد بحث طويل على الإنترنت ورجحته عن السامسونج بسبب سعره الأرخص أولا ثانيا فيه كل الإمكانيات المطلوب من Full HD و IPS Panel وغيره ولما سألت عليه في كارفور كان ب2700 بس قلت أستنى عيد كارفور بكرة يوم 3 يناير عاملين عروض وأكيد هينزلوا من تمنه بس المفاجأة إني لما روحت كارفور من شوية وسألت فعرفت إن الجهاز ده مش نازل عليه عرض وهيفضل بنفس سعره لكن نازل عروض على أجهزة تانية كتير منها أخوه الصغير LG LN5110 اللي HD بس يعني ريزولوشن 1366 * 768 مش 1920 * 1080 لكن تقريبا نفس باقي الإمكانيات من IPS Panel و HDMI و USB وغيره لكن السعر بدل ما كان 2300 أصبح 2000 بس يعني فرق 700 جنيه دلوقتي عن التاني LN5400
السؤال دلوقتي هل يوجد فرق كبير واضح وملموس بين الجودتين يستاهل فرق 700 جنيه ؟
ولا أجيب الرخيص الHD بس خاصة إن الكمبيوتر لما بيشتغل على تليفزيون مش بينفع يشتغل على الريزولوشن 1920 * 1080 وبتبقى أحسن ضبط ريزولوشن ليه هو 1366 * 768 أو حاجة قريبة من كده

لمعرفة كل عروض كارفور بكرة شوف اللينكات دي
http://www.carrefour.com.eg/arabic/p...ms.aspx?ID=925
http://www.carrefour.com.eg/arabic/p...ms.aspx?ID=927

هى دى بلازمات ولا lcd و لا led

اقتباس:

---

المشاركة الأصلية كتبت بواسطة mk3

هى دى بلازمات ولا lcd و لا led

---

led

اقتباس:

---

المشاركة الأصلية كتبت بواسطة أبو آسر

led

---

الاسعار ممتازه والتكنولوجى رخصت جميل جدا

لو مش ناوي تغير كارت الشاشه بتاع الكمبيوتر قريب يبقى خليك في ال 768 ووفر ال 700 جنيه ولو ان ال 768 خلاص راحت عليه حتى ال 1080 بدأ يموت بعد ال 2k وال 4k

اقتباس:

---

المشاركة الأصلية كتبت بواسطة Ahmed_Adham

لو مش ناوي تغير كارت الشاشه بتاع الكمبيوتر قريب يبقى خليك في ال 768 ووفر ال 700 جنيه ولو ان ال 768 خلاص راحت عليه حتى ال 1080 بدأ يموت بعد ال 2k وال 4k

---

طب لو افترضنا إني ناوي أغير كارت الشاشة وأجيب أحدث هتبقى إيه المشكلة مع ال720p ؟
هو المشكلة إني حتى لو جبت 1080 فمش هستفيد بيها لأني جربت أشغل ال40 بوصة اللي عندي وهو 1080 فكانت الصورة سيئة جدا على أعلى ريزولوشن ومظبطش غير مع ال768 زائد إن الHD العادي أعتقد كلما كان حجم الشاشة أصغر وكلما بعدت عن الشاشة مسافة معقولة كلما اتحسنت الصورة وأصبحت واضحة
صح الكلام ده ؟

اقتباس:

---

المشاركة الأصلية كتبت بواسطة أبو آسر

طب لو افترضنا إني ناوي أغير كارت الشاشة وأجيب أحدث هتبقى إيه المشكلة مع ال720p ؟
هو المشكلة إني حتى لو جبت 1080 فمش هستفيد بيها لأني جربت أشغل ال40 بوصة اللي عندي وهو 1080 فكانت الصورة سيئة جدا على أعلى ريزولوشن ومظبطش غير مع ال768 زائد إن الHD العادي أعتقد كلما كان حجم الشاشة أصغر وكلما بعدت عن الشاشة مسافة معقولة كلما اتحسنت الصورة وأصبحت واضحة
صح الكلام ده ؟

---

لأن واضح من كلامك ان كارت الشاشه اللي عندك أخره 720 وبالتالي حتى لو جبت التليفزيون 1080 مش هيشتغل الا على 720 وتبقى أهدرت فرق التمن في الفاضي انما لو اتغير الكارت بقى فيه support لل 1080 هتقدر تستفيد بالتليفزيون ال 1080.

لو جبت التليفزيون ال 720 وبعد شويه غيرت الكارت بقى فيه 1080 هتقول ياريتني جبت التليفزيون 1080 عشان استفيد بامكانيات الكارت.

رأيي النهائي 1080 لأن التليفزيون مش جهاز سنتين تلاته وغالبا كده كده هتغير كارت الشاشه وممكن الكمبيوتر كله خلال سنتين ولا تلاته ووقتها هتحتاج تليفزيون 1080.

اقتباس:

---

المشاركة الأصلية كتبت بواسطة Ahmed_Adham

لأن واضح من كلامك ان كارت الشاشه اللي عندك أخره 720 وبالتالي حتى لو جبت التليفزيون 1080 مش هيشتغل الا على 720 وتبقى أهدرت فرق التمن في الفاضي انما لو اتغير الكارت بقى فيه support لل 1080 هتقدر تستفيد بالتليفزيون ال 1080.

لو جبت التليفزيون ال 720 وبعد شويه غيرت الكارت بقى فيه 1080 هتقول ياريتني جبت التليفزيون 1080 عشان استفيد بامكانيات الكارت.

رأيي النهائي 1080 لأن التليفزيون مش جهاز سنتين تلاته وغالبا كده كده هتغير كارت الشاشه وممكن الكمبيوتر كله خلال سنتين ولا تلاته ووقتها هتحتاج تليفزيون 1080.

---

جميل أوي
عايز أعرف دلوقتي بقى هل كارت الشاشة الحالي اللي عندي بيدعم 1080 ولا لأ .. أعرف منييين ؟
الكارت هو
ASUS NVIDIA GeForce GTX 650 DIRECT CU 1G DDR5
وإيه الكارت اللي ممكن يدعم 1080 حاليا وسعره مناسب ؟

اقتباس:

---

المشاركة الأصلية كتبت بواسطة أبو آسر

جميل أوي
عايز أعرف دلوقتي بقى هل كارت الشاشة الحالي اللي عندي بيدعم 1080 ولا لأ .. أعرف منييين ؟
الكارت هو
asus nvidia geforce gtx 650 direct cu 1g ddr5
وإيه الكارت اللي ممكن يدعم 1080 حاليا وسعره مناسب ؟

---

أنا مش متابع هاردوير بصراحه من كام سنه لأن استخدامي للكمبيوتر براوزر ونوت باد بس فممكن حد متابع الهاردوير اليومين دول يفيدك في المويلات والاسعار بس بأكدلك تاني ان 720 خلاص ملوش مستقبل وال 1080 هيبقى أقل حاجه متاحه خلال سنه بالكتير ان مكنش أقل.

اقتباس:

---

المشاركة الأصلية كتبت بواسطة أبو آسر

جميل أوي
عايز أعرف دلوقتي بقى هل كارت الشاشة الحالي اللي عندي بيدعم 1080 ولا لأ .. أعرف منييين ؟
الكارت هو
asus nvidia geforce gtx 650 direct cu 1g ddr5
وإيه الكارت اللي ممكن يدعم 1080 حاليا وسعره مناسب ؟

---

حضرتك بتتكلم عن كارت شاشه محترم واقل من كده كمان يشغل 1080 بسهوله المهم انت لما شغلت الشاشه ال 40 قبل كده عملت ايه؟؟؟ اصلي المفروض الصوره تطلع كويسه؟؟المفروض بتوصلها hd او dvi والمفروض ان الريزوليشن بيتظبط ولوحده 1080 والحياة حلوه....

اقتباس:

---

المشاركة الأصلية كتبت بواسطة corolladestroyer

حضرتك بتتكلم عن كارت شاشه محترم واقل من كده كمان يشغل 1080 بسهوله المهم انت لما شغلت الشاشه ال 40 قبل كده عملت ايه؟؟؟ اصلي المفروض الصوره تطلع كويسه؟؟المفروض بتوصلها hd او dvi والمفروض ان الريزوليشن بيتظبط ولوحده 1080 والحياة حلوه....

---

منا بقول كده برده ! الكارت ده أنا شاريه لوحده ب900 جنيه وأسمع إنه من أعلى الكروت في السوق
أنا بشغله بكابل HDMI نضيف من راديو شاك وجربت تاني من شوية مظبطش معايا غير مع ريزولوشن 1650 * 1050 غير كده لما بعمله على ال1080 بتبقى الصورة تعبانة وفيها زي ما يكون Sharpness جامد أوي الصورة مش بتبقى Smooth كده وواضحة وجربت أغير في إعدادات الكارت وإعدادات التليفزيون مفيش فايدة برده
مع إن عندي شاشة الكمبيوتر 24 بوصة وبتشتغل على ال1080 زي الفل والصورة حلوة جدا فبقول يمكن التليفزيونات مش مؤهلة للكلام ده وإلا مكنش حد جاب شاشة كمبيوتر وجاب تليفزيون مرة واحدة وخلاص والفرق مش كبير بالعكس ده شاشات الكمبيوتر كل ما تكبر كل ما تبقى أغلى من التليفزيون

على فكره الشاشه ملهاش علااقه بكارت الشاشه نهااااائى لو حضرتك حتوصل عن طريق مخرج hdmi

انا عارف ان الكلام ده ممكن يصدمك بس هوا الحقيقه

الشاشه الساسمسونج او اللى جى اللى حضرتك حتشتريها هيا بلت ان فيها كارت شاشه منفصل وبيعرض الافلام والميديا على حسب دقتها

انا مثلا عندى لاب توب ديل ولما بشوف الافلام الاتش دى عليه الصوره مبتكونش اتش دى كامل لكن لما بوصل اللاب توب عن طريق كابل hdmi على التلفزيون بيعرض الفلم على التلفزيون بصوره اوضح والوان انقى بكتيرررررر من شاشاه الكمبيوتر

الشاشه اللى انت حتشتريها دى تختلف كليا عن الشاشات بتاعه الكمبيوتر بتاعه زمااااااااااااااااان

اقتباس:

---

المشاركة الأصلية كتبت بواسطة M.ABDOU

على فكره الشاشه ملهاش علااقه بكارت الشاشه نهااااائى لو حضرتك حتوصل عن طريق مخرج hdmi

انا عارف ان الكلام ده ممكن يصدمك بس هوا الحقيقه

الشاشه الساسمسونج او اللى جى اللى حضرتك حتشتريها هيا بلت ان فيها كارت شاشه منفصل وبيعرض الافلام والميديا على حسب دقتها

انا مثلا عندى لاب توب ديل ولما بشوف الافلام الاتش دى عليه الصوره مبتكونش اتش دى كامل لكن لما بوصل اللاب توب عن طريق كابل hdmi على التلفزيون بيعرض الفلم على التلفزيون بصوره اوضح والوان انقى بكتيرررررر من شاشاه الكمبيوتر

الشاشه اللى انت حتشتريها دى تختلف كليا عن الشاشات بتاعه الكمبيوتر بتاعه زمااااااااااااااااان

---

أنا بالفعل اشتريت تليفزيون LG العادي مش الFull HD والصورة كويسة ومرضية الحمد لله وفرق كبير بصراحة لما تشتغل على شاشة حجمها كبير تحس إن كل حاجة ظاهرة وواضحة وكبيرة وبالتالي مريحة للعين
طبعا هي مش بنفس جودة شاشات الكمبيوتر ذات الريزولوشن العالي بس النتيجة مش وحشة أبدا خاصة مع تظبيط بعض الإعدادات في التليفزيون
شكرا لحضرتك ولكل من ساهم في الموضوع