الموضوع: يا اهل الفورد اسكورت ؟؟؟؟؟ انصحونى

نصيحتي المتواضعه من المعلومات اللي جمعتها بسؤال اهل الخبرة و اخص منهم العضو المحترم egytamer و بالبحث في المنتدى و منتديات اخرى
1- ااموتور 1300 ضعيف مقارنة مع وزن العربية و انسى التكييف معاه لان اصلا هي بتنزل بدون تكييف و كان بيركب هنا و كله غالبا خربان.
الموتور 1600 كاربراتير هو الموتور الروسي ولا ينصح به لانه سئ و غالبا بتكون العربية ليفت باك و دي قطع غيارها تختلف و كنترولها غير متوفر و غير مطلوبة و صعبة في البيع
الموتور 1600 انجيكشن هو افضلهم و لكنه اغلى من حيث الصيانة و قطع الغيار
2- الفرق ان الروسي هي الموتور ال1600 كاربراتير كما سبق ايضاحه
3- قطع الغيار ابعد عن الليفت باك و غير كده كله متوفر جديد و استيراد و اسعاره معقولة و في اكثر من موضوع في المنتدى عن اسعار و اماكن ييع قطع الغيار
4- التكييف في الاسكورت عامة زفت و ماشوفتش اي عربية تكييفها شعال و سيبك من اللي بيكتبوا التكييف يحتاج لاصلاح بسيط لان كله كلام فاضي و نصيحتي اذا اتفرجت على عربية ولاقيت تكييفها شغال روح شوفها تاني بعد كم يوم و شوف التكييف حايكون شغال ولا لاء
ارجو ان اكون افدتك و بالتوفيق في الشراء

فعلا افضلهم ال١٦٠٠ الانجيكشن الي هو معروف بالزيتك وبالنسبة للتكيف شغال كويس عندي بس مش تلاجة يعني زي الياباني اهو مقضي الغرض وخلاص انا لسة شاريها من شهر بس والحمد لله بتعايش معاها ومش معقدة زي ماااناس فاهمة وقطع الغيار في المعقول بس العربية ك ركوبة ونعومة وثبات عالطريق ولا كلمة بس المشكلة واطية من قدام وقارفاني في المطبات الزفت الي في شوارعنا بس بشوف موضوع التعلية من قدام دا وان شاء الله هعلي العربية