الحل للناس اللى ماستلموش وصلة الusb بتاعت الكاسيت مع العربيه او ضاعت منهم

**theking2690** · 23-09-2008 03:53 AM

ديه الوصله اللى هتحل الموضوع اسمها وصلة usb female من الناحيتين

وديه الوصله التانيه اللى هنوصلها بالكاسيت فى العربيه هى اسمهاconverter from normal usb to mini usb

لو البياع مفهمش انت عاوز ايه قوله انا وصلة الشاحن بتاع الmp4

ده الشكل الكامل للحاجه و هى واصله بالIpod طبعا براحتك ممكن تحط فلاشه او mp3 عادى بس اهم حاجه ان الاغانى اللى عليهم تكون mp3 or wma علشان الكاسيت يقدر يقراهم

ده شكل ال2 usb وهما راكبين فى وصلة الusb female من الناحيتين

ده شكل الmini usb اللى المفروض يركب فى فتحة الusb فى الكاسيت

وبكره بإذن الله هصورلكوا الليله ديه كلها و هى راكبه فى الكاسيت بتاع العربيه

وبالنسبه لمكان شراء الوصله :

محل على امين مول البستان اللى فى التحرير الدور التانى و هو محل متخصص فى الكابلات و الموضوع كله كلف 50 جنيه اللى هى عباره عن :
1-وصلة usb female من الناحيتين
2-converter from normal usb to mini usb

الحل التانى للوصله لو ديه معجبتوش يروح للنخيلى جنب مول البستان و يعملها عندوا تفصيل و هتكلف تقريبا فى حدود نفس المبلغ

ارجو انى اكون عرفت افيدكم بالموضوع ده لأنى فضلت دايخ على الوصله ديه فى مولات الكمبيوتر كلها لحد ما لقتها عند الراجل ده.

وجارى محاولة الحصول على الوصله اللى المفروض نستلمها مع العربيه و اول ما اجيبها هصورهلكوا و انزلهالكوا فى نفس الموضوع

**Ahmed Anwer** · 23-09-2008 03:56 AM

ايه الحلاوة دي ،،

مبدع

**theking2690** · 23-09-2008 03:58 AM

الله يخليك يا باشا بعض مما عندكم

**ZOZ** · 23-09-2008 09:31 AM

يا عيني عليك يا درش طول عمرك شديدددددددددد

**dede_dodo88** · 23-09-2008 05:43 PM

و الوصلات دي ممكن ألاقيها في راديوشاك ؟

أنا كنت سألت مرة بس على وصلة واحدة من USB Female لــ Mini USB Male بدل الوصلتين دوول و الراجل قالي ان مفيش وصلة بالشكل ده :)

لأني محتاج فعلاً أريح الـCD Player شوية و أشتغل على الفلاشة

**theking2690** · 24-09-2008 02:43 AM

تم بحمد الله الحصول على الوصله بتاعت التوكيل و شكلها كلأتى:

الناحيه الfemale usb

الناحيه الmini usb

شكل الوصله و هى متوصله :

ده شكلها و هى متوصله بكاسيت العربيه معلش الصوره مش قد كده علشان متصوره بالموبيل:

**theking2690** · 24-09-2008 02:47 AM

المشاركة الأصلية كتبت بواسطة dede_dodo88

و الوصلات دي ممكن ألاقيها في راديوشاك ؟

أنا كنت سألت مرة بس على وصلة واحدة من USB Female لــ Mini USB Male بدل الوصلتين دوول و الراجل قالي ان مفيش وصلة بالشكل ده :)

لأني محتاج فعلاً أريح الـCD Player شوية و أشتغل على الفلاشة

لو بتتكلم على الوصله الfemale usb من الناحيتين فديه مش هتلاقيها عند حد غير زى ما قلت يا فى محل على امين اللى فى مول البستان الدور التانى يا اما تعملها عن النخيلى تفصيل و فى الحالتين التكلفه قريبه من بعض

اما لو بتتكلم على الوصله الfemale usb من ناحيه و من الناحيه التانيه mini usb فديه مش هتلاقيها غير عند التوكيل ساعة استلام العربيه او ممكن تطلبها منهم

**BooDElGn** · 24-09-2008 08:51 AM

اانا دلوقتى ما استلمتش الوصلة دى و شارى العربيةى من شهرين تقريبا اروح بقى اطلبها منهم

**theking2690** · 24-09-2008 05:45 PM

روح اطلبها منهم عادى يا باشا انا شارى بقالى 7 شهور و طلبتها منهم بس طلبتها من نفس الفرع اللى بشترى منه

**BooDElGn** · 24-09-2008 07:34 PM

شكرا يا برنس على سرعة الرد بس بقولك انا لو روحت اخد الوصلة هيدوهانى على طول ولا هيقولولى فوت علينا بكرة نظرا لانى ساكن بعيد عن مكان التوكيل

الموضوع: الحل للناس اللى ماستلموش وصلة الusb بتاعت الكاسيت مع العربيه او ضاعت منهم

LinkBack

أدوات الموضوع

عرض

الحل للناس اللى ماستلموش وصلة الusb بتاعت الكاسيت مع العربيه او ضاعت منهم - انشر الموضوع فى :

-

-

-

-

-

-

-

المواضيع المتشابهه

عاوز ألاقى حل للناس ولاد التيت البهايم اللى بيقفلو على العربيه!!!!

وصلة المبة بتاعت لمبت الستوب الي وراء

وصلة المبة بتاعت لمبت الستوب الي وراء

وصلة ال usb بتاعت كاسيت النيو اكسنت

الكلمات الدلالية لهذا الموضوع

المفضلات

المفضلات

ضوابط المشاركة