الموضوع: متابعة لموضوعى عن غش ابنى فى المتحان والمفاجائات المتتالية فى القصة كلها

وبصراحة شعرت بالذنب انى عملت للواد ضغط نفسى شديد جدا وخليتة يعمل اى شئ عشان يحيب الدرجة النهائية ودى غلطة لازم الكل يتعلم منها انك متتضعش ابنك تحت ضغط نفسى للوصول الى القمة فى الدراسة لان النتيجة ممكن تكون عكسية تماما ومستقبل الواد يضيع

موضوع مكرر بالنص بس معايا وانا طفل ووالدى الله يرحمه
بس كان ساعتها مفيش ايباد ..فى علقه موت لو نقصت درجه..وعملت حاجات شبه اللى عملها ابنك ..مره خبيت الشهاده عشان ميمضيش عليها ومرجعتهاش المدرسه ..ومره كنت بصطنع الاحساس بالذنب من نقص درجه والتمثيل ارحم من الضرب هههههه المهم غلط جدا جدا طريقه التربيه دى

المشاركة الأصلية كتبت بواسطة الفجر

انا كنت عملت موضوع ان ابنى غير اسمة فى ورقة امتحان نص السنة مع ورقة واحد زميلة وهو فى اولى ابتدائى عشان يحصل على اعلى درجة !!!! ودة رابط موضوعى

http://www.nilemotors.net/Nile/397739-a-4.html

وفؤجت بردود مزهلة وكتيرة ومكنتش عارف ان الموضوع هيحوز على عدد المشاركات دى المهم تعالوا نشوف اللى حصل واكملكم القصة الغريبة

روحت فعلا المدرسة ولاقيت الميس اللى بتصحح الامتحان عرفت وكانت شكة من الاول ان ابنى غير اسمى على الورقة لان مكان المسح بالاستيكة كان ظاهر ن فى حد مسح بالاستيكة والمدرسة اخبرتنى انها كانت هتبعت انذار بالفعل بالتنبيهة على الولد ان يكون حسن السلوك وعدم الفعل مرة اخرة وتصحيح ورقة ابنى باسمة واسم الواد التانى باسمة ورجوع كل شئ لاصحابة مرة اخرى

اما المفاجائة المذهلة ان ابنى حاصل على درجة اعلى من زميلة الاول اللى حط علية اسمة وكان ناقص نص درجة فقط ولما سالت لية اظططرت تعمل كدة

فقالى انك قلت مش هتجيبلى الايباد عشان العب علية الا لما تجيب الدرجة النهائية وانا عارف ان زميلى على طول بيجيب الدرجة النهائية

وبصراحة شعرت بالذنب انى عملت للواد ضغط نفسى شديد جدا وخليتة يعمل اى شئ عشان يحيب الدرجة النهائية ودى غلطة لازم الكل يتعلم منها انك متتضعش ابنك تحت ضغط نفسى للوصول الى القمة فى الدراسة لان النتيجة ممكن تكون عكسية تماما ومستقبل الواد يضيع


اخيرا القصة حقيقة ومش من خيال الواد ومشفهاش فى اى حتة ةاو كرتون اوفيلم ويبقى السوال
الاهم ازاى ابنى المتواضع الذكاء جدا دراسيا لدرجة انى بغلب معاة فى حاجات غريبة زى ازاى يفرق بين فتحة حرف ال دى و البى باالانجليزى ولحد دلوقت بيغلط فيهم والاخطاء بتتعاد وتتكر كل مرة فى كل امتحان رغم تبيهى علية الف مرة قبلها

ازاى مستوى ابنى المتوتضع الذكاء جدا لدرجة انى كنت ناوى اعرضة على طبيب سلوك نفسى خوفا ان يكون الولد عندة شبة اعاقة ذهنية او مرض زيادة الحركة عند الاطفال وفاشل ايضا اجتماعيا ازاى وصل بية الذكاء انة يعمل الجريمة الكامة تماما كما يقولون فى عالم البوليس

وازاى يوصل بية لكدة انة يغير اسمة على الورقة وبعدين يغير اسمة على ورقة زميلة ويكون حافظ اسم الواد التانى الثلاثى تماما ويسلم الورقة الامتحان مكانة ويكتب رقم الجلوس كمان بتاع زميلة ورقم جلوسة على ورقة زميلة (حتى رقم الجلوس منساش يغيرة ّ!!!)

بجد انا محتار جدا فى حالة ابنى ومذهول جدا من الدرجة اللى وصل اليها فى الذكاء الشيطانى رغم تواضع مستواة الدراسى لابعد الحدود


بجد انا محتار جدا كل ما ابصلة عايز اسالة انت غبى ولا ذكى لابعد الحدود واحنا اللى ظالمينك

انا علقت فى الموضوع الاول وكتبتلك قصة نستفاد منها جميعا لازم انت تشجع طفلك ومتحسسهوش انه فاشل ومحدود الذكاء والقصة مرة تانية اهى :

قصة حقيقية ومؤثرة

وقفت معلمة الصف الخامس ذات يوم و ألقت على التلاميذ جملة :إنني أحبكم جميعا وهي تستثني في نفسها تلميذ يدعى تيدي !!

فملابسه دائماً شديدة الاتساخ
مستواه الدراسي متدن جدا ومنطوي على نفسه ،

وهذا الحكم الجائر منها كان بناء على ما لاحظته خلال العام
فهو لا يلعب مع الأطفال و ملابسه متسخة
ودائما يحتاج إلى الحمام

و انه كئيب لدرجة أنها كانت تجد متعة في تصحيح أوراقه بقلم أحمر
لتضع عليها علامات x بخط عريض وتكتب عبارة راسب في الأعلى

ذات يوم طلب منها مراجعة السجلات الدراسية السابقة لكل تلميذ وبينما كانت تراجع ملف تيدي فوجئت بشيء ما !

لقد كتب عنه معلم الصف الأول : تيدي طفل ذكي موهوب يؤدي عمله بعناية و بطريقة منظمة.

و معلم الصف الثاني : تيدي تلميذ نجيب و محبوب لدى زملائه و لكنه منزعج بسبب إصابة والدته بمرض السرطان.

أما معلم الصف الثالث كتب:لقد كان لوفاة أمه وقع صعب عليه لقد بذل أقصى ما يملك من جهود لكن والده لم يكن مهتما به و إن الحياة في منزله سرعان ما ستؤثر عليه إن لم تتخذ بعض الإجراءات

بينما كتب معلم الصف الرابع : تيدي تلميذ منطو على نفسه لا يبدي الرغبة في الدراسة وليس لديه أصدقاء و ينام أثناء الدرس

هنا أدركت المعلمه تومسون المشكلة و شعرت بالخجل من نفسها !

و قد تأزم موقفها عندما أحضر التلاميذ هدايا عيد الميلاد لها ملفوفة بأشرطة جميلة
ما عدا الطالب تيدي كانت هديته ملفوفة بكيس مأخوذ من أكياس البقاله.

تألمت السيدة تومسون و هي تفتح هدية تيدي وضحك التلاميذ على هديته وهي عقد مؤلف من ماسات ناقصة الأحجار و قارورة عطر ليس فيها إلا الربع

ولكن كف التلاميذ عن الضحك عندما عبرت المعلمة عن إعجابها بجمال العقد والعطر وشكرته بحرارة، وارتدت العقد ووضعت شيئا من ذلك العطر على ملابسها ،

ويومها لم يذهب تيدي بعد الدراسة إلى منزله مباشرة

بل انتظر ليقابلها وقال : إن رائحتك اليوم مثل رائحة والدتي !

عندها انفجرت المعلمه بالبكاء لأن تيدي أحضر لها زجاجة العطر التي كانت والدته تستعملها ووجد في معلمته رائحة أمه الراحلة !!
منذ ذلك اليوم أولت اهتماما خاصا به وبدأ عقله يستعيد نشاطه و بنهاية السنة أصبح تيدي أكثر التلاميذ تميزا في الفصل ثم وجدت السيده مذكرة عند بابها للتلميذ تيدي كتب بها أنها أفضل معلمة قابلها في حياته فردت عليه أنت من علمني كيف أكون معلمة جيدة.
بعد عدة سنوات فوجئت هذه المعلمة بتلقيها دعوة من كلية الطب لحضور حفل تخرج الدفعة في ذلك العام موقعة باسم ابنك تيدي .
فحضرت وهي ترتدي ذات العقد و تفوح منها رائحة ذات العطر ....

هل تعلم من هو تيدي الآن ؟

تيدي ستودارد هو أشهر طبيب بالعالم ومالك مركز( ستودارد)لعلاج السرطان ) .

.. ترى.. كم طفل دمرته مدارسنا بسبب سوء التعامل ..؟!
.. كم تلميذ هدمنا شخصيته ؟! اهداء لكل المعلمين مع بداية العام الدراسي الجديد .. وكل عام دراسي ونحن احسن واكثر اخلاصا .. فهم من يبنون امجاد الامم!.

المشاركة الأصلية كتبت بواسطة rotanamasoud

مش قولتلك الواد ده حيمسك منصب فى الدوله
المهم انت بتشك ان الفكره جاتله منين لان هو ده اساس الموضوع ازاى جات الفكره فى دماغه وازاى نفزها بدون اخطاء
يعنى شفها فى التلفزيون ولا جابها منين

يجب جميعا ان نراقب الجهاز اللعين التليفزيون وما يشاهده اطفالنا انا كتبت التعليق اللى جاى ده منذ فترة على الفيس وهكتبه هنا تانى وللامانة هو منقول لكن لابد لنا من الحذر

انتبهوا ايها الساده الكرام
القصة الأولى: الزوجة الطيبة تخون زوجها في ساعة غفلة، زوجها الطيب يستاء من هذه الرعونة، الزوجة تقترح عليه أن يفعل مثلها ليتعادلا وينسيا الأمر فيخبرها بأنه يشتهي أمها، الأم الطيبة توافق فورا لأن زوجها العجوز لا يرضيها. وفي قصة أخرى: مراهقة تحاول إقناع طفل عمره ١٠ سنوات بالزواج منها كي تبرر لأهلها المتدينين وجود جنين في بطنها، وعندما يكتشف أهلهما الأمر تعتذر الفتاة، فتخبرها والدتها المتدينة أنها هي حامل أيضا ولا داعي للقلق، ويقول والدها المتدين إنه يمكنهم أن يخبروا أصدقاءهم أن الطفلين الوليدين توأمان فيتخلصوا من الحرج، ويعود الجميع إلى بيوتهم سعداء. هذه ليست أفلاما داعرة تعرض بعد منتصف الليل، فالأولى كانت حلقة من مسلسل الرسوم المتحركة Family Guy، والثانية من مسلسل الرسوم المتحركة #سمبسون، وقد عرضتهما قناة #فوكس للمسلسلات على التوالي صباح اليوم. إياكم أن تصدقوا "المرضى" الذين يتحدثون عن وجود #مؤامرة يهودية في هذا العالم، فنحن المسلمون أقوى من أن نتأثر بها، والدليل أن أمورا "تافهة" مثل التطبيع مع #الإباحية لم تعد تستحق اهتمامنا.

المشاركة الأصلية كتبت بواسطة أبو آسر

مش عارف ليه يا أخي صدام دايما ردودك محبطة وفيها شيء من المبالغة !
يعني أنا مش عارف إيه الحاجة اللي تخلي الأخ صاحب الموضوع يعرض نفسه على طبيب نفسي أنا مش شايف حاجة تستاهل الموضوع ده
وقبل كده برده الأخت اللي كانت داخلة كاتبة إنها بدأت تراودها بعض الظنون والشكوك في بعض أمور الدين بسبب قراءتها لبعض النظريات العلمية الحديثة حكمت عليها قولا واحدا برده بأنها في طريقها للهلاك والإلحاد ولن تنجو !!!
وبرده أخ عنده إعاقة كان عايز يتزوج واحدة من الصم والبكم حكمت عليه أنه لا يصلح لهذه الزيجة !
ليه كده دايما بتحبط الناس ومش متفائل بالخير ومش بتحط في حسبانك اختيارات تانية
انت ممكن تستغرب وتزعل من ردي خاصة إني على ما يبدو بقرأ معظم ردودك وتحليلات وده لأن بعضها فعلا فيه فوائد وأحيانا الواحد بيستمتع من ردودك لكن بدأت أحس إنك عندك شيء من التسرع في الحكم على الأمور خاصة أنك بتحكم في أمور ليس لك فيها أي خبرة زي مثلا الموضوع اللي احنا فيه ده حضرتك حكمت على هذا الأب بأنه فاشل في التربية وأن ابنه في حكم اليتيم !!! بالرغم من إن حضرتك لم تتزوج إلى الآن !! فمن أين لك بالخبرة في هذه الأمور يا أخي الكريم ؟
أرجو إنك متزعلش من كلامي برده لكن اعلم أن كلام بعض الناس قد يؤثر تأثير كبير في بعض الأشخاص خاصة لو صدر من أخ محل احترام وثقة زي حضرتك
يعني الأخت اللي حضرتك حكمت عليها بأنها في طريقها للضياع والهلاك دي ممكن تاخد كلامك وتقتنع بيه وتبدأ في رحلة الضياع الفعلية على الرغم من أن بعض الردود الأخرى اللي نصحتها بنصائح أخرى مفيدة ممكن تؤثر فيها وتخليها تراجع نفسها وتأخذ بهذه النصائح وتطبقها وتخرج من أزمتها
ويا أخي ده اللي بيبقى عنده مرض مميت ميئوس من شفائه ممكن يتعافى بسبب أن بعض الأطباء أقنعوه بأنه قد شفي بالفعل وده حصل ومثبوت علميا وحصل برده نقيضه بعض الناس أوهموا أنفسهم بالموت والهلاك فهلكوا بدون سبب !
بشروا ولا تنفروا ويسروا ولا تعسروا
واسلَم لأخيك

فعلا انا بيعجبنى تعليقات الاخ صدام لكن هذا التعليق به من القسوة الكثير كلنا نخطىء والاخ كتب مشكلته واعترف بذنبه تجاه ابنه فلنكن عون له ولا حملا عليه بالنصيحة
وشكرا

قال حكيم لحفيده “ اليوم سوف أخبرك عن حقيقة من حقائق الحياة ”.

فقال له الحفيد ” أسمعك يا جدي .”

فقال الحكيم : “ في نفس كل شخص تدور معركة ، هي أشبه بمعركة
بين ذئبين .. أحد الذئاب يمثل : الشر، الحسد ، الغيرة ، الأنانية ، الكذب ...”

هز الحفيد رأسه وقال “ والآخر؟ ”

فقال الجد الحكيم “ الآخر يمثل : الخير , السلام ، الحب ، الحقيقة ، والإخلاص ....”

تأثر الطفل بهذه الكلمات وفهمها رغم صعوبتها ، و بعد تفكير سأل جده : “ في النهاية أي ذئب ينتصر؟”

ابتسم الجد وقال : ” دائما ينتصر ذلك الذئب ، الذي أنت تطعمه وتغذيه ”.

إذا غذيت الشر غلب الشر وإذا غذيت الخير غلب الخير

فالذي تزرعه تحصده