بعد فترة تفكير عميق وشهور من الانتظار والدراسه لتغيير سيارتي بجديد ام مستعمل وماذا لو جديد وماذا لومستعمل ووووو
توكلت علي الله وقولت احجز الكورولا 2014
وبالفعل يوم1/1/2014 بكلم التوكيل علشان احجز و صدمت انه قال الحجز متوقف من انهارده لغاية وصول الاسعار الجديده بسلامه
.وقال الاسعار الجديده هتنزل السيتم اول الاسبوع الجي انشاء الله
وعلي فكره دي اول مشاركه ليا بعد 6 سنين من انضمامي للمنتدي
كل سنه وانتو طيبين وسنه سعيده علينا كلنا
شئ متوقع بصراحة، واعتقد كل العربيات هتغلي بححة السنة الجديدة و كل سنة و انتم طيبين وكدة.اقتباس:
المشاركة الأصلية كتبت بواسطة fighter4d
هي دي بلدنا الجميلة و لو انا مكانك اروح اخلص اوفر برايس استلام فوري قبل متغلي رسمي و التجار يظيطوا فيها اكتر
هى لحقت تنزل عشان يغيروا السعر و الدولار سعروا ثابت, افترا
طول ما فيه زباين بتشتري باي سعر و لما السعر يزيد يشتروا اكتر يبقي الوكيل غلطان لو ما استغلش الموقف و سذاجه الزباين ال بيشتروا باسعار عاليه خوفا لا تعلي اكتر بعد كده
ياباشا الدولار نزل مش ثابت.اقتباس:
المشاركة الأصلية كتبت بواسطة islam_audi
وعلي العموم السوق المصري ده بمزاجه الدولار يعلي او يثبت بيغلو العربيات و الناس بتشتري عادي.
بأي حجة بقي المهم الجشع و الكسب السريع زي اسعار السنة الجديدة و انها كانت نازلة بسعر مبدئي و ان العربية عليها ضغط و للاسف احنا اللي بنساعدهم و بنشتري
يا شباب كل سنة و أنتوا طيبيين أولا....
الدولار مش ثابت و لا هو نزل....الدولار على سعر المركزى الرسمى زاد من 6.88 إلى 6.98 فرق عن الشهر اللى فات
و فى الصرافة من متوسط 7.10 إلى متوسط 7.40 و فى أتجاه تصاعدى يعنى متوقع يزيد تانى و خصوصا بعد قرار إعفاء حديد التسليح من رسوم الأغراق مخلى الطلب عليه من شركات الحديد عالى جدا و بيلموه جامد بجانب طبعا عوامل أخرى....
ال 30 قرش الزيادة دى تمثل 4.5%....نزود 4.5% على سعر العربية و نشوف كام كده علشان الوكيل مش هيخسر يعنى:
فئة ال 185 ألف المفروض تزيد حوالى 8500 جنيه فى المتوسط و هكذا......
لا هو جشع و لا أستهبال وكيل....دى ظروف أقتصاد و بلد و أصول تجارة، نسبة مكسبى ثابتة بغض النظر عن سعر السلعة أيه...و كل سنة و أنتم طيبيين.....
طب ليه مبنلاقيش الكلام ده في اي دولة غير المحروسة و لا هو الدولار مش بيزيد غير في مصر بساقتباس:
المشاركة الأصلية كتبت بواسطة meggieboy
ما هو تقريبا مش بيزيد غير في البلاد التعبانة .. زي مصر يعني .. لأن البلاد التانية عندها عملات محترمة هي اللي بتعلى قصاد الدولاراقتباس:
المشاركة الأصلية كتبت بواسطة psycholain
للأسف يا فندم لأن أقتصادنا متدهور حاليا و مرتبط بالدولار بشكل أساسى....اقتباس:
المشاركة الأصلية كتبت بواسطة psycholain
طالما أقتصاد البلد هش و معتمد على ضخ كميات إضافية من الدولار من قبل البنك المركزى فى محاولة يائسة لتثبيته، كما أن إقتصاد البلد حاليا معتمد على منح و قروض مش على أنتاج فعلى و تجارة و سياحة و عوامل من شأنها تحسين الأقتصاد و جعله قويا فى وجه المتغيرات....
كل ده بيخلى البلد عامله زى البورصة الكبيرة....أى إشاعة و لا شوية فلوس تدخل و لا شوية سحب زيادة بيخلى سعر الدولار يتحرك ب 5 % مرة واحدة و معاه طبعا بيحرك أسعار جميع السلع لأننا بنستورد كل شىء تقريبا و حتى السلع البسيطة اللى بننتجها بنستورد مكونات أنتاجها....لاحظ أن البنك مش بيكفى المطلوب من الدولار و الكمية كلها فى أيد شركات الصرافة....
لاحظ من كام سنة فاتوا كان سعر الدولار عمره ما بيتحرك عن 6.30 و معاه أسعار كل السلع كانت ثابتة لأن كان فيه أقتصاد و سياحة و مستثمرين و مشروعات جديدة و عجلة دايرة.....
ربنا يعدلها من عنده أن شاء الله و البلد تستقر........
اقتباس:
المشاركة الأصلية كتبت بواسطة psycholain
احنا في 2013 نزلنا اسعار الأدوية مرتين في الكويت .. بنسبة نقص حوالي 7 % .. لأن سعر الدينار زاد قصاد اليورو و الدولار .. وتقريبا كل الأدوية هنا مستوردةاقتباس:
المشاركة الأصلية كتبت بواسطة hunting_eagle
هو بصراحة الحكومة هي اللي اجبرتنا ننزل الأسعار :)
بس المحصلة ان نسبة ربحي ثابتة ما قلتش
الملخص .. علشان الأسعار تنزل لازم عملة البلد تعلى .. والأهم ان الحكومة تفرض نزول الأسعار بالقوانين .. مش تسيبها للوكلاء
مبقتش عارف حاجة تفرح الناس الى استلموا او حجزوا ولا لا
ولا تحزن او تياس الى كان ف حيرة واخيرا اقتنع وراح علشان يحجز يتقاله الكلمة دى
بس انا سمعت فعلا ان الحجز اتوقف من اول يوم ف السنة
بس هل ياترى دة علشان يكفوا الحجوزات ولا علشان يزودوا السعر ولا دة جس نبض للسوق او الشارع يشوفوا الناس هتدفع ولا كمية الحوجزات هتقل الطلب عليها
الله اعلم
حضرتك كلامك صح مليون فى الميهاقتباس:
المشاركة الأصلية كتبت بواسطة hunting_eagle
الأسعار بترخص فى حالة أرتفاع عملة البلد (أقتصاد البلد) عن سلة العملات العالمية زى الدولار و اليورو
و كمان الحكومة ترغم الوكلاء يخفضوا لأنه منطقى و إلا مش هينزلوا طالما السعر مقبول و خوفا من إنخفاض العملة مرة أخرى....
و طبعا مع الأخذ فى الأعتبار أن مكسب الوكيل ثابت أو زائد فى كافة الأحوال
أولا كل سنة و حضرتك طيب....اقتباس:
المشاركة الأصلية كتبت بواسطة abofandy
للأسف مفيش توكيل بيوقف حجز علشان يكفى الحجوزات...الكلام ده مش موجود و خصوصا فى مصر....
حضرتك المرسيدس cla الجديدة عليها حجز سنة و نصف...التسليم للهيحجز دلوقتى فى منتصف 2015!!! طبعا ممكن يحصل فيس ليفت للشكل و الكماليات تتغير و السعر يتضرب فى 2 و لكن التوكيل مش فى دماغه...
فى ناس بتحجز و تدفع 50 ألف كاش يبقى أشطه و لو زعل و لا حب يسحب الحجز مفيش مشكلة...استفدنا بفلوسه كام شهر و دورناهم فى بضاعة و فيه ألف غيره هيحجز......
كل المشكلة أن مفيش توكيل أو تاجر عامة بيحي يغير أسعاره كل شوية.....
الحل: ناخد أعلى قيمة متوقعة للدولار و ليكن .8.5 جنيه و نسعر عليها....نقص حبه عن كده يبقى فل الفل...زاد حبه عن كده نستحمله شوية بسيطة و بعدين نزود تانى مضطرين...
يعنى متفتكرش أن وكيل تويوتا هيسعر العربيات على 7.45 سعر الصرافة للدولار حاليا و طيب و بعد 3 شهور لما ييجى يسلم الحاجزين و الدولار يكون ب 7.80 يعمل ايه ساعتها؟؟!!!
التوكيل حاليا و مع ظروف البلد ده إذا مكنش عامل كده أساسا فى الدفعات القديمة هيسعر على 8.5 بس المشكلة أن ده هيخرج الكورولا من المنافسة مع فئة عربيات معينة و يدخلها مع فئة أخرى أشرس و أصعب
هى دى مشكلة التوكيل الحقيقية أن الطلب هيقل جامد نتيجة زيادة السعر و دخول السيارة فى فئة سعرية مع منافسين أقوى.....
متابع
وانت طيب يا حبى
كلامك جميل ومقنع
وانا قولتها قبل كدة .. اى زيادة ف السعر مش ف صالحها .. لانه هيدخلها ف فئة سعرية اعلى وهتتقارن بعربيات اعلى ف الفئة ممكن تضيع الكورولا وسطهم او حقها يبقى مهضوم
متفق معاك فى كل كلامك الا معاه أسعار كل السلع كانت ثابتاقتباس:
المشاركة الأصلية كتبت بواسطة meggieboy
لا كان فيه تضخم وزاده فى اسعار السله الغذائيه بغباء
ايه الهبل ده.. انا يوم التلات الجاي ان شاءالله هيكون عدي عليا 3 شهور عالحجز.. لو العربية بعد كل ده زادت مليم عليا هلغي الحجز وملعون ابو الجشع
انا معاك طبعا...كان فيه تضخم و كان فيه زيادة أسعار و لكن مرة او مرتين فى السنة على أقصى تقدير و ده شىء موجود فى كثير من الدولاقتباس:
المشاركة الأصلية كتبت بواسطة hossam_elwani
دلوقتى حضرتك بنام و نصحى على زيادات مهولة فى كل شىء مفيش يوم زى التانى و أسعار غريبة و عجيبة و الناس عايشة
يكفى أن نعلم أن كل عربية فى شريحة من ١٠٠ ل ٢٠٠ ألف زايدة من ٢٠١١ لحد دلوقتى حوالى ٣٥ ألف جنيه عدا و نقدا
والله حاجة تعكنن مفيش شك عموما القوة الشرائية اللى موجودة فى مصر هيا اى بتجرا اى وكيل ان يذود السعر بدون تردد خصوصا ان العرض اقل بكثير من الطلب يا جماعة اقسم بالله انا كنت عند سمير ريان يوم الخميس اللى فات وما شاء الله حجم المبيعات مهول مفيش بياع فاضى وقام عنية عربيا فيها اوفر سعر عالى جدا زى السبورتاج مثلا ومع ذلك الطلب عليها عالى طب ما لازم الوكيل يعلى يا جماعة انا م عارف هنروح لحد فين عموما المستعان ربنا
اقتباس:
المشاركة الأصلية كتبت بواسطة essam assem
:untitled:
الشعب المصرى تركيبته عجيبه
بس ده نتاج عدم وجود عداله اجتماعيه حقيقه صدقنى
+1اقتباس:
المشاركة الأصلية كتبت بواسطة meggieboy
+1اقتباس:
المشاركة الأصلية كتبت بواسطة abofandy
لكن اختلافي الوحيد عن كلامكم أنه حيدخلها في فئه سعرية مع منافسين أعلى .. الكلام ده حيبقى مظبوط لو السعر زاد في الكرولا فقط ومش حيزيد في باقي العربيات .. واللي أنا متوقعه أن الأسعار حتزيد في كل العربيات .
بمعنى أخر هي الأسعار حتزيد في الكرولا بس وباقي العربيات لاه بسبب الدولار .. حتى السيارات التجميع المحلي حتزيد لأن أغلب مكوناتها من الخارج
عموما ربنا يقوم اقتصادنا بالسلامه
ولو ده جنان اتجنن
انا بصراحه مش شايف اي مبرر لزياده السعر......!
العربيه نزلت في شهر 8 ولو قلنا علي اسوء الظروف انهم ابتدو يسعروا العربيه اول الشهر كان ساعتها الدولار 6.988 يعني اعلي من دلوقتي وممكن تشوفو المعدل خلال السنه كلها
XE.com - USD/EGP Chart
ده غير ان في حاجه تخلي من المستحيل حتي لو كل العربيات زادت كل العربيات التركي تقل لان عمله تركيا في انخفاض يعني ال 40% مكونات في العربيه سعرها قل والعماله قلت
الدولار كان 1-8-2013 عامل 1.946 ليره النهارده عامل 2.178 يعني العمله التركيه نزلت حوالي 20%
XE.com - USD/TRY Chart
يعني من الاخر المفروض تنزل متزدش وده في مصلحة الجميع.... العربيه والملاك واللي عايز يشتري
طاب و ال حاجز من قبل 2014 هيستلم باى سعر
أعتقد بالسعر الجديد..لإن إيصال الحجز مكتوب عليه السعر النهائي عند الإستلام s:اقتباس:
المشاركة الأصلية كتبت بواسطة lenasam
والزياده المتوقعه كام ؟؟
أنا أخدت جولة (إتصالات) على معارض كتير النهارده تقريبا كلهم بيقولو نفس الكلام وهو :
- متوفر أول فئه في حدود ال 178
- الفئه التانيه في حدود ال 200 !!
- الفئه الثالثه مش موجوده تماما
(وفي معرض قاللي ان الهاي لاين رسمي بقت ب 215 بدل 210 يعني زياده 5000 جنيه) !!!
يعني لو كلامه صحيح يبقى تقريبا الزيادة 2.5% من سعر العربيه القديم
إحبااااااااط
الزياده المتوقعه من كلام احدي المسئولين في التوكيل من 3 الي 5 وياريت تكون علي اد كده لاني بسمع اشاعات تزعل .
المعارض بتزود 15 اوفر للتسليم الفوري وده اقلت ادب
التوكيل بلغني ان السعر الجديد إن شاء الله احتمال كبير يظهر علي يوم الاتنين
وبخصوص اللي حجزوا قبل كده.بيقولولي بنفس سعر العربية القديم
والله اعلم
اقتباس:
المشاركة الأصلية كتبت بواسطة hossam_elwani
الزيادة حتبقى 5000 جنية على كل فئة .. ده من كلام المندوب النهاردةاقتباس:
المشاركة الأصلية كتبت بواسطة fighter4d
انا كلمت المندوب النهارده وقالي النهارده الحجز شغال عادي ومفيش زيادة في السعر.. الظاهر أن برضه في تخبط في حتة السعر.. ارحمنا يارب
شكرااقتباس:
المشاركة الأصلية كتبت بواسطة fighter4d
:new:
انا لسه شاري اوفر برايس (زيرو الفئه التانيه ) ب 193 الف. انا قولت لو حجزت و استنيت الاستلام بعد 4 شهور و كما يكون السعر الرسمي ارتفع هاكون انا الخسران. يارب العربيه تستاهل بعد كل المشقه الي الناس فيها دي. بش بصراحه العربيه حكايه انا بتلكك علشان انزل اسوقها كل شوسه :)
سعر ممتاز سبحان الله انا زعلان وانا بقولها والله 200 الف تقريبا وبقه سعر لقطه عجبى عليك يازمناقتباس:
المشاركة الأصلية كتبت بواسطة mzowail
اغلب المعارض قبل الزياده بالاوفر 198 الف
برافو عليكاقتباس:
المشاركة الأصلية كتبت بواسطة mzowail
انا فعلا في حد كان بيقول انه متضايق انها غليت، قولتلو ينزل يشتري اوفر وهو و شطارته في السعر عشان هي كده كده هتغلي من التوكيل فالتجار هيزودو علي طووول، اختيار موفق ومبروك.
انا اتصلت بالشركة النهارده فعلا الزيادة من 3000 الى 5000 وسوف يتم تطبيقها على الجميع اللي حاجز قبل كده واللي هيحجز جديد ومدة الحجز للي هيحجز جديد هتبقى 5 شهور مش 3 ، معنى كده ان التجار هتزود السعر اللي هيطبق على الأسعار الحالية علشان يحافظ على ربحه زي ما هوا
الله يبارك فيكو, مقدرش انكر ان المنتدي كان ليه دور (جوهري) في قراري اني اشتري الكورولا و دلوقتي مش بعدين. فدورت لحد لمل لقيت واحد عارضها في موقع كنتكت كارز. لو حاد عايز اي معلومات عن العربيه انا تحت امروكو.
اية يا اخوانما فيش اخبار جديدة و لا اية
انا لسة قارى على صفحة تويةتا على الفيس من تعليقات الزوار انى السعر زاد 5 الف
هل الكلام صح
كل شوية زيادة !!!!!
اقتباس:
المشاركة الأصلية كتبت بواسطة yyy
:ma::ma:اقتباس:
المشاركة الأصلية كتبت بواسطة psycholain