فكر قبل متجاوب،،،،،،لو مكانى حتختار ايه ؟!

السلام عليكم،،،ازيكم يا شباب عاملين ايه !؟ جمعه مباركه وسنه سعيده عليكم ان شاء الله

بقالى فتره مش طويله ومش بالقليله برده معكم على المنتدى ده وبقى قسم الاوبل الاصطباحه بتاعتى بتاعت كل يوم،،،وده نظراً لاقدامى على قرار مصيرى وهو شراء عربيتى المستقبليه وده عندى فى مقام اختيار شريكه حياتى

لانه مش حيتكرر تانى ،،،باختصار هى عربيه العمر،،،وبعد مقارنات كتير بين كذا موديل استقريت على الالمانى،،،،وجوه الالمانى نفسه،،بعد مفاضلات بين الهاتش باك ولا السيدان،،،استقريت على السيدان،،،وطبعاً مبريحش نفسى انا،،،اخر خطوه فضلت محتار فيها،،،،اتكل على الله واجيب الاسترا كوزمو،،،،ولا اغامر واجيب الانسيجنيا !؟!

ةبقالى اكتر من شهرين بقرا كل كلمه بتكتبوها عن العربيتين واقارن وافاضل واحسب واحوش لحد مخلااااااااااااااص

جالى هبل وشلل،،،،،، قولت اشاركم تفكيرى جايز حد فيكم يكسب فيا ثواب وينصحنى ويخلينى اعمل الصح على راى غسان بيه مطر،،،،


العقل بيقول : الاسترا حلوه،،،سعرها مناسب،،،حجمها كويس،،شكلها انيق،،،قطع غيارها الله المستعان،،،معظم عيوبها الناس هنا جربتها واكتشفت طرق علاجها،،،،الاوبشنز فيها محترمه وكافيه،،،صيانتها معروفه،،،،انتشرت نوعاً ما فمفيش منها قلق

القلب بيقول : الانسيجنيا فاجره،،،شكل خزعبلى،،،،امكانيات موتور كاسحه،،،،،اوسع بكتيير،،،مش منتشره حبقى مميز نوعاً ما،،،،فرق السعر ٥٠ الف،،بين الكوزمو واول فئه فى الانسيجنيا ،،،،اوبشنز اقل،،مفهاش سنسور بارك،،مرايات تعتيم،،،بلوتوث،،،،اضاءه ليد فى الصالون،،،اعتقد صيانتها عاليه جدا،،،،قطع الغيار معرفش عنها اى حاجه،،،عيوبها مجهوله بالنسبالى

انا كلمت حد فاهم فى الاوبل اوى واللى بثق جداً فى رايه وبحترمه واستشرته،،،نصحنى بالاسترا بصراحه وخوفنى من صيانه الانسيجنيا،،،،،

بس انتوا عارفين الانسان دعيييييف،،،،، وخايف بعد مجيب الاسترا اقول يا ريتنى وخصوصاً انها حتبقى مره واحده زى مقولتلكم

يلا ميين اول واحد حيفكر معايا بصوت عالى ويقولى اعمل ايييييييييه !!؟

والله هو الاسترا اضمن من الانسيجنيا ومعروفه اكتر .. وبردو زى ما حضرتك قولت عيوبها مش معروفه .. هو الخوف انك تجيب عربيه بالمبلغ ده ويطلع فيها عيب .. انا رايي اسأل اى حد من ملاك الانسيجنيا لو حتى فى الشارع وشوف ايه عيوبها .. لو موصلتش للعيوب يبقى اضمنلك الاسترا .. عربيه بردو ليها احترامها .
وربنا يوفقك

رأيى ان مافيش حاجة اسمها عربية العمر....ما تزعلش منى، ده رأيى
وبناءً عليه لكل مرحلة عربية تغطى الاحتياجات بتاعتها وأعرف اصونها كويس.
انت عاوز عربية فيها تجهيزات كتير وتكون صيانتها اسهل واضمن وارخص يبقى فى الخيارين بتوعك الاسترا
وممكن مع مرور الوقت بعد عشر سنين مثلاً تكون الاحتياجات بتاعتك اتغيرت وخوفك من مصاريف الصيانة اتغيرت وبالتالي تجيب الفئة الاعلى ساعتها والتجهيزات الأعلى.
انا عن نفسى فكرت كده
تحياتى

انا من نفس رأى الزميل السابق انه مفيش حاجه اسمها عربيه العمر عموما انا مع اﻻسترا ﻻنها موجوده ومتجربه اتفرج على مشاكل الفولكس الجديده

العقل بيقول الاسترا كوزمو
القلب بيقول الانسيجنيا
بما انك طلبت التفكير قبل الرد
يبقى




الاسترا
تحياتي وامنياتي ربنا يوفقك للخير

الأسترا طبعا .. لسببين:
1. الانتشار والتجربة .. وهذا السبب هام جدا ولا يستهان به أبدا.
2. الهاي لاين وكماليات أكثر مع توفير كبير في السعر ( 50 ألف على الأقل كما تفضلت حضرتك ).
ملاحظات أحب ذكرها:
1. أتفق تماما مع كلام الإخوة الأفاضل أنه لا توجد " سيارة العمر " !
2. كلما حصلت على ما أريد بتكلفة أقل ، كان هذا أفضل اختيار بالنسبة لي !
3. الزمن الذي نعيشه والظروف التي نمر بها ، تفرض علينا التفكير بصورة عملية واقتصادية.
هذا .. والله أعلى وأعلم.

اقتباس:

---

المشاركة الأصلية كتبت بواسطة j a g u a r

والله هو الاسترا اضمن من الانسيجنيا ومعروفه اكتر .. وبردو زى ما حضرتك قولت عيوبها مش معروفه .. هو الخوف انك تجيب عربيه بالمبلغ ده ويطلع فيها عيب .. انا رايي اسأل اى حد من ملاك الانسيجنيا لو حتى فى الشارع وشوف ايه عيوبها .. لو موصلتش للعيوب يبقى اضمنلك الاسترا .. عربيه بردو ليها احترامها .
وربنا يوفقك

---

جاجوار باشا تسلم على مشاركتك،،،،بس عربيه اوبل نفسها بتقول افضل ما انتجت وتقفيل المانى ١٠٠٪ تفتكر ممكن يكون فيها مشاكل !!

انا حاولت اعمل زى منتا قولت واقفش اى حد راكب العربيه دى بس قليلين جداً هنا فى الاسماعيليه مشوفتش الا واحده بس،،،تخيل !!!

اقتباس:

---

المشاركة الأصلية كتبت بواسطة K.Ossama

رأيى ان مافيش حاجة اسمها عربية العمر....ما تزعلش منى، ده رأيى
وبناءً عليه لكل مرحلة عربية تغطى الاحتياجات بتاعتها وأعرف اصونها كويس.
انت عاوز عربية فيها تجهيزات كتير وتكون صيانتها اسهل واضمن وارخص يبقى فى الخيارين بتوعك الاسترا
وممكن مع مرور الوقت بعد عشر سنين مثلاً تكون الاحتياجات بتاعتك اتغيرت وخوفك من مصاريف الصيانة اتغيرت وبالتالي تجيب الفئة الاعلى ساعتها والتجهيزات الأعلى.
انا عن نفسى فكرت كده
تحياتى

---

بس ليا تعليق صغير،،،،على موضوع عربيه العمر،،،اعرف ناس معاهم عربيه من اكتر من ٢٠ سنه ومفرطوش فيها وحالتها كويسه وده طبعاً راجع لطريقه استخدامهم ليها،،،،ما بالك بعربيه زى الانسيجنيا ايه تانى ممكن تحتا ج انك تزوده فى العربيه بعد ٦ او ٧ سنين مثلاً !؟. بس اكيد رأى حضرتك Respect tb3n

اقتباس:

---

المشاركة الأصلية كتبت بواسطة george yousef

انا من نفس رأى الزميل السابق انه مفيش حاجه اسمها عربيه العمر عموما انا مع اﻻسترا ﻻنها موجوده ومتجربه اتفرج على مشاكل الفولكس الجديده

---

تسلم جورج باشا على المشاركه،،،بس هو ايه دخل الفولكس فى الاسترا،،انا اكيد عارف مشاكل ال dsg عشان كده انا بقارن بين استرا وانسيجنيا بس

اقتباس:

---

المشاركة الأصلية كتبت بواسطة adel1212

العقل بيقول الاسترا كوزمو
القلب بيقول الانسيجنيا
بما انك طلبت التفكير قبل الرد
يبقى




الاسترا
تحياتي وامنياتي ربنا يوفقك للخير

---

هههههههههه لا جامده،،،،ملعوبه،،،،بس انا عشان مزنوق جوه الموضوع متلخبط ومش عارف اختار ايه،،،انما حضرتك بره القصه فاكيد رايك حيبقى احسن منى،،،انا عاوز رائي حضرتك الشخصى مش زى ما العنوان بيقول

اقتباس:

---

المشاركة الأصلية كتبت بواسطة ahmzd

الأسترا طبعا .. لسببين:
1. الانتشار والتجربة .. وهذا السبب هام جدا ولا يستهان به أبدا.
2. الهاي لاين وكماليات أكثر مع توفير كبير في السعر ( 50 ألف على الأقل كما تفضلت حضرتك ).
ملاحظات أحب ذكرها:
1. أتفق تماما مع كلام الإخوة الأفاضل أنه لا توجد " سيارة العمر " !
2. كلما حصلت على ما أريد بتكلفة أقل ، كان هذا أفضل اختيار بالنسبة لي !
3. الزمن الذي نعيشه والظروف التي نمر بها ، تفرض علينا التفكير بصورة عملية واقتصادية.
هذا .. والله أعلى وأعلم.

---

والله كلام منطقى جداً ومقتنع بيه،،،بس لو حد سال حضرتك،،،تجيب عربيه سعرها مناسب واوبشنز كويسه مع احتماليه انك حتغيرها كمان ٦ سنين وحتخسر فيها اكيد،،،،ولا تجيب عربيه غاليه نسبيا وامكانيات جباره برده،،،،،واحتمال انك تغيرها وتخسر فيها بعد كده ضعيف اوى،،،،،حتختار مين فيهم !؟

اقتباس:

---

المشاركة الأصلية كتبت بواسطة mr_revenger

جاجوار باشا تسلم على مشاركتك،،،،بس عربيه اوبل نفسها بتقول افضل ما انتجت وتقفيل المانى ١٠٠٪ تفتكر ممكن يكون فيها مشاكل !!

انا حاولت اعمل زى منتا قولت واقفش اى حد راكب العربيه دى بس قليلين جداً هنا فى الاسماعيليه مشوفتش الا واحده بس،،،تخيل !!!

---

اعتقد صعب تكون بالمبلغ وده يطلع فيها مشاكل .. والله اعلم
انا بقى مشوفتهاش غير مره واحده وكانت فى اسكندريه على الكورنيش بس الصراحه ابهرتنى بشكلها .

اقتباس:

---

المشاركة الأصلية كتبت بواسطة j a g u a r

اعتقد صعب تكون بالمبلغ وده يطلع فيها مشاكل .. والله اعلم
انا بقى مشوفتهاش غير مره واحده وكانت فى اسكندريه على الكورنيش بس الصراحه ابهرتنى بشكلها .

---

مؤيد لرأيك فعلا صعب جدا يبقى فيها عيوب يدوبك 1 لمليون دي تقفيل المصنع الرئيسي كمان فأكيد الرقابة مش سهلة هناك

اقتباس:

---

المشاركة الأصلية كتبت بواسطة mr_revenger

بس ليا تعليق صغير،،،،على موضوع عربيه العمر،،،اعرف ناس معاهم عربيه من اكتر من ٢٠ سنه ومفرطوش فيها وحالتها كويسه وده طبعاً راجع لطريقه استخدامهم ليها،،،،ما بالك بعربيه زى الانسيجنيا ايه تانى ممكن تحتا ج انك تزوده فى العربيه بعد ٦ او ٧ سنين مثلاً !؟. بس اكيد رأى حضرتك respect tb3n

---

زى ما انت قلت فوق فى اول الموضوع ان الكلام على اول فئة يعنى فى حاجات كتير ممكن تبقى عاوز تزودها السنة دى مش بعد 6-7 سنين.
وبعدين مين عارف كمان عشر سنين حيبقى ايه الوضع فى عالم السيارات. مش يكمن تبقى عادى بتطير مثلاً هههههه.
اقصد ان التكنولوجيا دائمة التطور. وعلى رأي بيبسى "أكيد فى أكتر".
عموماً ربنا يوفقك الى الاختيار الأمثل للعربية المناسبة للمرحلة ;-)

اقتباس:

---

المشاركة الأصلية كتبت بواسطة k.ossama

زى ما انت قلت فوق فى اول الموضوع ان الكلام على اول فئة يعنى فى حاجات كتير ممكن تبقى عاوز تزودها السنة دى مش بعد 6-7 سنين.
وبعدين مين عارف كمان عشر سنين حيبقى ايه الوضع فى عالم السيارات. مش يكمن تبقى عادى بتطير مثلاً هههههه.
اقصد ان التكنولوجيا دائمة التطور. وعلى رأي بيبسى "أكيد فى أكتر".
عموماً ربنا يوفقك الى الاختيار الأمثل للعربية المناسبة للمرحلة ;-)

---

معلش يا دوك،،،عارف انى تعبتك وفرهدتك،،،بس عندى فضول اعرف لو حضرتك معاك اول فئه من الانسيجنيا ،،،بكل مواصفاتها ممكن حضرتك تحب تزود ايه فى الاوبشنز او ايه اللى ممكن تحس انه ناقصك !؟

اقتباس:

---

المشاركة الأصلية كتبت بواسطة Mr_revenger

معلش يا دوك،،،عارف انى تعبتك وفرهدتك،،،بس عندى فضول اعرف لو حضرتك معاك اول فئه من الانسيجنيا ،،،بكل مواصفاتها ممكن حضرتك تحب تزود ايه فى الاوبشنز او ايه اللى ممكن تحس انه ناقصك !؟

---

وﻻ تعب وﻻ حاجة يا باشا
انا عن نفسى اهتمامى دايماً بيبقى بعوامل الأمان وطريقة التعليق علشان نوع السواقة ودول واحد تقريباً فى العربيتين. لكن كماليات. .... اول فئة فيها حاجات كفاية جداً. الحاجتين اللى مهمين بالنسبة لى هما حساسات الركن ومدخل usb. لكن باقي الحاجات زى فرش جلد وزينون والإضاءة الداخلية والزجاج الخلفى الملون اقل أهمية بس حلوين برضو بس مش لدرجة انهم ببقوا سبب عدم اختيار العربية.

أنت لسة محير نفسك!! :)
أنك حاسك بتدور على أي حد يشجعك على الأنسيجنيا فواضح أنك ميال ليها أكتر..
بس أنا في رأيي لو في مكانك, مش هختار العربية الأغلى أو الأكبر و هي ناقصة كماليات, و أفضل اختار العربية الأصغر بس تكون هاي لاين و مش ناقصة حاجة, بحيث أكون أخدت التجربة كاملة..

اقتباس:

---

المشاركة الأصلية كتبت بواسطة mr_revenger

هههههههههه لا جامده،،،،ملعوبه،،،،بس انا عشان مزنوق جوه الموضوع متلخبط ومش عارف اختار ايه،،،انما حضرتك بره القصه فاكيد رايك حيبقى احسن منى،،،انا عاوز رائي حضرتك الشخصى مش زى ما العنوان بيقول

---

عزيزي الحائر تحياتى
فى الأنسب(الاسترا) او الافضل (الانسيجنيا)
انا شخصيا بحب الانسب والاسترا عربيه جميلة منتشرة ده بيدي ميزة افضل
بجد الاختيار صعب
ربنا يعينك

اقتباس:

---

المشاركة الأصلية كتبت بواسطة K.Ossama

وﻻ تعب وﻻ حاجة يا باشا
انا عن نفسى اهتمامى دايماً بيبقى بعوامل الأمان وطريقة التعليق علشان نوع السواقة ودول واحد تقريباً فى العربيتين. لكن كماليات. .... اول فئة فيها حاجات كفاية جداً. الحاجتين اللى مهمين بالنسبة لى هما حساسات الركن ومدخل usb. لكن باقي الحاجات زى فرش جلد وزينون والإضاءة الداخلية والزجاج الخلفى الملون اقل أهمية بس حلوين برضو بس مش لدرجة انهم ببقوا سبب عدم اختيار العربية.

---

راى يحترم جدا يا دكتور،،،وده اللى موقفنى انى زمانى سايق الانسيجنيا دلوقتى،،ان مفهاش سينسور بارك،،،ومظنش نافع يركب طبعا مع حجم العربيه الكبير فهو مهم جداً،،،،بس بالنسبالى الزجاج الملون والزينون اهم بكتيييير من ال Usb

اقتباس:

---

المشاركة الأصلية كتبت بواسطة dede_dodo88

أنت لسة محير نفسك!! :)
أنك حاسك بتدور على أي حد يشجعك على الأنسيجنيا فواضح أنك ميال ليها أكتر..
بس أنا في رأيي لو في مكانك, مش هختار العربية الأغلى أو الأكبر و هي ناقصة كماليات, و أفضل اختار العربية الأصغر بس تكون هاي لاين و مش ناقصة حاجة, بحيث أكون أخدت التجربة كاملة..

---

والله يا كبير نفسى ارتاح واريحكم معايا،،،،

هى المساله مش انى عاوز حد يشجعنى على الانسيجنيا قد مهى انه يطمنى منها،،،صيانتها،،ادائها،،، قطع غيارها وكده،،،نادر اوى اللى معاه ومش عارف اسال حد راكبها عشان اخد منه الكلام ثقه،،،،،،فوق ده شكلها مزغلل فى عنيا

بس انا متفق جدا مع وجهه نظرك فى موضوع الاوبشنز ده،،،،،قريب اوى حتتفاجأ باختيارى
:36_1_1[1]:

اقتباس:

---

المشاركة الأصلية كتبت بواسطة adel1212

عزيزي الحائر تحياتى
فى الأنسب(الاسترا) او الافضل (الانسيجنيا)
انا شخصيا بحب الانسب والاسترا عربيه جميلة منتشرة ده بيدي ميزة افضل
بجد الاختيار صعب
ربنا يعينك

---

صديقى العزيز،،،تسلم على مشاركتك الوجدانيه معايا
:36_1_1[1]:

انتشار الاسترا،،،عيب وميزه فى نفس الوقت
وندره الانسيجنيا عيب وميزه برضه

ياريتنى مكنت شوفت الانسيجنيا وانا كنت وقعت فى غرام الاسترا الى الابد

الاسترا

اقتباس:

---

المشاركة الأصلية كتبت بواسطة s o p h o s

الاسترا

---

للاسف يا باشا سحر الانسيجنيا لا يقاوم،،،،تم الحجز الحمد لله وفى انتظار الاستلام

وارد اي عربية جديدة يكون فيها رسك
وخاصة ان سعرها غالي جداااااااااا
بس مينفعش يتقارنو ببعض لان الانسجينا وهم بمعنى الكلمة
لو عاوز نصيحتي هات الاسترا استعمال كسر زيرو
ولو وفت إحتياجك يبقا تمام حسيت انك ندمان وسمعت سمع خير عن الانسجينا
يبقا توكل على الله وبيع الاسترا وساعتها مش هتخسر كتير
تحياتي

لو معاك فلوس الانسجما لا تتردد ثانية يا عم فرق السما من الارض

اقتباس:

---

المشاركة الأصلية كتبت بواسطة mr_revenger

للاسف يا باشا سحر الانسيجنيا لا يقاوم،،،،تم الحجز الحمد لله وفى انتظار الاستلام

---

حجزت فئة ايه و هتستلم امتى يا كبير ؟

و الله عين العقل أنك حجزت ال انسيجنيا. انت مش هتجيب عربيةكل يوم و معلش شوية الأوبشن الزيادة في ال استرا هتنساهم مع أول كيك داون في الانسيجنيا.

برافو عليك انك حجزت الإنسيجنيا... انا فرحت بصراحة...
ازاي يبقى متوفر معايا تمن الانسيجنيا واسيبها واخد أسترا؟؟؟
بصراحة انت اخدت القرار الصح وربنا يمتعك بيها ان شاء الله، دي عربية جبارة!!

باين من كلام حضرتك انها استحاله تكون عربية العمر شوف انتا عايز ايه فى العربيه والافضل خليك فى اللى انتا ترتحله لان لو جبت حاجه علشان السوق مش هترتحلها هات حاجه تكون ليك وتكون مقتنع بيها وتكون على قد امكنياتك ملحوظه / انا زيك كنت محتار لحد ماستقريت على بيجو301 وربنا يكرمك ويرزقك بالعربيه اللى نفسك فيها