حتى الظباط بياخدو فلوس مش العساكر بس ؟؟؟؟؟؟؟؟؟؟؟؟؟؟؟؟؟

**memoo_1st** · 09-07-2007 07:20 PM

:shock: :shock: :shock:
النهارده الصبح كنت راجع انا و صاحبي من رمسيس و طلعنا كوبري العباسيه و مكملين رايحيين على شارع امتداد رمسيس علشان نطلع على نادي السكه
المهم الاشاره الي تحت الكوبري بتاع صلاح سالم قفلت و احنا اول عربيه وصاحبي كان بيتكلم في الموبايل المهم الامين جه و قالو هات الرخص فصاحبي ركن على جنب و قعدنا نقولو طب لو في فلوس او اي حاجه شوف الي انتا عاوزو فراح يكلم الظابط , الظابط قام مزعقلو وجه معاه و قالنا هاتو الرخص
هوا الظابط معلق نجمتين بس
بس فانا قولت الظابط كدا خلاص هيسحب الرخص
بس الظابط خد الرخص و دخل الكشك بتاع المرور و بعدين قال للعسكري يكتب المخالفه وبعدين الظابط خرج و العسكري بيكتب المخالفه لقينا العسكري بينده علينا و قال لصاحبي شوف معاك فلوس علشان تاخد الرخص و تمشي
بس ف ادينالو 20 جنيه وخدنا الرخص و مشينا و طبعا اكييد الظابط له نصيب
وكدا يبقى انتا اكيد اكيد في مصر :shock:

**معاذ الشرباصى** · 09-07-2007 07:31 PM

يا ميمو ده عادى جدا

الامناء بياخدوا الفلوس, و تروح للظابط فى 90% من الحالات

فى لجنة فى 15 مايو

اى سواق تاكسى معدى, الظابط ياخد الرخص بتاعته, و يقول له هات لنا عشاء للبوكس و شاء و سكر

طبعا العشاء بتاع العساكر حاجة و بتاع البيه حاجة تانية

و لو مجابش حاجة, يبقى الرخص تتقطع, و الواد يتبهدل

و فى ميدان التحرير بالليل, و انت داخل على كوبر قصر النيل, نفس الكلام

ظابط لسانه طويل جدا, و بيوقف كل سواقين التاكسى و بياخد اتاوة!!!!!

**khalid_adel** · 09-07-2007 07:49 PM

انا الصراحة مشوفتش ظباط كده اما الامناء عادي جدا 10 جنية وزي الفل (كله بسبب الحزام)
مره امين وقفني وخد الرخص عشان حزام نزلت لقيت نقيب محترم قوي قلتلو معلش وكده ونسيت (بكل ادب فعلا) قام مرجعلي الرخصة
مره بقى وانا لسه طالع من الشارع على الناصية لقيت ونش والامين وقفني وانا في الحارة الشمال والشارع وقف بكل برود ويقولي الرخص عشان الحزام برضة بس المرة دي نزلت كان نقيب وقاعد في الونش وفالي حسحب الرخصة قلتلو طب غرامة فوريه وادفعها وفضلت المح له نص ساعة لدرجة اني طلعت 50 جنيه في ايدي وبقولو غرامة فورية بقى يقولي معلش اصل دي تعليمات ومش حينفع والله
وسحب الرخصة وجبتها بعد 3 اسابيع وبهدلة وتجديد وحاجة قرف ( وبرضة مش بلبس الحزام ) :lol:

**Nile Heart** · 09-07-2007 08:52 PM

انتوا كلكوا بتعملوا غلطه كبيره قوى وهى اعطاء الرخص للآمناء والعساكر!

اللى يسحب الرخصه لازم يكون ضابط! ولو ماشفتش ضابط فى اللجنه يبقى اوعى تدى الرخصه لآى حد ولو كانوا 10 امناء فى بعض

ولو انت فى كمين رادار وجه الأمين وطلب الرخص قول له انا هانزل اديهاله بنفسى
الأمناء دول شويه صيّع ومرتزقه لا لزوم لهم سوى تشغيل نسبه من العاطلين

**sokasoon** · 10-07-2007 01:35 AM

ياااااااااااااااااااااااا اه عادى جداا الامناء والظباط بياخدووو فلوس طبعاااا

مش انت اكيييييييييييييييييييييد اكيييييييييييييييييييد فى مصر

**khalid_adel** · 10-07-2007 02:28 AM

المشاركة الأصلية كتبت بواسطة Nile Heart

انتوا كلكوا بتعملوا غلطه كبيره قوى وهى اعطاء الرخص للآمناء والعساكر!

اللى يسحب الرخصه لازم يكون ضابط! ولو ماشفتش ضابط فى اللجنه يبقى اوعى تدى الرخصه لآى حد ولو كانوا 10 امناء فى بعض

ولو انت فى كمين رادار وجه الأمين وطلب الرخص قول له انا هانزل اديهاله بنفسى
الأمناء دول شويه صيّع ومرتزقه لا لزوم لهم سوى تشغيل نسبه من العاطلين

طب ياسيدي الفاضل طبعا الظابط هو اللي بيسحب الرخصة الامين ده بس بيوصل للظابط ويقوله ده كذا كذا يا باشا
يعني لما الامين يقولك اشوف الرخص تقولو لا انا هانزل اديها للظابط بنفسي :lol: ولا ايه بجد انا مش فاهم قصدك

**محمدايهاب** · 10-07-2007 03:20 PM

أنا كنت بفكر أعمل رخصة تانية ( بدل فاقد ) احتياطي علشان اخلص من غلاسة الأمناء يعني مستعد اتبهدل في المرور مقابل أني أمين ابن ....... ما يتحكمش فيا :twisted:

**اسلام المصرى** · 10-07-2007 07:19 PM

على حد علمى يا أخ محمد ده غير قانونى وممكن يسبب لك مشاكل لو واحده أتسحبت و راحت على الملف بتاعك و أستعملت التانية "البدل فاقد" و حظك وحش وأتسحبت منك برده هتروح على الملف بتاعك وهيتهرش الملعوب :) وفى الحالة ديه ممكن تبقى جنحة ! بلاش تعملها من باب أمشى صح يحتار عدوك فيك , وأرجو أن تتقبل كلامى بصدر رحب.