عاوز اعرف ايه موديلات الفيكترا النازلة من منصور فيها محرك ايكوتك(Ecotec) علشان عاوز اشترى اوبل 98 او 99 او 2000 اتوماتيك 2000 سى سى كاملة وعاوز اعرف اذا كان فيها محرك ايكوتك(Ecotec) ولا لا ....... واسف على التطويل
عرض للطباعة
عاوز اعرف ايه موديلات الفيكترا النازلة من منصور فيها محرك ايكوتك(Ecotec) علشان عاوز اشترى اوبل 98 او 99 او 2000 اتوماتيك 2000 سى سى كاملة وعاوز اعرف اذا كان فيها محرك ايكوتك(Ecotec) ولا لا ....... واسف على التطويل
تقريبا والله اعلم ان الفيكترا بدايه من موديلات 2000
الاوتوماتيك 2كامه 16 فالف سواء 1600 او 2000
الوالد معاه فيكترا 2003 اوتوماتيك كاملة
محرك ecotec
الف شكر يا جماعة على المعلومات المفيده دى
ولكن انا شوفت قبل كده محرك ايكوتك فى اوبل 1998 بس كانت تقفيل المانى فانا حبيت اتأكد ان كان موديل 1998 ال2000 سى سى الى بينزل لمنصور نفس الموتور ولا لا
أحمد باشا علاوي ، ال-١٦٠٠ بعد ٢٠٠٠ مش كلها عادي ، المانوال كله عادي انما الأتوماتيك في منه Ecotec ، تحديداً ٢٠٠٣ كله Ecotec (منزلش مانوال خالص في ٢٠٠٣ )
بالنسبة لصاحب الموضوع، الموتور ال-Ecotec سهل أوي تعرفه لأنه بيكون لونه أبيض من فوق و عليه Ecotec مكتوبة بالأصفر كبيرة انما العادي لونه اسود و شكله رفيع من فوق (عشان كامة وحدة ).
انا عارف شكل الايكوتك بس حبيت اعرف موديل 1998 2000 سى سى اتوماتيك موتور ايكوتك ولا انجكشن
شكرا على المعلومات المفيدة اللي استفدت منها كثييير ... بس أسف على السؤال ده ((يعني ايه ايكوتك))؟ أنا شفته في عربيات كثير .. هوه فعلا بيكون لونه أبيض ومكتوب عليه بالاصفر .. أنا عندي أوبل فيكترا 1600 سي سي موديل 2000 عادة .. الموتور بتاعي لونه اسود ورفيع ومكتوب عليه Opel طبعا ده مش ايكوتك .. السؤال هنا .. ايه الفرق الموتور العادي والموتور الايكوتك ؟ وايه الفرق بين الكامة الواحدة والاثنين كامة .. ويعني ايه كامة .. وهل بتأثر في السحب أو استهلاك البنزين ؟ هل الموتور يكون انجكشن أو لا على حسب كونه عادي أم ايكوتك ؟ وهل بتفرق في الحصان ؟ و ياترى عربيتي كام حصان ؟؟؟ وشكـــــرا للجميع
دى مواتير جى ام مواصفتها وبتنزل فى عربيات ايه
http://en.wikipedia.org/wiki/GM_Family_II_engine
http://en.wikipedia.org/wiki/List_of_GM_engines
فى مصر هنا موديلات ما بعد ال 2000 هى اللى نازله ايكوتك
ده ال 2000 سىسى
http://www.forum-auto.com/uploads/20...127_moteur.jpg
وده ال 1600 سىسى
http://images.forum-auto.com/mesimag...48/ecotech.JPG
التكنولوجى المستخدمه
الاوبل بيقولوا عليه نص انجكشن وده عباره عن انجكتور واحد بيديى لكله
الايكوتك كل سلندر ليه الانجكتور بتاعه
طبعا الايكوتك اقوى فى الاداء واقل استهلاك بنزين من مثيله العادى
الكامه الواحده بيبقى فى كل سلندر 2 صمام واحد بيفتح للهواء والبنزين وواحد بيفتح عشان يخرج العادم
الاتنين كامه نفس الحوار بس للبنزين والهواء 2 صمام والعادم 2 صمام
اااااه ده سؤال حلو جدا
دى الكامه يا سيدى
http://i.pbase.com/u39/stealthfti/la...1.P1340672.jpg
طبعا انت فهمت كده :)
الكامه دى بتضغط على الصمام اللى تحته سوسته بتخليه يفتح ويقفل فى الوقت المحدد عشان البنزين والهوا يدخل فى وقته والعادم يخرج فى وقته
ودى صوره توضيحيه
http://www.2carpros.com/images/varia...aft_lifter.jpg
شوف الفيديو ده هيفيدك
http://www.youtube.com/watch?v=MgklyL0wkVM
اكيد بيأثر
عادى ولا ايكوتك دى مجرد اسماء يعنى ممكن GM تنزل بكره موتور اسمه يلالاللى انجكشن او كربراتير :)
بس الاوبل العادى نص انجكشن والايكوتك انجكشن كامل زى ما شرحنا قبل كده
بيفرق جدا
عربيتك 75 حصان
الايكوتك ال 1600 سىسى بيعمل 100 حصان تقريبا
لا شكر على واجب
هتعزمنى على الفطار فين انهارده؟
شوف الفيديو ده هيعرفك الموتور بيشتغل ازاى
http://www.youtube.com/watch?v=oRxeWcKJR_U