يا جماعة أنا عندي مشكلة بقالي فترة مع أوبل كورسا 1200cc موديل 1994
في الأول كانت العربية بتطلع دخنه سودة وكانت البوجيهات متفحمة!!!
أول حاجة الميكانيكي شك فيها هي ترومبت البنزين لان العربية كانت بتقطع كده مع دوسة البنزين
المهم إني جبت ترومبت البنزين استيراد من عند العايدي في الحرفيين!!! بس المشكلة فضلت موجودة برده وفضلت العربية تقطع والدخنه السودة لسة موجودة
تاني حاجة الميكانيكي شك فيها هي الرشاش!!!
رحت غيرت البوابة بالرشاش ب الايدل بس الايدل كان بايظ تقريبا لان العربية كانت بتبطل كل مشيل رجلي من على دواسة البنزين ولما رجعت البيت ركنتها ومرضيتش تدور بعد كده!!!
رحت جبت بوابة تانية كاملة برده!!!
جبت الميكانيكي عند البيت ركبها بس العربية اعدت كتير جدا علشان تدور,,,والبطارية أصلا ضعيفة عندي!!!
المهم إني من شوية نزلت ادور العربية,,,مرضيتش تدور ابدا
والبطارية كمان ريحت خالص!!!! هروح اجيب بطارية بكرة بس عايز أعرف رايكم إيه اللي ممكن يكون السبب فالتقطيع لان العربية بتقطع جامد جدا غير إنها أوقات بتكتم خالص وتبطل مني
وفي ال إشارات بقى بتبقى مقرفة!!!:argue2:
ملحوظة:أنا الكومبيوتر مش بـيقرا عندي على العربية خالص لان أنا كنت مغير نص ضفيرة بـعلبة فيوزات)لو في حل يا ريت تقوللي أعمل إيه في المشكلة ديه كمان
معلش طولت عليكم,,,شكرا مقدما