قولت انضف البوابه روحت جايب نصف كوب بنزين وفرشاه اسنان ونضفت قفلت الحاجه علي كده جيت ادور مافيش سيبتها شويه ادور دارت بعد عناء بس اكبس بنزين تتكتم ومافيش طول ماانا شايل رجلي من علي البنزين منتظمه وكويس ادوس تتبرجل لدرجه انه وانا مروح من الشغل نزلت العجله في نقره خفيفه اوي خمس دقايق علي ما عرفت اطلعها المهم روحت للراجل قالي احرق البوجيهات قولت دي بقلها اسبوع طيب جرب بوجيهات تانيه نفس الكلام واصبحت مش عايزه تدور خالص قال هانضف البوابه والرشاشات بمنظف اشتريت علبتين منظف واشتغل ياعم قعد يحاول اربع ساعات وفي الاخر برده دارت شويه بس المراوح فضلت شغاله علي طول وفي لمبه بتاعت بطاريه صفراء منوره قال شكلها كهرباء +انه كان في موتور جانب البوابه هو اللي بيتحكم في السلانسيه باظ ومابيتحركش يجي يدور الاقي هزه جواه ومافيش حاجه بتتحرك كان زمان بيتحرك طبعا وهو واقف بطلت جيت ادور تاني مارضيتش طبعا اختصارا للتلفيات قولته هاوديها لكهربائي فياريت حد من حضراتكم يفدني اعمل ايه واحتمال العيب في ايه