-
صراع يابانى يابانى كورى
بسم الله الرحمن الرحيم
السلام عليكم اخوانى واخواتى الكرام
انا جديد هنا فى المنتدى وبجد انا مبسوط جدا بالمشاركه فى واحد من اشهر واجمل وافضل المواقع المهتمه بالسيارت واسواقها
انا بقى حكايتى ان انا بأذن الله ناوى اشترى عربية فى رينج مايزيدتش عن 100 الف ولو حتى بقى ازيد خمسة سته زيادة مش اشكال
انا عن نفسى حابب الماتيريا جدا كشكل ولما قولت لوالدى عنها ماعرفش عنها حاجه واصحابى بمليون رائى اللى يقولى زود 5 وهات النترا واللى يقولى هات ياريس واهى ارخص واللى يقولى خاف من العربيه اللى مش موجودة كتير على الطريق
انا بصراحه احترت جدا ومش عارف اختار . ف لو ممكن حد يفيدينى ويساعدنى فى الاختيار بينهم . ولو الماتيرا هل اعتماديتها تكفى سفرى على الاقل مرتين ثلاثه سفر من طنطا الى القاهرة, لانى بدرس هندسه فى احدى الجامعات الخاصة هناك .ودا غير السواقة الشبابى المتهورة نوعا ما , وكمان عاوز اعرف ايه اخبار العدادات ا للى بتقبى فى نص التابلوة لانى ماجربتش اسوق حاجه زى دى قبل كدة, وهل الديهاتسو بما انها شركة يابينيه هل هى بكفاءة التويوتا ولا ايه ؟ . وياريت اللى اللى هيقولى على حاجه فى التلات عربيات دول يقولى اجيبهم منين يعنى افضل مكان ممكن اجيبهم منهم على العلم انى هشترى بالتقسيط وليس بنظام الكاش. وياريت ترشحولى افضل واشيك الالوان فى كل نوع .(شبابى)
انا تعبت من التفكير ومش عارف اقرر:2:
-
على فكرة انا سفرى اسبوعيا مرتين تلاته فى الاسبوع دا غير مشاوير الكورسات جو ه القاهرة
-
رأيى ياريس افضل
وهتوفرلك فى البنزين
خاصة انك بتقول بتسافر كتير
-
ممكن تشترى فى الرينج دا 100 الف
ماتيرا
كيا سيراتو
لانسر بوما
اوبترا
ياريس
هوندا سيتى
جين 2 /واجا
نيسان صنى
بيجو 206
دايهاتسو سيريون
و دا طبعا مع اختلاف الاوبشن بينهم
انا رائى النيسان صنى او البروتون
ثم السيراتو و الاوبترا
-
شكرا للرد
بس انا بقارن بين التلاته دول وانا عاوز عربيه تجمع الشكل الشبابي والاعتماديه والاوبشن
سؤال كمان معلش هى ليه الناس مش بتحب الماتيريا او مش عارفها او خايفه منها اى الى فيها العربيه دى نفسى اعرف .
دا انا كل ما افتح اى مجلة سيارات واشوف اعلان معارض العربيات من النادر وجود فى الاعلان ماتيريا ليه كدة
-
مش موضوع انها وحشه
بس هى واذواق
ولولا اختلاف ......
بس انا مش بحب العربيات اللى عداداتها فى النص زى الماتيرا و الياريس و الماتريكس
-
ماهو انا كنت عاوز اعرف ايه حكاية العدادات اللى فى النص و انا اصلا مجربتش حاجه زى دى قبل كدة
-
If you want my opinion i recomend the Optra or the Lancer Puma
If you want a sporty car go for the Sirion the 1300 CC Auto Full Option for 90
For less fuel consumption and sporty driving.
Law 3ayez te3raf ay details ask me aw call me
-
اهلا بك يا أخي الكريم
بص من الأخر الماتيريا لا يعبها غير اعادة البيع بتاعتها هتبقى ضعيفة جدا
يعني لو هتشتريها متفكرشي تبيع الا بعد 5 سنين على الأقل
اما من حيث الأعتمادية فهيا هيا مثلها مثل التويوتا لأنها كلها من المكونات وقطع الغيار هيا قطع غيار تويوتا يعني Denso أو Ngk
اللي تويوتا مكوناتها منهم برضه
غير اصلا ان شركة دايهاتسو شركة من شركات تويوتا في الأساس
والماتيريا والسيريون والتيريوس بينزلو في بعض اسواق العالم باسم تويوتا واولهم اليابان نفسها
السيريون اسمها تويوتا Boom
المتيريا اسمها تويوتا Bee
التيريوس اسمها تويوتا Rash
وانصحك في النهاية انك تصلي صلاة استخارة الأول وتكثر لكي ترزق الخير اين كان ان شاء الله وربنا يوفقك بإذن اله
-
شكرا askoda على الرد بس انا مش بحب الاوبترا اساسا . دا غير انا عاوز عربيه تدمج الاداء الرياضى والشكل الشبابى الجميل . وبختار بين الماتيريا او اليارس ثم النترا
ابوعبدالله ميرسى جدا على ردك انا فعلا معجب جدا بأداء هنا فى السايت وانت من اول الناس اللى لفتوا نظرى هنا بردودهم ومواضيعهم الفريدة
هو انا ان شاء الله لو جبت مش هبيع قبل خمسه زى ماقولت بس انا الناس فعلا مخوافانى اوى من الماتيرا ومش عارف ليه هى ليه مش واخده حقها كده . وثانيا لو حد جرب سواقه اى عربيه عدادها فى النص ممكن يفيدنى بده
Content Relevant URLs by
vBSEO 3.6.0 PL2