المشاركة الأصلية كتبت بواسطة ibrahimsaad
استلمت اليوم الجمعه عربيتى الجديده
نيسان صنى اوتو ex salon
بس لسه مستنى الورق بتاعها المعرض قال لى هيجيبه الاسبوع القادم على مايخلصه
ملاحظاتى الاوليه لانى مشيت بيها بس حوالى 2ك من المعرض للبيت
بعد معاينه العربيه هى مكتوب عليها Sunny بس مش مكتوب عليها ex زى الموديلات السابقه
العربيه ماشاء الله حلوه والفرامل ممتازه بتمسك على الشعره مش زى الفيرنا بتاعتى القديمه
استلمت معاها كريك ومفتاح العجل والاستبن والايريال والكتيب ومعاه ضمان حاجتين بطاريه كلوريد وضمان تانى Autotec على مايبدوا انه الكاسيت والله اعلم
ملاحظاتى الاوليه
1- الكبوت علشان اقفله لازم ارزعه رزع
2-الابواب لازم ارزعها علشان تقفل يمكن علشان لسه جديده
قولهم على الملاحظتين دول فى صيانة الالف
3-لمبه الصالون مابتنورش مع فتحه الباب لازم انا اللى اشغلها من الزرار مش عارف وضعها ايه جربت كثير مانفعش
عندك فى لمبة الصالون تلات اوضاع وضع door وده هيخلى اللمبه تشتغل كل لما تفتح الباب او لما تخرج المفتاح من الكونتاكت ووضع اخر وهو off وساعتها اللمبه مش هتشتغل خالص والوضع الاخير وهوه وضع ال on وساعتها اللمبه هتفضل شغاله علطول وده منصحش بيه علشان ممكن تنزل من العربيه وتنساها وساعتها البطاريه تفضى بس اعتقد ان الصنى فيها اوبشن ان اى نور نسيته ونزلت بيقفل مع نفسه بعد دقائق وابقى جرب الموضوع ده
4-الكاسيت السى دى لم يعمل مع السى دى حطيت سى دى ظهرت رساله انه لايوجد اوديو لكن الراديو شغال
المفروض تبقى الملفات mp3 or wma or audio
5-طبعا زى ماالكل عارف صاجها تحس انه خفيف
6-العداد طبعا مختلف شويه فيه مؤشر البنزين مختلف شويه مش واخد عليه وكمان الساعه مش مضبوطه مش عارف بتنظبط ازاى وايه حكايه عداد الرحلات ده انالما ضغطت على زر فى التابلوه ظهر لى
ياريت توضيح اكثر لمؤشر البنزين
بالنسبه بقى لموضوع عداد الرحلات عندك عداد A and B
لو دوست على الزراز مره واحده هتتنقل ما بينهم
لو دوست دوسه طويله هتصفر العداد
ودول ميزتهم انك قبل اى مشوار تصفره وتشوف مشيت اد ايه
وممكن تخلى المؤشر B لكل تفويله
ده بس اللى انا لاحظته وطبعا لسه لما امشى بيها هقول لكم على مايستجد
محتاج بس نصايحكم ليا وايه اللى يجب على انى اعمله