عارف اني افتح غطاء القربة لما العربية تسخن. بس بقالي اكتر من خمس مرات ومازالت المية بتحاول تخرج لما بفتح الغطاء !
Sent from my HTC
عرض للطباعة
عارف اني افتح غطاء القربة لما العربية تسخن. بس بقالي اكتر من خمس مرات ومازالت المية بتحاول تخرج لما بفتح الغطاء !
Sent from my HTC
كدا بقوا 7 مرات واديني وراها يانا ياهي النهارده
Sent from my HTC
اول حاجة اتاكد من المستوي
ثانيا افتح ربع لفة تسمع صوت التنفيس واقفل تاني كذا مرة
بين كل مرة والتاني انتظر قليلا
بس اشمعني العذاب دة
خلي بالك في نقط هوا بتيئي رزلة ومابتطلعش غير بالطريقة التقليدية
المستوى مظبوط وبالنسبة لصوت التتفيس بعرفه بحركة تانية نظرا للضوضاء المحيطة بيا دلوقتي وهي اني بحط صباعي جنب الغطاء وانا بلفه واحدة واحدة لغاية اما احس بالسخونة
العذاب ده لاني صرفت حوالي اكتر من 80جنيه لغاية دلوقتي على المية بسبب اني ركبت 2 سويتش ورا بعض في نفس اليوم!
Sent from my HTC
طيب هات جركن فضي فية شوية للهوا ورجعهم تاني
وجرب من الخرطوم الصغير بجانب القربة مش الاعلي
انا بشرب نسكافية والدنيا هدوء هنا ومستنيك
اية الاخبار
انزك ولا اية
-لو لقيت الميه مستواها مستقر بعد فتح الغطاء يبقي اقفل وبس كده .
-اجازه يا عمرو ولا شغال؟
لا انا زهقت هابقى اعمل الطريقة التقليدية واخلص
كل ما افتح الاقي هواء !
Sent from my HTC
لا معلش ..... ثوانى كده براحه وفهمونى بالظبط انتوا بتعملوا ايه واذاى لان انا قاعد من ساعتها متابعكم ومش فاهم .... لان انا من فتره كده منظف دوره المياه ومغير طرمبه وحاطط ميه من الحمرا توتال وظابط الدنيا بس ماخدتش هوا او حاجه انا يوميها فضيت ميه العربيه وغيرت الطرمبه وترموستات الكوعه وفضيت بتاع ٧ لتر ميه والعربيه بارده وتمام ودورت وتانى يوم الصبح والعربيه لسه مادرتش قومت فاتح القربه ومزود الميه الناقصه لحد ماظبطت القربه ودمتم على كده ..... عرفونى بقى انتم بتعملوا ايه ؟ وليه ؟ واذاى ؟ ده طبعا بعد إذنكم
تصدق ياعمرو فكرة باردوا ! هاصبر عليها شوية كدا تبرد واجيب الصغير يساعدني في موضوع الجركن
هيثم, الهواء بياخد حيز مكانه وبالتالي بيعمل جاب في المية اللي جوا البلوك وده غلط لان ساعتها المروحة هاتشتغل اكتر من وقتها الطبيعي نظرا لسخونة البلوك اكتر من اللازم
Sent from my HTC
طيب أخد ألهوا اذاى من غير ما انقص الميه او أشيل الخراطيم
ههههه اومال احنا بنحكي في ايه من الصبح ياهيثم ؟
Sent from my HTC
لا اصل انت بتقول انك بتفتح غطاء القربه وحجات انا مش فاهمها .... اللى انا فهمته انك بتفتح الغطاء والعربيه سخنه بس بتعمل ايه بالظبط وهتعرف اذاى ان الهوا خرج من الدوره .... معلش متقل عليك يابرنس
بص يا باشا انا حقول على الدايو وانت طبق للاوبل لان الفكره واحده
انت حتدور العربيه و تكون برده و تشيل الخرطوم الراجع من الريداتير للقربه و تشوف الخرطوم ده اول ماينزل مايه مستمره من غير تقطيع او هوا يبقى تمام زود و بطل جرب و اسأل لو وقفت في حاجه
باشا احنا فاهمين الطريقه التقليديه دى .... احنا بقى بنتكلم اننا عايزين ناخد الهوا من غير مانفك خراطيم ولا نضيع ميه .... فهمتنا .....
ايا كان نوع الدورة المغلقة .... زيت , مياه او اى مائع
لازم تشوف ال flow طالع منتظم ومن غير فقاقيع هوا علشان تتأكد ان الهوا كله طلع
بالمناسبة اليوم اللي بعد اليوم اللي كنت بحاول أخد الهواء فيه ، لاقيت القربة ناقصة حوالي لتر مية ! هي مصلحة طبعاً بس مش عارف ازاي ؟
هل عشان كنت بخنق خرطوم الريداتير واسيب ولا عشان كررت فتح الغطاء مع سخونة العربية ، مش عارف بقى
لتر ؟ كتير تنين !! طيب بعد مازودت و ظبطت ... لسه فى هوا ؟
لسا فيه. النهارة زودتها لتر كمان !
Sent from my HTC
انا فهمت ازاي اطلع الهوا
بس ايه سبب دخول الهوا للقربه