[السلام عليكم
دي اول مشاركة ليا هنا في المنتدى
امبارح الحمدلله حجزت نيسان صني 2014 الشكل القديم و هستلمها خلال الاسبوع الجاي
ياريت اعرف نصايحكم بالنسبة للاستعمال العربيه او بالنسبة لاستلامها
شكرا
عرض للطباعة
[السلام عليكم
دي اول مشاركة ليا هنا في المنتدى
امبارح الحمدلله حجزت نيسان صني 2014 الشكل القديم و هستلمها خلال الاسبوع الجاي
ياريت اعرف نصايحكم بالنسبة للاستعمال العربيه او بالنسبة لاستلامها
شكرا
مبروك مرتين مره لحجز النيسان ومره للاشتراك فى احلى واقوى منتدى
الف مبروك وتستلم بالسلامه ان شاء الله
مبروك مقدما
مبروك مقدما
شكرا جزيلا لكم ..هل من نصايح عند الاستلام و اول استخدام
و هي سعرها 110 الف ..انا هجيبها ب 109000 ان شاء الله .السعر مناسب ؟
انا فعلا عرفت من سمير ريان ان سعرها هيزيد 3000ج. مش فاهم انا السوق المصرس سوق غريب..المفروض يبقى في فرق سعر كبير بينها و بين الشكل الجديد اللي في تكنلوجيا اكتر..
انا اخترت الشكل القديم عشان الاسرة مكونه من 3 افراد و معناش غير المبلغ ده ..وهي تعتبر احسن حاجه بالمبلغ ده..الحمدلله
.نصائـح .. الاسـتلام الجيد والتليين السـليم لسياراتك الجديدة
هناك بعض النقاط عند استلام السيارة يجب على كل مشترى جديد مراعاتها والتركيز عليهاوقد حرصنا على تجميعها وتقديمها اليكم للمساعدة فى استلام السيارة بدون اى مشاكل او عيوب ظاهرية او جوهرية :
1-.حاول تستلم العربية بالنهار افضل من الليل عشان تبص على صاج العربية وتطمن انه خالى من اى خرابيش او خبطات2-.انزع عند الاستلام الورق الملزوق على صاج السيارة سواء اللى على الكابوت او على السقف , وذلك للتاكد من بوية السيارة سليمة ولالا , لان الورق ده ممكن يكون مدارى تحت منه فرق لون لا قدر الله3-.شيك على الزجاج الكهرباء كله , وتاكد من فتحه وقفله , و تشوف هل فى صوت تزيق او اى مشكلة فى الزجاج لقدر الله4-.جرب الكاسيت وشوفه شغال ولالا , ومتنساش تسال هل بيجى معاه وصلة يو اس بى مثلا وليه ريموت ولالا بردوا , وياريت تكون واخد معاك اسطوانتين من نوعين مختلفين عشان تجرب الاتنين زي سوني وال جي مثلا, عشان محدش يتلكك ويقولك الاسطوانات نوعها وحش , وكمان خلى معاك فلاشة فيها قران مثلا اذا كان ينفع توصلها عليه5-.اسال على الضمان بتاع السيارة وضمان الكاسيت والكتالوج بتاع العربية6-.شيك على الروافع مثل : الولاعة بتاعت العربية وطفاية السجاير وعلى الاريال7-.شيك وبص على المياة بتاعت السيارة من ميه مساحات والقربة والردياتير والبطارية.عشان بس لو فى حاجة نقصة مش تمشى على عماك.وتزودها فى اقرب مكان8-.اتاكد من وجود الاستبن (الكاوتش الاحتياطى )9-.نبص على شنطة العدة10-.نقعد على الكراسى اللى قدام ونحرك فيها لقدام وكمان لورا عشان نشوف هل فيها اى مشكلة ولالا , وكمان احزمة الامان11-.تشغيل الانوار كلها ونجربها سواء الانوار الداخلية جوة السيارة من نور الصالون والطابلوه ومن بره الفوجات والكشافات الامامية ولمبة الاستوب والفوانيس الخلفية12-.تتاكد من عمل المساحة وتشغل المياه بتاعت المساحة كمان13-.تفتح الابواب الاربعة والكابوت والشنطة وتشوفهم بيفتحوا ويقفلوا بسهولة ومفيش مشكلة فيهم ولالا14-.نتاكد من ان السنتر شغال ونتاكد من الريموت شغال ولالا15-.ركز فى استلام المفاتيح , فى عدد المفاتيح والريموت اللى بيجوا مع السيارة16-.نبص على عداد الكيلومتر واهم حاجة انه لايزيد عن 70 كيلو وكدا كتير كمان17-.التاكد من ان التكيف شغال ,لانك حتشغله بعد 500 كيلو فتكون مطمن ان مفيش مشكلة ...كفائته مش حتكون قوية لان العربية لسه جديدة ومش حيبان تبريده فى اللحظة دى لانك حتشغله لمدة دقيقة او اتنين بالكتير عقبال ما ترغى مع البائع ,المهم عشان بس تكون مطمن ان كل حاجة تمام ...وتاخد بالك هل فى اى قلق وهى واقفة ولالا مع تشغيل التكيف18-.اتاكد من ان الماتور صوته ناعم وهادى فى بداية التشغيل19-.حرك الدريكسيون يمين وشمال عشان تتاكد من عدم وجود اى مشكلة وصوت تزيق , وكمان شوف ظبط الدريسكيون لفوق ولتحت اخباره ايه20-.سخن السيارة وبعد ماتسخن اتاكد من ان المروحة اشتغلت بتاعت الرديايتير ولالا.....واخيرا العربيه لسه بتلين متزودش عن سرعة 90 وتجنب الزحمه وحاول يكون طريق مفتوح وبالتوفيق ومبروك مقدما.