رينو ميجان 2008 هاتشباك للبيع بالاسكندرية

السلام عليكم
للاسف للاسف للاسف قررت ابيع عربيتي الميجان2 عشان اجيب الفلوينس :(

العربية حالتها العامة ممتازة و متركبلها فلتر هوا K&N جايبه من امريكا و فيها DVD Pioneer bluetooth تقدر تتكلم منه في التليفون و تعرض افلام و يو اس بي.

العربية عاملة 104.000 كيلو لأن شغلي في الصحراوي عند البوابات و بحتاج سفر القاهرة كتير لكن مشاويري داخل البلد ضعيفة.
اللون فيراني غامق و هي اعلى فئة بانوراما جنط16 الاصلي سبور.

نيجي لأهم جزء..الصيانات من اول 1000 كيلو لحد 100 الف كيلو بالتوكيل كاملة مش بفوت حتى صيانة ال5000 ده بالنسبة للصيانات اما بالنسبة للاصلاحات اللي الحمدلله نادرة برضه كلها بلا استثناء في التوكيل من اول لمبة بايظة الى ترمبة البنزين الى الطنابير الى التيل...الخ. كله بالفواتير و مسجل عندهم طبعا و اللي هيكشف عليها في التوكيل هيعرف كل حاجة بقولها بنفسه.


المطلوب:92.000 جنيه.

موفق فى البيع

موفق فى البيع أن شاء الله....

ربنا يسهلك بيعها إن شاء الله ...

كتييييييييييييير اوي... اعزرني انا هدفي النصيحه

ربنا يسهل بيعها

تستاهل الثمن بس لليقدر قيمتها ... موفق في البيع

هو فيه حد بيبيع العربية دي .... دي زي الماس

موفق فى البيع بس السعر خيالى هتتباع بنص السعر دا بس دا مش معنا العربية وحشة لا العربية زى الفل بس عقل الى بيشترى انا شوفت عربيات زيها و ماشية كلوهات اقل 45 و 50 الف فى مدينة نصر سوق الجمعة اسف لو كلامى دايقق بس دى الحقيقة

اقتباس:

---

المشاركة الأصلية كتبت بواسطة kokowasfy

موفق فى البيع بس السعر خيالى هتتباع بنص السعر دا بس دا مش معنا العربية وحشة لا العربية زى الفل بس عقل الى بيشترى انا شوفت عربيات زيها و ماشية كلوهات اقل 45 و 50 الف فى مدينة نصر سوق الجمعة اسف لو كلامى دايقق بس دى الحقيقة

---

ليه بس يا باشا هتتباع بـ 46 الف يعنى !؟

هو 92 سعر كتير اه بس مش لدرجة انها تتباع بنص الثمن ..

بس عامة كل واحد حر يقدر قيمة حاجته زى ما هو عايز و الراجل مش هيجبر حد يشتريها منه .. البيع و الشرا نصيب فى الاخر

بس لو صاحب الموضوع يقبل نصيحة اخوية محتاج تراجع السعر شوية

هو انا عاوز بس اقول حاجة

العربية الميجان الهاتشباك فرنساوي مش تركي زي الميجان، السعر عالي على 2008 بس مش قوي يعني انا شايف ان ممكن تنزل 10 الاف علشان ال2010 و ال2009 السيدان بتلعب في رينج ال85

الميجان حالة لو عربية حالتها مش قد كدة هتتباع ب 60 و 55 لو موديل قديم زي مثلا 2005 بس لما هتجيبها هيطلع عينك اما لو متحافظ عليها فانت كدة هتبقى بتاخد جوهرة

عربية ممتازة بس غاليييية آوي
سعرك مبالغ فيه
لو علي 60 شاري

كلامى موجه لصاحب الموضوع فقط ومحدش يزعل منى لانى بصراحه شايف تعليقات ناس بتهرج مش بتتكلم جد واكيد هما ميعرفوش اى حاجه عن الميجان ولا عمرهم ركبوها اصلا ،،،،، سعر الميجان 2008 هاى لاين بحاله عربيه حضرتك لا تقل الان عن 85 الف انا بتكلم عن الميجان السيدان اللى هى تجميع تركى لكن عربيه حضرتك انا شايف ان سعرها الطبيعى 90 الف جنيه وصدقنى العربيه تستاهل اكتر من كده والشارى على السعر ده هو الكسبان لكن نعمل ايه فى الناس اللى عماله تفتى على الفاضى والمليان واللى عامله قيمه لعربيات تعبانه وبتبخس بسعر عربيات محترمه زى الميجان وبعدين العربيه ماشيه 105 الف كيلو وده عداد قليل جدا بالنسبه للميجان واسأل الناس اللى ماشيه بعربيتهم 350 الف ك وهما يقولولك

ال2008 بانوراما سيدان مش بتقل عن 80 الف اصلا

الناس بتهرج ولا ايه ؟؟؟؟؟؟؟؟؟؟؟؟

والله عمي اتفرج علي واحدة 2005 او 2006 معروضة علي ٥٥ الف. وماشية 80 الف كم بس
هي العربية تقيلة جداً في البيع
ولو روحت اي معرض هيقولك 55. 65
واسال

اقتباس:

---

المشاركة الأصلية كتبت بواسطة merooxx

والله عمي اتفرج علي واحدة 2005 او 2006 معروضة علي ٥٥ الف. وماشية 80 الف كم بس
هي العربية تقيلة جداً في البيع
ولو روحت اي معرض هيقولك 55. 65
واسال

---

الحالة بتفرق جدا في الميجان يا باشا
هي عربية عموما عايزة اللي يقدرها لأن فعلا اللي ما يعرفها يجهلها
انا ليا زملا لما بيركبوا معايا بيندهشوا من كم التجهيزات اللي في العربية و بيبقى الواحد فيهم فاكر ان عربيته اعلى منها

اقتباس:

---

المشاركة الأصلية كتبت بواسطة Merooxx

والله عمي اتفرج علي واحدة 2005 او 2006 معروضة علي ٥٥ الف. وماشية 80 الف كم بس
هي العربية تقيلة جداً في البيع
ولو روحت اي معرض هيقولك 55. 65
واسال

---

الميجان المشنش مفيش اكتر منه فى السوق و سعره واقع و ٥٥ - ٦٥ على المشنش اللى فى السوق موديل ٢٠٠٥ و ٢٠٠٦ ده كتير عليها....العداد بيتلعب فيه بسهولة و العربيات دى هتصرف قد تمنها علشان تعرف تمشى بيها ده لو استحملت تصلحها و هتكره نفسك انك جبتها و دى فعلا تقيلة

الميجان صيانة التوكيل الحالة دى ملهاش تمن و عليها waiting list ملهوش اول من اخر فى التوكيل بشرط الحالة و صيانة التوكيل و سعتها انت بتبيع جوهرة و مطلوبة جدا زى ما الزملاء بيقولوا و بيدفع فيها اى سعر لانك بتشترى و تركب و ضامن فلوسك و ركوبتك

الميجان مش عربية بسيطة هتشتريها ب٥٥ الف و ب خمس بواكى تلمها و تغرقها و ترجعها تانى عروسة...لأ الخمس بواكى ميجيبوش فيها أربع فرد كاوتش

حضرتك الجيلى امجراند و لا الفيرنا مع كامل الاحترام و لا اقصد الاساءة ابدا هم اقل سعر سيدان موجود و محتاج ٨٠ الف على الاقل علشان تركبهم مع الفرق الشاسع
شوف انت بقى ميجان فرنساوى هاى لاين حالة متروسة كماليات و ركوبة بمعنى الكلمة و مضمونة تسوى كام؟
فيه اسعار كتير فى السوق بس حد منهم يرضى يعمل كشف توكيل و يبين العربية مخبيه ايه جوه؟؟؟!!!!!!!

لا تتنازل عن السعر 90 الف سعر ممتازا اللي بيدور معارف يعني ميجان نظيفه يشتري

يجمعاة 90 الف اية انزل بس سوق الجمعة مدينة نصر و شوف الاسعار شكلها اية اخرها اينا كانت الحالة الاقصى حالة 70 الف اسئل مجرب فى البيع و الشرا و دا كلام ناس اشترتها من السوق حالات فابريكا جدا و عداد اقل من كدا بكتير و صيانة الوكيل و مديلا حديثة كمان اهم حاجة انزل بنفسك شوف الاسعار متسمعش كلام حد و انشاء اللة موفق فى البيع

يا اخواننا انا نزلت سوق الجمعة ايام ما كنت باشتري (الكلام ده من سنتين)
اولا العربيات كلها 2005 و 2006 , مافيش فيس ليفت اصلا هناك
ثانيا ما شفتش حالة احترمتها و لما جبت ما جبتش من هناك

انا مش فاهم ازاي حد عايز يساوي بين 2006 في السعر و 2008

مستغرب و الله

يا جماعه الموضوع سهل اللي عاوز ميجان من اللي 65 يروح يشتريها من السوق والراجل يبيع عربيته بالسعر اللي هو عاوزه
عن نفسي معاي واحده 2006 ومعروض علي 85 وانا مش هبيع

السعر ممكن يقل لغاية 88 مثلا، إنما أقل من كده خليها معاك أحسن مش هتلاقي عربية زيها في السعر ده أصلا وهتندم انك بعتها.

الشكر الجزيل لكل من رد بالموضوع و تعب نفسه و حاول يفهم الناس اللي ملهاش في اسعار الميجان النظيف.
و عموما اكيد اللي شايف انه عايزها و جاد ممكن نتكلم في السعر بس بحدوده المعقولة زي ما اكثر من زميل هنا قال.

ربنا يوفقك في البيع .. العربيه جميله و تستاهل بجد

بسم الله
الزميل العزيز اللي بيقول السعر كبير و تستاهل نص تمنها
مع أحترامي ليك نص تمنها اللي هو 46 ألف ده يساوي الوقتي تمن الخنفسه المعفنه مع أحترامي للي راكبها أسبرانزا a113 عامله فوق ال 90 ألف كيلو !!!!!!!!!!
حرام والله .. أتمني كامل التوفيق لصاحب الموضوع و اللي واخد العربيه دي بجد كسبان ..
أتمني منفضلش نرخص تمن العربيات المحترمه للحد ده ..
أتمني الناس تفهم .. عربيه زي الأسبرانزا و الجيلي و الحاجات العجيبه دي لما تاخد صيت في مصر و توصل للأرقام اللي انا شايف اقل ما يقال ضعف تمنها الأصلي و الناس بتتكالب عليها معرفش ليه .. تبقي وصمه عار في حق سائقي السيارات في مصر ..
مجرد وجهه نظر شخصيه لو معجبكش رأيي أعتبر نفسك مقريتوش ..

النهائي ممكن يكون كام ولو أمكن تبعتلي صور ليها ؟

سوق الجمعه ايه يا جدع اللى كله تجار بتلم العربيات التعبانه وتلصمها وبعد كده تلبسها لاى حد غلبان تتعبه طول ماهى معاه اللى عاوز يشترى عربيه محترمه يخدها من صاحبها اللى راكبها لان العربيه لو تاجر ركبها يوم واحد بس يبقى انتهت

مع كامل احترامي للناس الى بتقول سوق الجمعة ... انا ساكن قريب من السوق و نزلت قريب اشوف ايه الأخبار عشان برضه هغير عربيتي .
سوق الجمعة ده عبارة عن صندوق زبالة والعربيات الى فيه اقل ما يقال عليها انها كنب وحرام يتقال عليها عربيات اصلاً والناس الي بتفهم وحطو تحت بتفهم ديه مليون خط عمرهم ما بيشترو من المزبلة ديه
وبرضه العربيات النضيفة بتتخطف خطف مش هتستني تنزل السوق عشان تتباع

لصاحب الموضوع السعر كويس جداً ومتفرطش فيها بسعر قليل وحاول تشوف حد تعرفة احسن ياخدها منك وتبقى اديته هدية

يا ريت لو صاحب الموضوع جاد في البيع يبعتلي السعر النهائي وصورة ليها عالخاص
وربنا يوفقك في البيع.......

موفق في البيع