السلام عليكم
انا عضو جديد بالمنتدى بصراحة استفدت كتير من المواضيع فى المنتدى والحمد لله ربنا وفقنى واشتريت بي واي دى اف 3 اوتوماتيك 2014 وحبيت اوضح انطباعى الاول عن السيارة خصوصا اني ركبت النترا 2006 واوبترا 2009.
اولا الايجابيات
1- الثبات ما شاء الله كويس جدا افضل من الالنترا
2- السحب ممتاز والتجميع جيد جدا
3- صوت الموتور مش عالى زى ما كنت فاكر
4- ابعاد العربية ممتازة تقدر تاخد عليها بسرعة
5- التوكيل مش سيئ للدرجة اللي ناس متخيلاها
ثانيا السلبيات
1- عزل الاصوات الخارجية مش كويس
2- فى تخبيط فى العفشة فى الطرق غير الممهدة ورحت التوكيل الصوت خف بس مراحش وفى كمان صوت تزييق اتمنى لو فى حد كان عنده نفس المشكلة وحلها يقول عليها
3- اكتشفت بعد استلام العربية ان المراية اليمين مبتقفلش بس كانت حاجة بسيطة واتعملت فى التوكيل
سعر العربية 92000 جم
فى المجمل العربية جيدة جدا بالنسبة لامكانياتها وبالنسبة للاسعار الموجودة اليمين دول وبشكر كل الناس اللي بتنصح بشراء العربية دى.