لأصحاب الويرا فقط أرجو المساعدة

**أبومعاذ** · 25-09-2008 01:43 PM

المشاركة الأصلية كتبت بواسطة aeltokhy

شكرا ليك إنت وأسف للرد متأخر
بالنسبة لآقصى سرعة جبتها بيها كانت 160 ودة كان فى الطريق الغربى بتاع بنى سويف والكريمات بس أنا مازودتش عن كدة
بخصوص قطع الغيار أنا مش شايف أى مشكلة
أما بخصوص أخينا صاحب هذة المداخلة ففى ذيه كتير حب العربية ولأنة سال ناس
يمكن كانوا راكبين فيات و طبعا قطع غيار الفيات رخيصة فها يقولك أن قطع غيار الويرا نار
"كانت مع واحد قريبي و كان بيشتكي من عدم توافر قطع الغيار و ارتفاع سعرها فياريت قبل ما تشتريها تسال على بعض قطع الغيار اللي ممكن تحتاجها كل فترة زي الفلاتر و السيور و الفوانيس ......."
وياريت تسأل صاحبك منذ متى وهو شاريها وفضلت معاه أد إية أكيد دة من زمان لأن العربية كانت مش معروفة
ونصيحة لكل إلى ناوى يشتريها لازم يكون بيعشقها لأنه هايسمع كلام غريب
فلو بيحب العربية هينفض لكل الكلام الغريب دة

هو باعها من شهرين و كان جايبها زيرو سنة 2001 و انا نصحته انه يسال بنفسه عشان دا احسن حل

**monos1** · 25-09-2008 03:21 PM

فعلا هى نزلت من 97 الى 2000
ثم تم تغيير الوكيل الى عز العرب و التى كانت صفقة ناجحه للطرفين و نزلت من 2004الى2006

اخى العزيز العربية كان سعرها رخيص جدا ايامها فاللى اشتروها معظمهم فعلا من راكبى الفيات و كانوا بيعاملوها زى الفيات يعنى اى ميكانيكى تحت السلم و فاكرين حاجتها بنكله فبالتالى كتير منهم اشتكوا و عملت معاهم مشاكل انا اعرف واحد اشترى2004 و كان بيصلحها عند الميكانيكى بتاع عربيته الشاهين عاوز اقول لحضرتك جاب اجلها فى ظرف 6شهور و كل اللى يساله يقول له عربية سيئة!!!!!!!!
ما علينا احنا خلصنا ضميرنا و ربنا يوفقك وتحت امرك فى سؤال او استفسار عن الويرا

**أبومعاذ** · 25-09-2008 03:24 PM

المشاركة الأصلية كتبت بواسطة aeltokhy

انا مستغرب للموديل دة 2001 أخر علممى إنها نزلت 99+2000
وتوقف إستيرادها إلى 2004
فغريبة أوى الموديل دة

علم حضرتك مش مظبوط و ياريت تسأل حد يعرف هيقولك انها كانت بتنزل لحد 2006

**أبومعاذ** · 26-09-2008 02:59 AM

المشاركة الأصلية كتبت بواسطة aeltokhy

انا إصدى إنها من 2001إلى 2003 لم يتم إستيرادها لكن بعد كدة من 2004 إلى 2006 كانت بتنزل أمال 1500 نزلت إمتى
ياشيخ محمد أنا حاسس من كلامك بالهجوم على كلامى وعلى العربية مع إنها دولة إسلامية؟؟؟؟؟؟؟؟؟؟؟؟؟؟؟؟

انا و الله مش متحامل على العربية و بالعكس انا لسة لما بشوفها في الشارع بتعجبني جدا و كنت فعلا خلاص هجيبها بس قلقت من كلام قريبي
وكل خوفي ان صاحب الموضوع يتدبس و عشان كدا حبيت انصحه يسال بنفسه على قطع الغيار
ولو دورت على مواضيعي هنا في المنتدى هتلاقي اني كنت هغير العربية بتاعتي من فترة و كانت احد العربيات المرشحة بقوة هي الجين 2
ياريت تسامحني لو كان كلامي اللي فات ضايقك و رمضان كرييييييييييم