لأصحاب الويرا فقط أرجو المساعدة

**Tam** · 23-09-2008 07:20 AM

السلام عليكم..أولا أحب أقول إن المنتدى دة بجد أكتر من رائع
ثانيا أنا إشتركت مخصوص لأني لسة راجع النهاردة من عند صديق عنده معرض سيارات..لأني هاغير عربيتي إن شاء الله..أنا من زمااااان أوي باحب الويرا..باحس إنها رياضية وسلسة..ولما سقتها من فترة كانت جميلة جدا ما شاء الله..فأنا لي طلبين(غلاسة بقى):
الأول هو إيه هي عيوب العربية دي..وأنا على ما أتذكر قطع غيارها كانت عادية..لكن واحد صاحبي كان معايا بيقوللي إنها نار!

ثانيا بقى..بالنسبة للعربية نفسها..هي موديل 2000 موتور 1300 مانوال طبعا..تكييف وباور و2 زجاج كهرباء..(لو ربنا أراد أكييييد هاركب 2 ورا أول حاجة)والعربية فابريكة برا وجوة..وبصراحة تكييفها ممتااااز..
نيجي للطلب بقى(كل الرغي دة ولسة ماقلتش)
العربية دي تعمل كام؟هو قال لي أخرها 38..وحالتعا فعلا جيدة جدا يعني مش محتاجة مصاريف غير الأساسية..إيه رأيكم كدة؟وبالنسبة للموتور ال 1500 المانوال لو حبيت أركبه هل هيكون في مشاكل؟والسعر تقريبا كام؟(كل دة طلب واحد يا رخم؟؟؟!!)
معلش طولت عليكم بس بجد المنتدى يشجع
أرجو الرد بسرعة لأني عايز أجيب عربية في خلال أسبوعين...شكرا مقدما..
السلام عليكم..

**aeltokhy** · 23-09-2008 07:52 AM

المشاركة الأصلية كتبت بواسطة damned_t

السلام عليكم..أولا أحب أقول إن المنتدى دة بجد أكتر من رائع
ثانيا أنا إشتركت مخصوص لأني لسة راجع النهاردة من عند صديق عنده معرض سيارات..لأني هاغير عربيتي إن شاء الله..أنا من زمااااان أوي باحب الويرا..باحس إنها رياضية وسلسة..ولما سقتها من فترة كانت جميلة جدا ما شاء الله..فأنا لي طلبين(غلاسة بقى):
الأول هو إيه هي عيوب العربية دي..وأنا على ما أتذكر قطع غيارها كانت عادية..لكن واحد صاحبي كان معايا بيقوللي إنها نار!

ثانيا بقى..بالنسبة للعربية نفسها..هي موديل 2000 موتور 1300 مانوال طبعا..تكييف وباور و2 زجاج كهرباء..(لو ربنا أراد أكييييد هاركب 2 ورا أول حاجة)والعربية فابريكة برا وجوة..وبصراحة تكييفها ممتااااز..
نيجي للطلب بقى(كل الرغي دة ولسة ماقلتش)
العربية دي تعمل كام؟هو قال لي أخرها 38..وحالتعا فعلا جيدة جدا يعني مش محتاجة مصاريف غير الأساسية..إيه رأيكم كدة؟وبالنسبة للموتور ال 1500 المانوال لو حبيت أركبه هل هيكون في مشاكل؟والسعر تقريبا كام؟(كل دة طلب واحد يا رخم؟؟؟!!)
معلش طولت عليكم بس بجد المنتدى يشجع
أرجو الرد بسرعة لأني عايز أجيب عربية في خلال أسبوعين...شكرا مقدما..
السلام عليكم..

و عليكم السلام ورحمة الله وبركاتة
ألف مبروك مقدما وكتير ها تلاقى إلى هايفتى بدون علم فسيبك منة أنا معايا الويرا موديل 2005 وكنت راكب قبلها 2004 وماغيرتهاش إلا لصديق ذى حضرتك وبرضة كان حابب الويرا بس اللون ماكنش عاجبة (إسود)فإديتة عربيتى الذهبى الميتالك وأخذت الإسود معلش طولت عليك
المهم العربية ماشاء الله تحفة بالنسبة لسعرها بس نصيحة خاصة بالاش تروح لآى صنايعى وخليك فى المتخصص عبشان فيها حاجتين بيبوزو بسرعة ذى البوابة والكنترول يونت لو الراجل الى شغال فى العربية مش عارف ليها أنا قبل كدة حصل معايا موقف مش ظريف عند أتو ماجد كنت رايح أغير زيت وسيور فطيارولى كنترول يونت
الخلاصة
1-قطع الغيار مش نار ولاحاجة دى عادية وممكن تدخل فى نفس الموقع على أسعار قطع الغيار وإنتشارها فهى نفس البطة مع إختلاف فى بعض إجزاء الموتور
2-إتقد عادى إنك تحطلها موتور 1500 ولو إنى مش حاسس إنة هيفرق كتير ف 1300 ممتاز وربنا يوفقك وكل سنة وإنت طيب

**Tam** · 23-09-2008 08:17 AM

ألف شكر يا طوخي..وأنا فعلا كنت عايز رد الناس اللي زيك..اللي معاها أو كانت معاها العربية دى..طب إيه نظام العربية في الجري على سرعات عالية؟يعني ناعمة وثابتة ولا هتجعر وتفضل تتنطط بية؟أنا لما جربت واحدة من فترة ما زودتش عن 130 بحكم إني لسة ما أخدتش عليها ولا أعرف إيه نظام فراملها هتلحقني ولا الإسعاف اللي هيلحقني..فا إيه نظامها في السرعات العالية؟بتفضل مريحة ولا إيه؟وأقصى سرعة ليها كام عموما؟لأن هي عدادها 200
وشكرا مرة تانية واسف للإطالة..وبالمناسبة أنا باعشق اللون الأسود..والعربية دي لونها أبيض..

**monos1** · 23-09-2008 11:18 AM

أخى العزيز
العربية اكثر من رائعه انا معايا ويرا 2005 \ 1500 اتوماتيك
العربية ممتازة فى الجرى انا وصلت ل 170 كم العربية ثابتة و متماسكة جدا
انا زى اخونا الطوخى اؤيد جدا انك ما تعملش صيانه بره انا حتى الان كل صيانتها فى التوكيل يمكن اغلى من برة شوية بس انا مرتاح و عربيتى مرتاحه و مفيش مفاجات و انا ماشى
انا حتى الان عامل بيها 110 الف كيلو معظمهم سفر
العربية ممتازة و سعرها لقطة و مبروك مقدما

**Tam** · 24-09-2008 12:06 AM

السلام عليكم..ألف شكر أخ monos وربنا يبارك لك وكل الأعضاء في عربياتهم..كدة إن شاء الله هاتوكل على الله وأجيبها...وياريت لو حد كمان يقول لي إيه الحاجات اللي ممكن تتركب للعربية وتحسن أداءها عشان تكون أحسن إن شاء الله..ومشكورين جداااااا

**أبومعاذ** · 24-09-2008 12:19 AM

كانت مع واحد قريبي و كان بيشتكي من عدم توافر قطع الغيار و ارتفاع سعرها فياريت قبل ما تشتريها تسال على بعض قطع الغيار اللي ممكن تحتاجها كل فترة زي الفلاتر و السيور و الفوانيس .......

**monos1** · 24-09-2008 04:42 PM

على فكرة الاسعار الموجودة هنا فى المنتدى حقيقية و احيانا اكتر من الواقع و قطع الغيار متوفرة عند التجار المذكورين
كل من قال ان قطع الغيار غالية او غير متوفرة اكيد اكيد معندوش ويرا
نصيحه من اخوك الغير (ده بعد إذنك طبعا ) لا تاخذ نصيحه خاصة باى امر الا من اللى فعلا مجرب لهذا الامر

**أبومعاذ** · 24-09-2008 10:49 PM

المشاركة الأصلية كتبت بواسطة monos1

على فكرة الاسعار الموجودة هنا فى المنتدى حقيقية و احيانا اكتر من الواقع و قطع الغيار متوفرة عند التجار المذكورين
كل من قال ان قطع الغيار غالية او غير متوفرة اكيد اكيد معندوش ويرا
نصيحه من اخوك الغير (ده بعد إذنك طبعا ) لا تاخذ نصيحه خاصة باى امر الا من اللى فعلا مجرب لهذا الامر

انا كنت هشتري العربية دي و عشان هي كانت مع قريبي سالته عليها و غالبا الناس بتشكر في عربيتها بس الراجل دا كان حيادي و قالي على رايه بصدق و عموما انا شايف الافضل لصاحب الموضوع انه يسأل على قطع الغيار بنفسه عشان يتطمن و ياريت يسأل كمان على الصاج و الفوانيس