عرض للطباعة
انا معايا كريستالة موديل 1998 و غيرت العداد بتاعها و جبت واحد جديد استيراد ...القديم كان قاطع 99500 كيلو و الجديد 180000 يعني الضعف تقريبا ... سؤالي هل دة ممكن يأثر أو يفرق في بيع العربية مع العلم ان انا استخدامي ليها قليل و مش ناوي ابيعها دلوقتي ( على اساس لو هابيعها على المدى البعيد) يا ريت لو تفيدوني
طبعا هيفرق محدش هيصدك وبكذب العداد روح لصنايعي يضبطهولك
تماام .. بس انا اروح عند كهربائي ولا ايه و بعدي هو هيصفره ولا يخليه نفس القديماقتباس:
المشاركة الأصلية كتبت بواسطة مهند-النجار
طالما حضرتك العداد الاصلي عامل الكيلو متر دهاقتباس:
المشاركة الأصلية كتبت بواسطة a.hatem
يبقي انت مش حرام انك تنزل العداد الجديد لنفس العداد القديم
في كذا واحد بتوع عدادات في الحرفيين
الموضوع بيتكلف تقريبا 100 في الحدود دي
ومن حيث التأثير علي البيع والشراء طبعا هيفرق لان موتور عامل 100 ألف غير 200 ألف
هيأثر و يفرق طبعا
عموما الكهربائية اللي في الحرفيين بيعرفوا يلعبوا في العدادات و يخلوها قريبة من عدادك الاصلي
بس كان حقك عملت كده و انت بتركب , انا عملت الحركة دي قبل كده لما كنت باغير عدادات برده
متابع
ما هو المشكلة ان انا مش من القاهرة اصلا انا من المنصورة ... و العداد دة انا جايبه من عند كهربائي كويس و شاطر بس مش عارف هايقدر يرجعه زي الاصلي ولا لااقتباس:
المشاركة الأصلية كتبت بواسطة تامر.محمد
هو بقى الصنايعيه دول يعرفو يلعبو فى عداد اى عربيه ولا عربيات معينه ؟
اى عربيه يعملوها
طيب هو ممكن كهربائى يعمل الحكاية دي ولا لازم صنايعي بتاع عدادت بس لان انا من المنصورة و مش هاقدر اروح الحرفيين
اي كهربائي .... وفي كهربائي اعرفه في سمنود بيعمل كدة لو تحب تروحله اوصفهولك
في كهربائي كويس اعرفه هنا في المنصورة هشوف عنده ،،،اصل سمنود بعيدةاقتباس:
المشاركة الأصلية كتبت بواسطة tarek_asem
و متشكر جدا على رد حضرتك :36_1_1[1]:
لا شكر على واجب بس سمنود اقرب كتير من مشوار جوة زحمه المنصورة اليومين دول الموضوع كله نص ساعه بالكتير
طيب تمام ... يا ريت لو توصفهولي و يبقى كتر خيركاقتباس:
المشاركة الأصلية كتبت بواسطة tarek_asem
اول ما تدخل سمنود هيقابلك كوبري تطلعه وتنزل منه كانك رايح اجا ... هتزل وتمشي شويه صغيريم ميجوش ١٠٠ متر تلاقي كوبري تاني فوق النيل ... قبله هتلاقي موقف ميكروباص خليه على شمالك وادخل يمين .. وافضل ماشي مع الطريق هتلاقي فرع صغيييير اجلبنك مصر على يمينك كمل كمان على طول لحد ماتلاقي مسجد على شمالك وعلى يمينك واحد بتاع قطع غيار وكماليات سيارات ... ادخل الشارع اللي على يمينك ده وامشي كام متر كده هتلاقي بوكس كهربا على شمالك ... اسال اي حد هناك فين ورشه احمد فيشه الكهربائي هيوريهالك على طول
تمام كدة ... متشكر جدا على تعبك يا استاذ طارقاقتباس:
المشاركة الأصلية كتبت بواسطة tarek_asem