الموضوع باختصار ان انا وزوجتي بانتظار وصول اول مولود. وكنت عاوز اعرف اراءكم في الاسامي اللي تليق علي اسمي المعتز بالله ولاد وبنات ايا" كان المولود لاننا لسه منعرفش بصراحه. وادعوله يوصل بالسلامه بقا.
عرض للطباعة
الموضوع باختصار ان انا وزوجتي بانتظار وصول اول مولود. وكنت عاوز اعرف اراءكم في الاسامي اللي تليق علي اسمي المعتز بالله ولاد وبنات ايا" كان المولود لاننا لسه منعرفش بصراحه. وادعوله يوصل بالسلامه بقا.
اولا الف مبروك وربنا يرزقك بالذريه الصالحه
متهيئلى احمد او محمد المعتصم بالله هيبقى معبر اوى
انما بنات مش عارف الصراحه
شكرا لمشركتك. انا كنت خلاص هفقد الامل بعد ٧٦ مشاهده.
انا للاسف اخويا عنده احمد ومحمد فا حد هنا عنده اقتراح تاني
الف مبروك على المولود وان شاء الله يوصل بألف سلامة
لو ولد ممكن تسميه
أدهم .. أنس .. تامر .. حازم .. أسامة .. ماجد .. حسام .. فارس .. مازن
لو بنت
نورسين ( يعني ضوء القمر ) .. سيرين .. سما .. جودي ( اسم من القرأن ومعناه الجبل اللي استوت عليه سفينة نوح ) .. ميس .. جنى .. روان
دول اللي في دماغي دلوقتي وحبيت اجيب اسماء مش منتشرة اوي بردو في نفس الوقت
والف مبروك ويتربى في عزك ان شاء الله :)
أحب الاسماء إلي الله ( عبد الله وعبد الرحمن ) ثم اسماء الانبياء ثم اسماء الصالحين من الصحابه ومن بعدهم فتخير من هؤلاء اسماً
ابعد عن الاسماء اللي ممكن يكون الطفل عنده لدغه فيها
فيتحرج وهو بينطق اسمه
وعن الاسماء اللي حروفها ملهاش مرادف في الانجليزي
زي الاء مثلا
بعيدا بقي عن الموضه او معني الاسم
لان الحاجات دي حتفرق في حياتهم العمليه بعد كده
وربنا يجعلهملك خير خلف وسند ليك في الدنيا
عبدالله المعتز بالله
وربنا يباركلك فيه او فيها
عزيزي المواطن بعد اخذ اراء زوجتي العزيزة كانتالاقتراحات كالتي رك معانا
ان شاء الله ان كان المولود ولد سمي اسمه مازن المعتز بالله
وان كان المولود بنت سمي عزة المعتز بالله
ودمتم للنضال واستعد وخلي قلبك جامد
يتربوو في عزك
فكّر في اسامي الظبّاط ( سراج, مهاب, شهاب)
d:
اسم ولد يوسف المعتز باللة
مدثر ولد و فاطمة بنت
1000مبروك ربنا يبارك لك في المولود
رجاء سمي اي اسم
بس بلاش الاسماء اللي عايز مختار الصحاح والمعجم الوجيز لتفسيرها
عموما اولادي
يحيي
يوسف
هاجر
رقيه
مبروك مقدما ويتربى فى عزك باذن الله
وسام المعتز بالله
الف مبروك
ان شاء الله تيجي او ييجي او يجو بالف سلامه
انا عندى اسم للبنت بس وهو((ميسون المعتصم بالله)) معناه الرزينه او الهادئة
ده اللى عندى وشوف باقي الردود
ممكن سراج الدين المعتز بالله
او على الدين المعتز بالله، او حاجة على نفس الوزن
ولو بنت، هناء، حبيبتةُ، نور،
مالك (إسم ولد)..والله ما يغلى عليك يا غالى.
صبا(إسم بنت)...بكسر الصاد.
بما ان اسمك مركب
بلاش تسمى الولد او البنت اسماء مركبه
علشان الاسم مايبقاش طويل
والاسماء تبقى خفيفه فى النطق مثل
مهند -جنه
سيف المعتز بالله :d تحس إنه مُحارب كده
نور المعتز بالله يمشي ولد وبنت
جرب " سيف المعتز بالله
مهاب