تقرير قبل صيانة الالف byd f3 اتوماتيك:ملاحظات ونصائح

بسم الله الرحمن الرحيم
السلام عليكم ورحمة الله وبركاته
الاخوة الافاضل هذه بعض الملاحظات على اداء السيارة بعد حوالى 900كم وقبل صيانة الالف :
1.العربية ما شاء الله واسعة ومريحة وكمان تحس انك عالى عن الارض غير بعض اللعربيات تحس انك بتغطس فيها .
2.استهلاك بنزين عالي جدا جدا يعنى اول مرة 42لتر عملت 375 كم حوالى 8.9 كم لكل لتر،تانى مرة 45لتر عملت 300 كمحوالى 6.6 كم لكل لتر ،كل تحركاتى داخل المدينة وفي طرق متكسرة وبالطبع مفيش تكييف ،طبعا استهلاك لا يوصف.
3..السحب الكل بيشكر فيه الا عندى العربية بتطلع من السكون بضغطة بنزين بسيطة بس علشان تسحب لازم ارفع rpm الي 2اللي اخره بيجيب سرعة 70 كم طبعا بعد الحرق عليه.
4..العربية بترزع في المطبات والطرق المكسرة وفي خبطة من الخلف يمين عند النزول من مطب عالى شوية.
5.. الفرامل الامامية يمين فيها صوت مش مستمر
6..الانوار وطبيعة التقفيل المصري ،عايز تظبيط والناس كانت بتزعل اوى مع النور الواطى لانه عالى . ايضا الفانوس الامامى شمال مش راكب في تجويفه كويس وعايز يضبط. ايضا ذراع النور في تكة عند استخدام اشارة يمين يعنى مش ناعم وبيجى بسلاسة زى الشمال
7..في صوت خبط اسفل العربية كانك ماشي في منطقة رملية او حصو،،يمكن علشان مفيش دالايات!؟
8..في صوت ونة بسمعه وانا داخل السيارة ومقفل كل الزجاج وكنت ذهبت للمهندس اامحترم م.محمود في توكيل الشرابية وطمنى انه من الباور بس بصراحة هو صوت مزعج لما يكون الجو هادى وعايز تستمتع بالقيادة واحساسي انه ممكن يكون بسبب سوء العزل وخوفى يكون له علاقة بالسحب واستهلاك البنزين ،ربنا يستر ويكون الموصوع بسيط.
ان شاء الله تكون مشاكل بسيطة ولكن من باب الامانة كتبتها لأخذ النصيحة منكم ومتابعتها بعد الصيانة الاولى ان شاء الله هذا الاسبوع
ومنتظر ارائكم
شكرا للاخ الفاضل وليد علي اهتمامه وجزاكم الله خيرا

انا مع حضرتك فى استهلاك البنزين دة اتعمدت امشى مشوار على 100 بس كنت رايح العين السخنة صد رد مشيت حوالى 300 كيلو رجعت حطيت حوالى 28 لتر بنزين طبعا لما بمشى مشى الطبيعى من 140 الى 160 الاستهلاك بيبقى وحش قوى مش عارف دة الطبيعى ولا فى حاجة عايزة تتظبط اللانسر كان نفس المشى والموتور كان فية طقم شنبر وكنت بعمل 420 كيلو بحوالى 30 الى 32 لتر مع مشى فوق ال 160 والله

حتاخد أحسن أداء لاستهلاك البنزين بعد 5000ك وكل ما تمشي بيها الأداء حيتحسن أهم حاجة إجراءات التليين الصحيحة .. وبالنسبة للمشاكل اللي أنت ذكرتها قولها في صيانة الألف وإن شاء الله تتظبط .

اقتباس:

---

المشاركة الأصلية كتبت بواسطة bassem.naguib

حتاخد أحسن أداء لاستهلاك البنزين بعد 5000ك وكل ما تمشي بيها الأداء حيتحسن أهم حاجة إجراءات التليين الصحيحة .. وبالنسبة للمشاكل اللي أنت ذكرتها قولها في صيانة الألف وإن شاء الله تتظبط .

---

شكرا باسم باشا
ولكن من غير المعقول يظل الاستهلاك بهذا الكم لحد 5000كم ولو اتحسن هيبقى اد اية ؟؟ يعنى دلوقتى سيئ جدا بعد كده هيكون سيئ بس .!!! احساسي ان في مشكلة في سيارتى خاصة اذا اخذا في الاعتبار صوت الونة بالاضافة الى السحب الغير جيد ،،

اقتباس:

---

المشاركة الأصلية كتبت بواسطة hamada hendawy

انا مع حضرتك فى استهلاك البنزين دة اتعمدت امشى مشوار على 100 بس كنت رايح العين السخنة صد رد مشيت حوالى 300 كيلو رجعت حطيت حوالى 28 لتر بنزين طبعا لما بمشى مشى الطبيعى من 140 الى 160 الاستهلاك بيبقى وحش قوى مش عارف دة الطبيعى ولا فى حاجة عايزة تتظبط اللانسر كان نفس المشى والموتور كان فية طقم شنبر وكنت بعمل 420 كيلو بحوالى 30 الى 32 لتر مع مشى فوق ال 160 والله

---

شكرا استاذ حماده ولكن استهلاكك للبنزين برضه احسن بكثر منى ،وعايز اعرف الاستهلاك الوكش بيقي اد ايه ؟ وهل عندك اي صوت في السيارة ؟ وكمان سحب العربية مقارنة بعداد rpm

اقتباس:

---

المشاركة الأصلية كتبت بواسطة mohhassan

شكرا باسم باشا
ولكن من غير المعقول يظل الاستهلاك بهذا الكم لحد 5000كم ولو اتحسن هيبقى اد اية ؟؟ يعنى دلوقتى سيئ جدا بعد كده هيكون سيئ بس .!!! احساسي ان في مشكلة في سيارتى خاصة اذا اخذا في الاعتبار صوت الونة بالاضافة الى السحب الغير جيد ،،

---

المشاكل والأصوات اللي بتسمعها إن شاء الله حتتحل في أول صيانة .. والاستهلاك زي ما بقولك إن شاء الله حيتحسن كل ما تمشي بالعربية لحد ما يوصل لمعدله الطبيعي 10 : 11كم/لتر في المدينة .

ولو أن موضوع استهلاك البنزين ده مواااااااااال كبير وبيفرق من طريقة السواقة من واحد للتاني .. دور في موضوعات المنتدى أو على ما أتذكر كان فيه موضوع او اتنين في القسم هنا عن استهلاك البنزين أكيد حيفيدوك .

السلام عليكم

د/ </B>mohhassan

استهلاك البنزين حله بسيط في خطوتين مع افتراض طريقة القيادة المعتدلة

1- عمل ريست لمسطرة الرشاشات بالكمبيوتر وده مهم جدا وإتأكد بنفسك من الخطوة دي لأني شفت الفني بيوصل الجهاز ويختبر حجات تانية ومش بيعمل الريست ده مش عارف بيكسلوا ولا ايه...
2- ضبط سن البوجيهات علي 1.2 وليس 0.7 وده بيعارضه الفنيين في التوكيل بدون مجال للنقاش واعتبار ده تعدي سافر علي اختصاصاتهم رغم إنه اللي وصي بكده م/ أسامة مبروك مدير الصيانة في فرع إسكندرية بناء علي سؤاله هو نفسه للشركة الأم بالصين وبعد تجربته عمليا بعربيتي.

خالص تحياتي

شكرا للردود والاخ وليد هل اطلب منهم يعملو رييت لمسطرة الرساشات وتعديل سن البوجيه ؟ وواضح انه لو قلتلهم كده هيرفضوا .!!

شكرا لجميع المشاركين وكنت اتمنى ردود من اااعضاء مالكى byd حديثا مثل maybe - morabet8 -hamada hendawy وهل عندهم نفس او بعض الملاحظات

بالنسبة لاستهلاك البنزين هو فعلا عالى شوية بس زى ما الاستاذ باسم بيقولك هيتحسن اما موضوع الانوار انا كان عندى نفس المشكلة وروحت فر القطامية واتظبطت بسيطة لكن بالنسبة للطلعة بتاعت العربية لازم تقولهم عليها لان العربية ف الاول بتنط من غير متدوس بنزين اما اصوات اللى بتسمعها ان شاء الله هتتظبط مع تربيط العفشة بالنسبة لصوت الدريكسيون فانا بسمع صوت مع اول طلعة بالعربية بس وان شاء الله حاجات بسيطة متقلقش منها وربنا يباركلك فيها

ربنا يباركلك فيها وزي ما الاستاذ باسم قال علي موضوع إستهلاك ابنزين أنا فعلا حاسيت بكده في الأول ودلوقتي العربية عاملة معايا 8000 ك والإستهلاك بمعدل 12 كم /1لتر بنزين

اقتباس:

---

المشاركة الأصلية كتبت بواسطة morabet8

بالنسبة لاستهلاك البنزين هو فعلا عالى شوية بس زى ما الاستاذ باسم بيقولك هيتحسن اما موضوع الانوار انا كان عندى نفس المشكلة وروحت فر القطامية واتظبطت بسيطة لكن بالنسبة للطلعة بتاعت العربية لازم تقولهم عليها لان العربية ف الاول بتنط من غير متدوس بنزين اما اصوات اللى بتسمعها ان شاء الله هتتظبط مع تربيط العفشة بالنسبة لصوت الدريكسيون فانا بسمع صوت مع اول طلعة بالعربية بس وان شاء الله حاجات بسيطة متقلقش منها وربنا يباركلك فيها

---

شكرا للاهتمام وان شاء الله كله يتحلل في التوكيل

اقتباس:

---

المشاركة الأصلية كتبت بواسطة sv065

السلام عليكم

د/ </b>mohhassan

استهلاك البنزين حله بسيط في خطوتين مع افتراض طريقة القيادة المعتدلة

1- عمل ريست لمسطرة الرشاشات بالكمبيوتر وده مهم جدا وإتأكد بنفسك من الخطوة دي لأني شفت الفني بيوصل الجهاز ويختبر حجات تانية ومش بيعمل الريست ده مش عارف بيكسلوا ولا ايه...
2- ضبط سن البوجيهات علي 1.2 وليس 0.7 وده بيعارضه الفنيين في التوكيل بدون مجال للنقاش واعتبار ده تعدي سافر علي اختصاصاتهم رغم إنه اللي وصي بكده م/ أسامة مبروك مدير الصيانة في فرع إسكندرية بناء علي سؤاله هو نفسه للشركة الأم بالصين وبعد تجربته عمليا بعربيتي.

خالص تحياتي

---

والله ياوليد باشا جرّبت كل حاجة..ماعدا...1.2 بوجيهات
مش عارف موضوع الشرارة هيبقى مزبوط..ولاّ هتغربل..

الحمد لله تمت الصيانة بسلام وجاري التجربة ،،،وعمل تقرير بإذن الله

اقتباس:

---

المشاركة الأصلية كتبت بواسطة mohhassan

بسم الله الرحمن الرحيم
السلام عليكم ورحمة الله وبركاته
الاخوة الافاضل هذه بعض الملاحظات على اداء السيارة بعد حوالى 900كم وقبل صيانة الالف :
1.العربية ما شاء الله واسعة ومريحة وكمان تحس انك عالى عن الارض غير بعض اللعربيات تحس انك بتغطس فيها .
2.استهلاك بنزين عالي جدا جدا يعنى اول مرة 42لتر عملت 375 كم حوالى 8.9 كم لكل لتر،تانى مرة 45لتر عملت 300 كمحوالى 6.6 كم لكل لتر ،كل تحركاتى داخل المدينة وفي طرق متكسرة وبالطبع مفيش تكييف ،طبعا استهلاك لا يوصف.
3..السحب الكل بيشكر فيه الا عندى العربية بتطلع من السكون بضغطة بنزين بسيطة بس علشان تسحب لازم ارفع rpm الي 2اللي اخره بيجيب سرعة 70 كم طبعا بعد الحرق عليه.
4..العربية بترزع في المطبات والطرق المكسرة وفي خبطة من الخلف يمين عند النزول من مطب عالى شوية.
5.. الفرامل الامامية يمين فيها صوت مش مستمر
6..الانوار وطبيعة التقفيل المصري ،عايز تظبيط والناس كانت بتزعل اوى مع النور الواطى لانه عالى . ايضا الفانوس الامامى شمال مش راكب في تجويفه كويس وعايز يضبط. ايضا ذراع النور في تكة عند استخدام اشارة يمين يعنى مش ناعم وبيجى بسلاسة زى الشمال
7..في صوت خبط اسفل العربية كانك ماشي في منطقة رملية او حصو،،يمكن علشان مفيش دالايات!؟
8..في صوت ونة بسمعه وانا داخل السيارة ومقفل كل الزجاج وكنت ذهبت للمهندس اامحترم م.محمود في توكيل الشرابية وطمنى انه من الباور بس بصراحة هو صوت مزعج لما يكون الجو هادى وعايز تستمتع بالقيادة واحساسي انه ممكن يكون بسبب سوء العزل وخوفى يكون له علاقة بالسحب واستهلاك البنزين ،ربنا يستر ويكون الموصوع بسيط.
ان شاء الله تكون مشاكل بسيطة ولكن من باب الامانة كتبتها لأخذ النصيحة منكم ومتابعتها بعد الصيانة الاولى ان شاء الله هذا الاسبوع
ومنتظر ارائكم
شكرا للاخ الفاضل وليد علي اهتمامه وجزاكم الله خيرا

---

اريد ان اعرف كل شىء عن البى واى دى بعد ازنكو

بسم الله الرحمن الرحيم كان فى عضو اتكلم كتير اوى عن البى واى دى وقال فيها شعر لدرجة تخيلت انها احسن من البى ام ارجو من مالكى هذه السياره انهم يقولو رايهم فى العربه قبل ما اشترى

جزاك الله خير

اقتباس:

---

المشاركة الأصلية كتبت بواسطة mazen.com

اريد ان اعرف كل شىء عن البى واى دى بعد ازنكو

---

اقتباس:

---

المشاركة الأصلية كتبت بواسطة mazen.com

بسم الله الرحمن الرحيم كان فى عضو اتكلم كتير اوى عن البى واى دى وقال فيها شعر لدرجة تخيلت انها احسن من البى ام ارجو من مالكى هذه السياره انهم يقولو رايهم فى العربه قبل ما اشترى

---

استعرض موضوعات المنتدى من البداية .. وإن شاء الله حتلاقي كل الإجابات اللي ممكن تخطر على بالك .

اقتباس:

---

المشاركة الأصلية كتبت بواسطة ابوجنى2112

والله ياوليد باشا جرّبت كل حاجة..ماعدا...1.2 بوجيهات
مش عارف موضوع الشرارة هيبقى مزبوط..ولاّ هتغربل..

---

السلام عليكم

يعني عملت ريستارت لمسطرة الرشاشت وشفته بنفسك عالجهاز ؟!! لأني الفني حيقولك عملنا وإثبت إنت بقي بمعرفتك لدرجة أني باشك إنهم بيعرفوا يستخدموه أصلا إلا من رحم الله

العربية عندي لما اتظبطت أول مرة في إسكندرية أنا كنت معارض جدا ومستغرب ومش مقتنع للفرق الكبير ده ولكن ماقدرش طبعا أعترض علي الباشمهندس أسامة بعد ما جربت اقتنعت وباطلب كل مرة اغير بوجيهات في القاهرة الموضوع ده وبالاقيهم كلهم مضايقيين -ماعدا حبايبي طبعا- زي مايكون شتمتهم مثلا

....وربنا يهدي

جرب مرة كده تطلع إسكندرية وتعمل ظبط شامل هناك


تحياتي

اقتباس:

---

المشاركة الأصلية كتبت بواسطة sv065

السلام عليكم

يعني عملت ريستارت لمسطرة الرشاشت وشفته بنفسك عالجهاز ؟!! لأني الفني حيقولك عملنا وإثبت إنت بقي بمعرفتك لدرجة أني باشك إنهم بيعرفوا يستخدموه أصلا إلا من رحم الله

العربية عندي لما اتظبطت أول مرة في إسكندرية أنا كنت معارض جدا ومستغرب ومش مقتنع للفرق الكبير ده ولكن ماقدرش طبعا أعترض علي الباشمهندس أسامة بعد ما جربت اقتنعت وباطلب كل مرة اغير بوجيهات في القاهرة الموضوع ده وبالاقيهم كلهم مضايقيين -ماعدا حبايبي طبعا- زي مايكون شتمتهم مثلا

....وربنا يهدي

جرب مرة كده تطلع إسكندرية وتعمل ظبط شامل هناك


تحياتي

---

فينك ياستاذ وليد تحياتى لك،وفعلا كلام حضرتك مظبوط وواضح ان كلنا هنروح توكيل اسكندرية

اقتباس:

---

المشاركة الأصلية كتبت بواسطة mohhassan

فينك ياستاذ وليد تحياتى لك،وفعلا كلام حضرتك مظبوط وواضح ان كلنا هنروح توكيل اسكندرية

---

السلام عليكم يا دكتور محمد أخبار حضرتك وطمننا علي صيانة الألف أخبار العربية بعدها ايه؟

هو طبعا فرع إسكندرية ممتاز في ظبط السيارة ولكن مش عاوزيين نظلم برضه بعض الأساتذة في القاهرة.

يعني اسكندرية إذا كان المشاكل عندك مش بتتحل كذا مرة يبقي تعمل حسابك تصيف حتي لو في الشتا وتقضي يوم جميل هناك وياسلام لو معاك حد بعربية تانية تسيب عربيتك وترجع تستلمها اخر اليوم.

تحياتي

الحمد لله استاذ وليد انك بخير وبالنسبة للسيارة فالحاجة الوحيدة اللي فحصتها هي العفشة والحمد لله الاصوات اختفت بعدتربيط العفشة .. اما الباقي من مشاكل النوروالاستهلاك فساكتبها في تقرير باذن الله ولكنى مشغول وسايب فرصة بعض الوقت للحكم بحيادية بس عندى احساس انى هاروح اسكندرية بس علشان اتعرف علي الناس المحترمين هناك ولا انسى شكر للمهندس محمود في الشرابية علي حسن استقباله وتعاونه

اقتباس:

---

المشاركة الأصلية كتبت بواسطة mohhassan

شكرا لجميع المشاركين وكنت اتمنى ردود من اااعضاء مالكى byd حديثا مثل maybe - morabet8 -hamada hendawy وهل عندهم نفس او بعض الملاحظات

---

عزيزي الأستاذ محمد حسن
أنا استلمت العربية كانت العداد 70 كيلو تقريبا ومشيت بيها 150 كيلو فقط
يعني لسه مقدرش أحكم عليها بدقة ما عدا مشكلة الصفارة الغبي اللى عندي فهي مقبولة جدا
وده رابط الموضوع:
http://www.nilemotors.net/Nile/40038...post3875378121
شكرا والكل متابع تجارب الناس وخبرتهم مع هذه السيارة

اقتباس:

---

المشاركة الأصلية كتبت بواسطة maybe

عزيزي الأستاذ محمد حسن
أنا استلمت العربية كانت العداد 70 كيلو تقريبا ومشيت بيها 150 كيلو فقط
يعني لسه مقدرش أحكم عليها بدقة ما عدا مشكلة الصفارة الغبي اللى عندي فهي مقبولة جدا
وده رابط الموضوع:
http://www.nilemotors.net/nile/40038...post3875378121
شكرا والكل متابع تجارب الناس وخبرتهم مع هذه السيارة

---

الف مبروك علي السيارة وربنا يبارك لنا فيها ويكفينا شرها بالنسبة لصوت الصفارة فالاستاذ وليد كتب رد لحضرتك وبصراحة وبحكم خبرته لازم تسمع كلامه .. وان كان رايي تروح الضمان ويغيروه علي حسابهم ولو ماتحلتش المشكلة ييقى اشتري التيل اليايانى
ربنا يسترها معانا كلنا

اقتباس:

---

المشاركة الأصلية كتبت بواسطة mohhassan

الف مبروك علي السيارة وربنا يبارك لنا فيها ويكفينا شرها بالنسبة لصوت الصفارة فالاستاذ وليد كتب رد لحضرتك وبصراحة وبحكم خبرته لازم تسمع كلامه .. وان كان رايي تروح الضمان ويغيروه علي حسابهم ولو ماتحلتش المشكلة ييقى اشتري التيل اليايانى
ربنا يسترها معانا كلنا

---

ربنا يبارك في حضرتك ... أنا بس مش عارف هل تغيير التيل خارج الضمان يلغي الضمان ولا لأ