سؤال تانى عايز فوانيس شبورة اصلية تستحمل حرارة اللمبة الزينون هالاقيها عندة برضة ولا ما يفضلش يركب زينون على فوانيس البى واى دى
عرض للطباعة
سؤال تانى عايز فوانيس شبورة اصلية تستحمل حرارة اللمبة الزينون هالاقيها عندة برضة ولا ما يفضلش يركب زينون على فوانيس البى واى دى
ياحمادة باشا..أعوذ بالله ..ان يصفك أحد بالغباء..لاسمح الله.
انا بحاول اوصّل لك المعلومة ..مع شوية مزاح (تهريج) خفيف.
بس الظاهر من غباوتى انا ..معرفتش اوصل لك المعلومة بطرقة صحيحة.
وأخوك أبوجنى..عمرة مابيسمح لنفسة يغلط فى حد.
حد من الشباب ..لو يسمح يحط أرقام التليفونات ..وشكرا
يا استاذ / ابو جني
حضرتك انا لسه من اسبوع مستلم f3 اوتوماتيك
المفروض انها فيها فوانيس شبورة امامي وخلفي
لما جيت اجربهم في المعرض قالي انت تروح التوكيل علشان يشغلهم لك
اولا للشبورة الامامي الذراع فعلا فيه بكرة بتاعه الشبورة بس منظر فقط يعني مش بتلف ولا بتتحرك
ثانيا للشبورة الخلفي الزرار بتاعهم اللي عند زرار المرايات مش شغال يعني بدوس عليه مش بيتداس
فهل في شي اقدر اعمل انا علشان اشغلهم بدون الرجوع للتوكيل؟
وهل دة عيب صناعه؟
وهل مفروض ادفع فلوس لتشغلهم؟
ألف مبروك الاستلام ياباشا.. ربنا يرزقك خيرها ويكفيك شرها.. الواضح من كلامك كدة إن الفوانيس الشبورة الأمامية راكبة ولكن مش شغالة (يعني مش مجرد باغة فضي ساترة تجويف الفانوس).. وبالتالي فالمشكلة إن دراع النور اللي راكب هو الدراع العادي بتاع المانيوال (اللي بكرة الشبورة فيه مبتلفش).. فلو الوضع كدة فعلاً؛ فده معناه إن المعرض بدّل الأصلي بتاعها بالدراع الأقل ده (بتاع المانيوال) وقاللك روح على التوكيل.
وده بيحصل كتير في كل المعارض من استبدال قطع بالسيارة (زي الولاعة، والبطارية، وجنط الاستبن، وبعض الرفايع الأخرى...) سواء مع بي وايد أو غيرها.. والأفضل دايماً اللي بننصح بيه أي حد بيشتري زيرو (خصوصاً بي وايد) إنه يشتري من التوكيل على طول أفضل، ويراجع على كل صغيرة وكبيرة قبل ما يخرج جنيه من جيبه.. لكن عموماً بالنسبة لك الموضوع بسيط وكبيره إنك هتغير دراع النور بس أو تطالب بيه المعرض.
ولأي حد بيشتري زيرو بعد كدة: إعرف كويس المفروض تستلم إيه، ومتقبلش بكلمة "هتبقى تتصلح في صيانة الألف" من كائناً من كان.. هدفع الفلوس كاملة يبقى أستلم عربية كاملة.