ملاحظات سريعة بعد 100 كيلو متر مع byd f3 أتوماتيك
أنا أستملت العربية من المعرض في فيصل وكان العداد 62 كيلو
روحت البيت في أكتوبر يعني مشيت حوالي 30 كيلو
كل حاجة زي الفل بصفة عامة ..... ولكن العيوب حتى الآن ( بعد 160 كيلو):
أولا: عيوب خطيرة - في رأيي
1 - قبل ما أوصل البيت لاحظت صوت صفارة تقريبا في الخلف كل ما بتلف شمال
2 - الجنب الشمال برضه تحس إنه مايل شوية - روحت ظبط هواء للكاوتشات الاربعة وبرضه زي ما هيا
3 - إنهاردة بعد ما رخصت وعلقت النمر الصوت بيزيد وبقى دلوقت كما موجود أول ما ترفع رجلك عن دواسة البنزين وقبل ما دوس فرامل
بصراحة العيب ده مضايقني جدا ومش عارف المشكلة فين .. هل في المساعد ولا في أيه بالظبط
ثانيا :عيوب عادية أو سهلة:
1 - الشنطة مش بتقفل بسهولة محتاجة رزع شوية
حد قالي في صيانة ال 1000 تبقى تتظبط
2 - الرؤية بسبب القوائم شوية فيه مشكلة خاصة القائم الايس
دي كل ملاحظاتي حتى الآن ... شكرا والسلام
