كيا سيراتو كوبيه 2014 الجديدة من التوكيل ... سبيشيال أوردر !!!

السلام عليكم يا كياويه

النهارده دخلت صفحة كيا على الفيس بوك أشوف إيه الجديد , زودوا الأسعار ولا لسه :)

وهل فى أخبار عن السول والكوبيه الجداد ولا لأ

المهم لقيت حد بيسأل على الكوبيه الجديده ردوا عليه انها متوفره عن طريق الطلب الخاص !!!

ليه يعنى على أساس انها أوبتيما ولا كادينزا

الكلام دا ملوش غير معنى واحد :) ان سعرها صادم فمش عايزين يصدموا بيه الناس ياعينى

ودا غالبا بسبب المواتير لان مفيش منها 1600 عادى , فى 1600 تربو ودا أكيد هايغللى سعرها والتانى 2000 سى سى ودا طبعا مستحيل ينزل عشان الجمارك

ياريت حد يتطوع ويبقى يسأل على سعرها هايبقى فى حدود كام لو إتطلبت سبيشيال أوردر , من باب الفضول بس :)

متهيالي كده الادمن مهيس لان الالنترا الكوبيه بتنزل بنفس موتور السيدان و كيا المفروض نفس النظام و ايه موضوع زيادة الاسعار دى السيراتو الوكيل ابتدت تبيع بسبب العرض وحتى لو زادت الادمن اخر من يعلم
شكرا على الموضوع

كده انت بتقوللي يا عيني ده اتصدم !!! سبيشيال اوردر ده ايه الدلع بتاعهم ده ....امبارح كنت في القرش وقالوللي مش هتقل عن 190 الف جنيه !!!

السيراتو الكوبيه الخليجي نازله بمتورين واحد 1.6 تربو والتاني 2000 cc عشان كده اتوقع ان هيكون سعرها صادم

يبقي كده كلام الادمن مظبوط ومش هتيجي الا بالطلب

ياجماعه ولا سعر صادم ولا حاجه اللي هيتصدم ده يبقه غريب الصراحه!!!
السيراتو السيدان الهاي لاين اللي 1.6 na ب 190 الف وكسر طب المفروض لما تنزل الكوبيه بتاعتها وكمان 1.6 تربو 201 حصان طياره... تبقه مستني السعر كام؟؟؟؟
200 الف وشويه وش...
ده العربيه دي هتحط على عربيات بنص مليون....
انا شايفها عربيه محترمه ونقله في عالم الكيا....

اقتباس:

---

المشاركة الأصلية كتبت بواسطة corolladestroyer

ياجماعه ولا سعر صادم ولا حاجه اللي هيتصدم ده يبقه غريب الصراحه!!!
السيراتو السيدان الهاي لاين اللي 1.6 na ب 190 الف وكسر طب المفروض لما تنزل الكوبيه بتاعتها وكمان 1.6 تربو 201 حصان طياره... تبقه مستني السعر كام؟؟؟؟
200 الف وشويه وش...
ده العربيه دي هتحط على عربيات بنص مليون....
انا شايفها عربيه محترمه ونقله في عالم الكيا....

---

عربيه محترمه تمام بس هاتحط على عربيات بنص مليون من انهى ناحيه
ياريت حضرتك توضح من ناحيه التسارع ولا القوه ولا الفخامه

اقتباس:

---

المشاركة الأصلية كتبت بواسطة eleanor

عربيه محترمه تمام بس هاتحط على عربيات بنص مليون من انهى ناحيه
ياريت حضرتك توضح من ناحيه التسارع ولا القوه ولا الفخامه

---

في التسارع طبعا....انت هيبقه قدامك عربيه ب 200 الف ولاول مره بتحقق تسارع عربيات ب 400 و 500 الف وفوق كده كمان...
مين كان يقدر يجيب ال 100 في 7 ثواني؟؟
العربيه فعلا هتبقه اختيار الناس الجعانه سرعه وقوة ومعهاش تمن البي ام ولا المرسيدس ومش اي مرسيدس ولا بي ام ده 328 و c250.....
العربيه دي هتزعل ناس كتيييير......

اقتباس:

---

المشاركة الأصلية كتبت بواسطة corolladestroyer

في التسارع طبعا....انت هيبقه قدامك عربيه ب 200 الف ولاول مره بتحقق تسارع عربيات ب 400 و 500 الف وفوق كده كمان...
مين كان يقدر يجيب ال 100 في 7 ثواني؟؟
العربيه فعلا هتبقه اختيار الناس الجعانه سرعه وقوة ومعهاش تمن البي ام ولا المرسيدس ومش اي مرسيدس ولا بي ام ده 328 و c250.....
العربيه دي هتزعل ناس كتيييير......

---

هى المفروض هاتطلع كام حصان
وياترى ايه اخبار الثبات هو فيه ريفيوهات ليها

اقتباس:

---

المشاركة الأصلية كتبت بواسطة amgomaa

متهيالي كده الادمن مهيس لان الالنترا الكوبيه بتنزل بنفس موتور السيدان و كيا المفروض نفس النظام و ايه موضوع زيادة الاسعار دى السيراتو الوكيل ابتدت تبيع بسبب العرض وحتى لو زادت الادمن اخر من يعلم
شكرا على الموضوع

---

شركة كيا قررت انها تسوق العربيه لجميع دول العالم بموتورين الأول 2000 سى سى والتانى 1600 تربو ودا لانها عايزه العربيه يكون اداءها رياضى الى حد ما وال 1600 ال N/A هايكون ادائه عادى ويمكن أقل من العادى , وكيا مش عايزه كدا عايزاها مميزه عن اى كوبيه فى فئتها بس للاسف كله بتمنه وعلى حساب الزبون

البلد الوحيده اللى بتنزل فيها 1600 GDi مش تربو 140 حصان هى كوريا

اقتباس:

---

المشاركة الأصلية كتبت بواسطة M.ABDEEN

كده انت بتقوللي يا عيني ده اتصدم !!! سبيشيال اوردر ده ايه الدلع بتاعهم ده ....امبارح كنت في القرش وقالوللي مش هتقل عن 190 الف جنيه !!!

---

190 الف دا رقم قليل جدا على فكره

اقتباس:

---

المشاركة الأصلية كتبت بواسطة samomodrek

السيراتو الكوبيه الخليجي نازله بمتورين واحد 1.6 تربو والتاني 2000 cc عشان كده اتوقع ان هيكون سعرها صادم

---

مظبوط وإحتمال كبير يكتفوا بال 2000 سى سى لان ال 1600 التربو سعرها أغلى وكدا مش هاينفع تنافس لان كل فئه وليها سقف فى الأسعار ماينفعش تعديه

ال 2000 سى سى تمنها فى حدود 80 الف ريال لو التربو نزلت ممكن تدخل فى 90 الف ودا رقم كبير فى الخليج

اقتباس:

---

المشاركة الأصلية كتبت بواسطة corolladestroyer

ياجماعه ولا سعر صادم ولا حاجه اللي هيتصدم ده يبقه غريب الصراحه!!!
السيراتو السيدان الهاي لاين اللي 1.6 na ب 190 الف وكسر طب المفروض لما تنزل الكوبيه بتاعتها وكمان 1.6 تربو 201 حصان طياره... تبقه مستني السعر كام؟؟؟؟
200 الف وشويه وش...
ده العربيه دي هتحط على عربيات بنص مليون....
انا شايفها عربيه محترمه ونقله في عالم الكيا....

---

العربيه جامده وتحفه وفيها كل حاجه ممكن اى شاب يتمناها واولها الأداء الرياضى

بس السعر مش هايكون مقبول ولا منافس مع باقى العربيات ومعظم الناس هاتختار البديل

اقتباس:

---

المشاركة الأصلية كتبت بواسطة eleanor

هى المفروض هاتطلع كام حصان
وياترى ايه اخبار الثبات هو فيه ريفيوهات ليها

---

204 حصان 265نيوتن

دا تقييم ليها فى كوريا بس مش إحترافى أوى

‫تجربة كيا سيراتو كوبيه توربو قيادة حسن كتبي سيول كوريا‬‎ - YouTube

هاينزلها ريفيوهات كتير الفتره الجايه فى أمريكا بس العربيه لسه نازله فملهاش فيديوهات كتير

السلام عليكم
دي ال specs من موقع كيا (موتورين: 1.6 تربو أو 2000 cc N/A)

Kia Cerato Koup | Kia Motors Global Official Site

الريفيوز بره بتقول ان عيبها الكاوتش سيء (نيكسن) والانتريور مش مختلف كثير عن السيدان لكن بيشكروا جدا في الHANDLING

ودي ريفيو من استراليا:
2014 Kia Koup turbo review | carsguide.com.au

تحياتي

النهارده واحد حبيبي مدير فرع لاحد موزعيي كيا اكدلي الصبح النهارده ان الكوبيه الجديدة والسول كمان من كل نوع واحدة معروضيين في ابو رواش بس لسه الاسعار متحطيتش وقاللي بس انا مش مقتنع هما لسه مسعروهمش !!!! عموما الكوبيه برده قالي مش هتقل عن 190 او 200 الف ...والله اعلم

العربيه هتبيع جامد على فكره
لانك لو بصيت على اسعار المنافسين مش هتلاقى منافسين اصلا
العربيه دى ناقصها تبقى convertible

اقتباس:

---

المشاركة الأصلية كتبت بواسطة m.abdeen

النهارده واحد حبيبي مدير فرع لاحد موزعيي كيا اكدلي الصبح النهارده ان الكوبيه الجديدة والسول كمان من كل نوع واحدة معروضيين في ابو رواش بس لسه الاسعار متحطيتش وقاللي بس انا مش مقتنع هما لسه مسعروهمش !!!! عموما الكوبيه برده قالي مش هتقل عن 190 او 200 الف ...والله اعلم

---

طب ياريت لو حد عرف اى جديد يبقى يبلغنا

حسام باشا صباح الفل يا كبير .....وحشتنا والله ...
انا قاعد على نار ومستنيها بصراحة بس يارب السعر ميضربش في العلالي قوي علشان انا ان شاء الله قررت التغيير والكل بيقوللي شوفلك كوبيه مستعمل بس قلقان من اليوسد والجديد جديد برده...النهارده شوفت برده الفلوانس وبصراحة حكاية حكاية جامدة برده ...دعواتكم

اقتباس:

---

المشاركة الأصلية كتبت بواسطة m.abdeen

حسام باشا صباح الفل يا كبير .....وحشتنا والله ...
انا قاعد على نار ومستنيها بصراحة بس يارب السعر ميضربش في العلالي قوي علشان انا ان شاء الله قررت التغيير والكل بيقوللي شوفلك كوبيه مستعمل بس قلقان من اليوسد والجديد جديد برده...النهارده شوفت برده الفلوانس وبصراحة حكاية حكاية جامدة برده ...دعواتكم

---

صباح الفل ياباشا اخبارك ايه , ومبروك مقدما ان شاء الله

بالنسبه للسعر المتوقع للكوبيه الجديده بصراحه مش متفائل :)

لو ناوى على كوبيه ممكن الإلنترا سعرها يعتبر منطقى الى حد كبير فى ظل الأسعار الحاليه مشكلتها انها مانتشرتش

الفلوونس برضه إختيار كويس

فعلا برده يوم الجمعة شوفت في القرش الالنترا كوبيه 2013 جميلة جدا برده رغم انها مكانيتش في الحسابات بس في ضوء الغلاء في الاسعار برده الكوري تتطور بس اسعاره قربت جدا من الاوربي ان لم تعديه كمان وتخش عند معارض تقوله كيا وهيوانداي يقولك سيبك شوف اوبل او رينو او مازدا الخ الخ ....
المهم انا بحب كيا عن هيوانداي رغم انهم واحد تقريبا فهيبقى صعب عليا اسيب كيا لان برده عربياتهم محترمة بس كيا برده اسعارها اوفر شوية وانا عامل حسابي وتقريبا مطلع الكيا الكوبيه من الحسابات لان السعر غير مبشر ....وربنا يكرم

العربيه نزلت الخليج لسه شايفها النهارده

2000 سى سى ب 78 الف ريال

فيها كل حاجه ماعدا الفرش جلد والكراسى الكهربا , وفيها ESP

بس الموظف قاللى هاينزل منها 1600 كمان شهر هاتبقى أرخص شويه سألته هى دى التربو قاللى لأ مفيش تربو هاتنزل هاينزل 1600 عادى وأكدلى المعلومه ودى حاجه جديده بالنسبه لى اللى أعرفه يا 2000 سى سى يا 1600 تربو عموما كلها شهر ونشوف



http://nileup.com/up/uploads/nilemotors_13892702941.jpg

http://nileup.com/up/uploads/nilemotors_13892702942.jpg

http://nileup.com/up/uploads/nilemotors_13892702943.jpg

http://nileup.com/up/uploads/nilemotors_13892702944.jpg

http://nileup.com/up/uploads/nilemotors_13892702945.jpg

تسلم يا باشا ...... بس مش عارف حاسس ان القديمة في الشكل احلى وواخد الطابع الهجومي عن ده